Prezident ogluny terbiýelemedik ministri işden kowdy
RIA Nowosti habar gullugynyň Aşgabatdan Türkmen telewideniýesine salgylanyp ýazmagyna görä, Türkmenistanyň prezidenti Gurbanguly Berdimuhamedow anna güni geçiren hökümet maslahatynda, ogluny ýaramaz terbiýeläni üçin, energiýa we senagat ministri Ýarmuhammet Orazgulyýewi işden boşatdy.
Orazgulyýewiň ogly, prezidentiň aýtmagyna görä, Politehniki institutda bile okaýan student ýoldaşlary bilen çynlakaý ýol hadysasyna sebäp bolupdyr.
Türkmenistanyň içeri işler ministri Isgender Mülikow hökümet maslahatynda çykyş edip, ýokary derejeli ýolbaşçylaryň çagalary bilen baglanyşykly ýol hadysasy barada habar berdi. Ýol hadysasyna galtaşykly studentleriň arasynda işden aýrylan ministriň hem ogly bar eken. Ýarmuhammet Orazgulyýew 12-nji fewralda geçen saýlawlarda prezidentlige dalaş eden kandidatlaryň biridi.
Berdimuhamedow maslahatda bu temadan gürrüňi dowam etdirip, ýolbaşçylaryň käbiriniň öz çagalarynyň edep-terbiýesine ýeterlik üns bermeýändigini, şol bir wagtda ýolbaşçynyň at-abraýynyň onuň çagalarynyň alan terbiýesine we olaryň jemgyýetde özüni alyp barşyna baglydygyny belledi.
Türkmen lideriniň sözlerine görä, terbiýesiz çagalar, adataça, ýokary derejeli ýolbaşçylaryň çagalarynyň günäsi bilen bolan we agyr netijelere getiren ýol hadysasynda bolşy ýaly, biabraýçylykly, betbagtçylykly ýagdaýa düşýärler.
Hökümet maslahatynda gürrüňi edilen ýol hadysasynyň jikme-jiklikleri aýdylmaýar.
Maslahatyň dowamynda işden aýyrlan ministr hem çykyş etdi we “öz maşgala agazalyryna döwlet ýolbaşçysynyň atalyk wesýetlerini we pentlerini ýetirip bilmändigini” aýtdy. Orazgulyýew prezidente özüniň döwlet baştutanynyň ynanan islendik wezipesinde ak ýürekden zähmet çekjegini wada berdi.
Gürrüňi edilýän ýol hadysasy sebäpli Türkmen politehniki institutynyň rektory Hydyr Saparlyýew hem işden boşadyldy. Bilim ministri Gülşat Mämmedowa bilen onuň orunbasary Geldimyrat Jumagulyýew bolsa berk käýinç aldy.
http://www.azathabar.com
Prezident indi name etmeli?
Cyracylaryn sonuna cykmaly.(16%, 9 adam)
Oz garyndaslarynyn hem gulagyny cekmeli.(63%, 35 adam)
Bilimi osdurmeli.(20%, 11 adam)
Arhiwiň ýagdaýy
● Doly tekst
● 73/73 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 16 aprel 2012 ý. · Asyl sahypany gör ↗
Teswirler 73
prezident dogry edipdir (men pikirim, belki yalnyshdyr)
Men 3 hepde mundan öň aýtdyma Pikirlerde. Hasam beteri şu mesler sebäpli, meň barýan Gökdepedäki balyk kafemi ýapdylar.
Awaria bugun bolyan yalay
4 sany mes oglan Gökdepäň balyk kafesinde doňup, Aşgabada-da ýokary tizlikde maşynlaryny sürüp gaýdypdyrlar awariýa düşüpdirler. Içinde ölenem bar. Bir-ä Hojambaz etrabynyň prokurorynyň ogly. Garaz bary ýolbaşçylaryň çagasy. Ýöne şu mesler üçin ol kafe näme günäkär?
hay bolmandyray bu kafen name dahyly barka?
Munuň ýaly wakalar başga ýerlerde hem kän bolýar. Başga WUZ-larda-da. Ýöne bu ýerde Prezident iki sany halamaýan adamsyndan dyndy. Bir-ä Saparlyýew, Birem Ýarmuhammet Orazgulyýew.
Koprunin yanyndaky kafemyka? Yaman gowy balygy bardy Shol yerinin.
Şol kafede olar oturyp, içipdirler. Şol kafedäki bişirilýän balyklar hatda Aşgabadyň ýekeje restoranynda-da bişirilenok. Ýylda 2-3 gezek barýan. Diňe balyk iýmäge.
Gökdepe metjidiniň töwereginde.
elbetde kafe gunakar, nebir cagalaryn icmegne sebäp boludyra :-D :-D
içgili adamyň maşyn sürmeginde herkimem günäkär.
Tm nira baryar ?
ozumizem ederdiklay yokary wezipelin cagasy bolan bolsak olar yaly keypleri
Ol kafeniň luks kabinalary bar. Özüne göwni ýetýänler ol ýere zenan eltip, keýp çekýärler. Umuman, mesleriň mesgeni. Ýöne bişirýän balyklaryna welin söz ýok.
Bu yagday kop biduzgunciliklerin onuni alamana sebap bolarmyka diyyan.
1 awtobus adam ölende prezidentin sesi cykmandy...
1 awtobus adam ölende, ýalňyşmasam bütin awtobus bolup içgili däldiler.
Soňam hiçhaçan 1 awtobus adam ölmändi, awtobus awariýa bolupdy. 1 awtobus adam öldi diýmek, fakultetiň ýarsy öldi diýmek.
Gaty hak söz! Özem şol awtobus 2009-njy ýylda bokly çärä gatnaşmak üçin Kaka etrabyndan Bäherdene gaýdypdyr. Ýolda-da ýagyşda köpriden kanala gaçypdyr, giden çagalar gark bolup öldi.
Mikroawtobus 10 adamlyk awtobus. Sürüji bilen 11 adam. Köpüsi çaga.
ses chykmaklygyn ichgili yada dalligi bn bagly yeri yok.