Kutlu dogum hepdesi mynasybetli

Asmany Güneşsiz kabul edip bilmeýän akyl Ony tanasady dünýäni Onsuz tanamazdy. Çünki Ol dünýäniň ýeke-täk Güneşi. Dünýä Onuň şanyna ýaradyldy.

Onuň ýörän ýolunda çykan gülleri gören gözler, başga ýollara seretmezdi. Çünki Onuň yzyndan ýöränler hiç wagt yolda galmadylar, azaşyp çykalgasyz ýagdaýlara düşmediler. Onuň mübärek ýoluna geçmiş-geljek her kim muşdak we aşna.

Onuň çakylygyny diňlemäge gulak gerek, çünki Onuň çakylygyny eşiden gulak başga çakylyklara gulak salmazdy. Başga çagyrýanlar özüniň we nebsiniň arzuwlarynyň yzyna düşürmek islediler, ol bolsa Allahyň ýoluna çagyrdy. Allah Onuň hakynda: “Kim Resula etagat etse Allaha etagat etdigidir” diyip buşlamadymy.

Dost gözleýäňmi, eý kalp? Özge dosty isleme. Oňa dost bolana bütin älem dost bolýar, Oňa duşman bolana bütin älem duşman bolýar. Ol we Onuň dostlary Allaha gullukdan aýrylmazlar, mätäçlere ýardam ederler.

Eý ALLAHYM! Bu älemiň iň parlak Güneşi, Güneşleriň baş täji, ýoly ýeke-täk ýol bolan we ýeke-täk Saňa giden ýoluň iň öňdäki Ymamy, Seniň Razylygyňa çagyran, çakylygy äleme meşhur bolan, dostlaryň iň söýgülisi älemleriň Serweri we biziň ýeke-täk Serwerimiz Ahmed-i Muhammet Mustafa sallallahu aleýhi we alä älihi we selleme biziň adymyzdan Salatu Salam eýle! Bizleri-de Onuň şanyna we Onuň mübärek Ady bilen bagyşla! Dogalarymyzy Onuň bilen kabul et! Onuň bilen işlerimize rowaç ber! Onuň bilen müşgillerimizi aňsat eýle! Meni we Onuň aşyklaryny Onuň ýolunda gurban eýle! Bizi Ondan aýyrma!