Durmuşdan sapak almaly

Bir bar eken, bir ýok eken. Gadym zamanlarda bir obada örän owadan bir gyz bar eken. Bu gyz şeýle owadan gyz eken welin ony görmäge uzak şäherlerden we ýurtlardan örän baý, özüne göwni ýetýän ýaşlardan birnäçesi gelýär ekenler. Özi bilen öýlenmek isleýän birnäçe prensleri we şazadalary kabul etmedi. 
 Şol obada ýaşaýan we bu gyza aşyk bolan bir ýaş oglan bu gyza gudaçylyga barypdyr. Emma gyz bu oglany hem islemändir. Aradan uzyn ýyllar geçipdir. Bu ýaş oglan obadan göçüpdir. Özüne başga bir durmuş gurup, öýlenipdir we çaga-gugaly bolupdyr. 
 Bir gün ýoly şol öňkije kiçijik oba düşüpdir. Ol ýerde tanaýan birini görüp bir wagtky owadan gyz hakynda sorapdyr. Garry adam öňünde bir gül bakjasy bolan öýi görkezip, gyzyň durmuşa çykandygyny aýdypdyr. Bu adam bir wagtlar hiç kimi islemedik gyzyň kim bilen durmuş gurandygyny bilesi gelipdip. Bir gün gizlenip gyzyň adamsy öýden çykyp gelýärkä ony görüpdir. Gyzyň adamsy çişik, kel we örän betgelişik bir adam ekeni. Gyz gapyny açanda oglan özüni tanadyp näme üçin bular ýaly adama çykandygyny sorapdyr. Gyz hem oňa arkasyndaky gül bakjasyndan ıň owadan gül goparyp getirse, jogap berjegini aýdypdyr. Emma bir şertiniň bakjada ýöräp barýarka yzyna öwrilmeli däldigini aýdypdyr.
 Ol adam ýüzlerçe gülli bakjada iň owadan güli tapjak bolup gözläp başlapdyr. Owadan bir gül görüp yanyna barsa, onuň aňyrsynda ondanam owadan gül barmyş. Şeýdip iň owadan güli gözläp barşyna gülli meýdanyň aňry çetine ýetipdir. Meýdanyň gyrasynda bolsa suwy ýetmedik bedroý güller bar ekeni.Yzyna-da boş gaýtmazlyk üçin meýdanyň iň çetindäki güli alyp gaýtmaly bolupdyr. 
  Gülli meýdanyň içinden iň bedroý güli saýlap getirip;
- Iň gowysyny saýlap meýdanyň soňuna çykaýypdyryn... Şuny getirdim – diýip bedroý güli uzadypdyr. 
- Men hem edil seniňki ýaly saýladym.