Rejepgeldi Mejkow /Men uÿaldym.

Elif· · 16 gezek okaldyyurekdesh.ru
Sen henizem ýitirmänsiň görküňi,
Ýaňaklaryň daňyň atdym-atdymy.
Men uýaldym,
Bolmandan soň öňkülik,
Görkezmedim könelişen kaddymy.

Aý ýüzüniň menegi deý ýakalyň,
Juda tanyş,
Juda yssydy maňa.
Tas çöküpdim bäri bakan mahalyň,
Tenimi terk eden ysgyndan ýaňa.

Ýatlamaklyk indi jebrimem bolsa,
Hakydamda lebleriňden öpenim.
Eý Taňrym,
Paňkelle döwrümem bolsa,
Şol günler nähili bagtly ekenim?!

Eşidýän alysdan guşlaň gowuryn,
Olar ýürek ýaralarmy açýarlar.
...Saralyp-saralyp ýele sowrulan
Seniň söýgi hatlaryň deý ýapraklar
Lagnat daşy bolup depä gaçýarlar.

Arhiwiň ýagdaýy

● Doly tekst

● 4/4 teswir saklanypdyr

Ýazylan saýty: yurekdesh.ru · Çeşme: Web Archive nusgasy — yurekdesh.ru, 4 iýun 2018 ý. · Asyl sahypany gör ↗

Teswirler 4

Mr.President 2 iýun 2018 ý. 08:22
Ýatlamaklyk indi jebrimem bolsa,
Hakydamda lebleriňden öpenim.
Eý Taňrym,
Paňkelle döwrümem bolsa,
Şol günler nähili bagtly ekenim?!
Üýtgeşik setirler. (Aý, o döwürem üýtgeşik döwür-dä ýöne).
Sag boluň goşgyny okamaga döreden mümkinçiligiňize! Bahana bilen Rejepgeldi aganam ýatladyk.
Pahyryň ýatan ýeri ýagty bolsun!
Mr.President 2 iýun 2018 ý. 22:37
# Ms.Angel (02.06.2018 / 19:25)
Tanaýadyňmy?
Ýatan ýeri ýagty bolsun!Hawa, tanaýadym...
Ms.Angel 2 iýun 2018 ý. 19:25
# Mr.President (02.06.2018 / 08:22)
Üýtgeşik setirler. (Aý, o döwürem üýtgeşik döwür-dä ýöne).
Sag boluň goşgyny okamaga döreden mümkinçiligiňize! Bahana bilen Rejepgeldi aganam ýatladyk.
Pahyryň ýatan ýeri ýagty bolsun!Tanaýadyňmy?
Ýatan ýeri ýagty bolsun!
matematik 2 iýun 2018 ý. 07:23
Ýatlamaklyk indi jebrimem bolsa,
Hakydamda lebleriňden öpenim.
Eý Taňrym,
Paňkelle döwrümem bolsa,
Şol günler nähili bagtly ekenim?!

Sagbolun ine manyly setirler.hakyky nace pankelle bolsakda hickim dinlenmeyan,hic zatdan cekinilmeyan,vagt yok yerinden vagt tapylyan,gecmisde gulkili satlykly goyyan eziz yyllar