Teklip.

Diýen bolma “ sag bol” maňa ,
Sensiz sag bolup bolarmy?
Diýme, indi “ gaýdyp gelmen!”
Garaşýan ähti bozarňa!

Aýdyp gelmeseňem bolar,
Dolanaý içiň gysanda,
Bilip bolmaz ýatlap birden,
Jyzlap ýüregiň gyzanda.

Bil, ömürden kesilýändir,
Aýralyk günüň süresem.
Göwnüňe hiç zat getirme,
Görüp, men gülümsiresem.

Görersiň meň joşgunymy,
Serhetden agmaýanymy,
Asla sen aňyp bilmersiň,
Duýdurman aglaýanymy.

Çäksiz şatlasam geň görme,
Ýaranok men dursam gorka,
Ätiýaçly elmydam men.
Gaçaýjakdeý düýpsiz gorpa.

Zyýany ýok, çydaryn men,
Has kiçelip gitmesem bor,
Ýöne senem ezmaýyş kyl,
“gitdim” diýip gitmeseň bor!