EÝ SÖÝGÜLI

Seniň gapynda niçeme aşyklar söwdaý-yşk nagmalaryny aýtdy. Aý ýüzüňe gurban müňlerçe mejnun Seniň hasrat we hijranyň bilen ýandy-tutaşdy. Adamzat taryhynda Seniň ýali söýülen başga magşuk ýokdur. Aşyklar biri-birinde Seniň söýgüňi görüp, hoşwagt boldy. Çünki Sen Guneş mysalydyň. Ýagtylyk we ýylylygyňdan ýüzüňi saňa tarap öwren hiçkimi binesip goýmaýardyn, mähir çoguň herkesi gurşap alýardy. Magşuk Sen bolansoň, bir aşygyn söýgüsi beýlekisini gabandyrmaýardy, gaýtam, biriniň kalbyndan çykan owaz beýlekileriniňde ýüregindäki yşk alawyny guyçlendirýärdi. Seni söýenler duýgularyna äsgermezçilik edilmejekdigini, söýgüsine söýgi bilen jogap beriljekdigini, bu soýgüde hiçbir aýralygyň aşygy magşugyndan aýyrmaga güýjüniň ýetmejegini bilýärdiler.
Eý, gözeller gözeli, soýgüli, gel! Gel, garaňky gijeleriň Aýy-Güneşi! Gel, ýolda galanlaryň ýeketak ýolgörkezijisi! Ýene bir ýola myhmanymyz bol… Törümizde tagtyňy gur! Gel, koňlümizdäki garaňkylygy-tümligi kow. Gel-de şol zulmatlary nuryň bilen dargat! Gel, söýgä, mähir-merhemete teşne kalbymyzy muhabbetiň bilen, hoş niýetiň ýylysy bilen joşdyr. Gel, ruhlarymyzy paýhasyň ýagtysy bilen çaý we bizi öz ruhumyzdaky boşlukdan halas ET!
çeşme watan gaz