ÝAZ DUÝGULARY ( SHATLYK HUDAYNAZAROW )

                      ÝAZ  DUÝGULARY<br />

Iň arzyly myhmany sen zeminiň,
Iň arzyly myhmany sen köňlümiň,
Bary-ýogy üç aýjyk.
Ýylda üç aý-üç aý, uçrap yşkyňa
Ýüregimden çogup çykýar goşgular.

Yşkyň ýelkenine ýelsiň baharym,
Persiň ganatyna uçjak köňlümiň.
Ruhuma rugsatsyz gireliň bäri,
Şo-ol gülläp otuşym,
Hut seniň adyňdan,söýgiň adyndan,
Gürläp oturşym.

Üç otagjyk öýmüň içi yşkhana,
Ruhum bilen sazlaşypdyr ähli zat.
Gelnim pyrujadyr bagty guçmaga,
A çagalam,guçup,doýulmajak bagt,
Hem sebäpdir öz-özümi açmaga.

Gaýtalanýan zada endik diýilýär,
Göräýmäge gaýtalanyp gelşiň,
Meňzese-de endige,
Endikden ,kemlikden beýiksiň Ýazym!
Çünki, sen,her gelen,ter gelen pilläň,
Ýaşaýşyň keşbine dirilik çaýýaň.

Ýagşyň ýeri ýuwýar hem köňli ýuwýar,
Damjadan başlanýar ömrüň başyda.
Deň ýarym tolgunma, deň ýarym hyýal,
Durkum bilen tagzym edýän gaşyňda,
Galamymyň ylham gondy başyna.

Guşlaryň dilinde saýrasym gelýär,
Gülleriň reňkinde öwşün atasym
Arzuwlarmyň başy asmana degýär,
Dileglermi Allaň özi yalkasyn !

Shatlyk Hudaynazarow