Ýagyşyň sesi
Ýagyşyň sesi
Ýene rähmet ýagýar gökden şabyrdap,
Köpüň aýdylmadyk aýdym diýýäni.
Meniň bu ýüregim misli bir girdap,
Ýa ýagyşy ýuwudýar ýa-da dünýäni.
Ýagyş deý bakyşlaň meni ezerdi,
Şol ýagyşlar bilen gidipdiň senem.
Öňümde durmuşyň täzeçe derdi,
Käte agyr gelýär öwrenişseňem.
Ýöräp barýan bakyşlaryň astynda,
Guran dodaklama gonýar damjalar.
Saçlarymdan syzýan suwlar aslynda,
Ýatlamaň notasyz sazyny çalar.
Şonda bulutlara dikýärin gözlem,
Giden ýagşyň bilen gel ahyr indi.
Nurly damjalaňa düşünýär sözlem,
Kämilleşendirin öňküden şindi?!
Agyň tutsa eger, bir ýagyşly gün
Goşul oňa, arkaýyn bol, çekinme!
Gowşasyn kalbyňda üznüksiz düwün
Ýylgyr soňam, gamdan köýnek tikinme!
Käte gözýaşyňa sebäp bor ýagyş,
Ýüregiňde galan bolsa yrgyldy.
Her adam agyrýan ýerin tutarmyş
Meň agyrym bolsa, ruhumda galdy.
Arhiwiň ýagdaýy
● Doly tekst
● 21/21 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 5 maý 2012 ý. · Asyl sahypany gör ↗
Teswirler 21
Su wagt yagys yagybam dur.
Agyň tutsa eger, bir ýagyşly gün
Goşul oňa, arkaýyn bol, çekinme!
Gowşasyn kalbyňda üznüksiz düwün
Ýylgyr soňam, gamdan köýnek tikinme!- bendini haladym
Haladym, gowy goshgy, sagbol
gowy go$gy $u wagt da$aryk yagy$yñ a$agyna çykasym gelip gitdi 🙂
Define dost goşgyň gowy eken. Käbir belliklerimem bar. Hiç bir setiriňi /öwrenişseňem/ diýen ýaly agyr okalýan söz bilen tamamlamajak bol. /üznüksiz düwün/ diýilmeýär, çözülmesi kyn bolan düwün, çözülmedik düwün we ş.m. bolup biler. Ýüregi gyrdaba deňemek ony ýuwdarha ýaly görkezmek ýaly ters duýgyny oýarýar.Saçlarymdan syzýan diýeniňden damýan diýseň has türkmençe bolýar. Saçlarymdan syrygýan diýmek has dogry bolubam biler. Profissional şahyr hökmünde göremsoň saňa bu bellikleri etdim. Özüňe, setirleriňe has talap ediji bol.
Üstünlik. Ýöne goşgyň süňňi gowy.
Her shahyr yagyshy ozuche wasp edyar. Kimler onun astynda ezilyar, kimler ustunden yagshylyk yagdyryar, kimler... Goshgynyzyn natakat yerlerini sanardan entek ol dereje kamil dal. Ower yaly hem kamil dal. Yone oz halan yerlerim bar, sonky bendiniz has-da gownumden turdy.
Käte gözýaşyňa sebäp bor ýagyş,
Ýüregiňde galan bolsa yrgyldy.
Her adam agyrýan ýerin tutarmyş
Meň agyrym bolsa, ruhumda galdy.
Yagysh yagsa agyryan yerlerin gozgayan mysaly. Shahribossan shahyr hem ozuche beyan edyar:
Alem ichre chapalayan,
Para salyp zybanymy.
Kone yaram kowcheleyan,
Yshka berip pyganymy.
Yagyp keypi chaglayanmy,
Derdim janyna batyamy?
Ya halyma aglayanmy,
Ya yone agyn tutyamy?
Indi G.Ezizowyn gozi bilen yagysha seretsek, ol sheyle diyyar:
Namuchindir ozum bilip bilemok.
Sen gokden inende batyaryn gama.
Bir dilegim, yuregimde gat yasan
Gechen gunlen yatlamasyn gozgama.
Sheyle ajayyp goshgularynyzdan yene de paylashyp durun!
halandy
Rainman hokman halar muny 🙂))
gowja goshgy
Haladym 🙂
edil shuwagt yagysh yagyp otyr, sesi we ysy gaty yakymly🙂
edil shuwagt yagysh yagyp otyr, sesi we ysy gaty yakymly🙂
awtor kimay goşgunyň
Salam yhlasly agam! Ýerlikli bellikleriňize örän minnetdar. Şeýle bellikleri okamda, begenýän. Indi goranmaga başlaýyn. öwrenişseňem baradaky belliklerňize doly goşulýan. Düwün sözüni aslynda, bilgeşleýin üznüksiz diýip has uzak manysyny (ýara, ahmyr, kine) aldym; yzygider ýara. Ýüregi girdaba deňäp, aslynda, ters görkezmejek boldum. Ýöne täzeden barlaryn. Syzýan sözüni bolsa, täzeden janlandyrmak üçin ulandym. Ulanyşa girizjek bolup.
Men hakdaky pikirleriňiz üçinem aýratyn sagboluň! Muny ýazmak üçin köp garaşdym. Süňňini gowulaýançam, öz süňňüm düzeldi. Sagboluň!!!
Gowy go$gy haladym
salam Define,
goşgyny umuman haladym. käbir belliklerimi etmekçi.
Meniň bu ýüregim misli bir girdap,
Ýa ýagyşy ýuwudýar ýa-da dünýäni.
şu ýerdäki girdap diýen ýeri meňem göwnümden turmady.
Agyň tutsa eger, bir ýagyşly gün
Goşul oňa, arkaýyn bol, çekinme!
Gowşasyn kalbyňda üznüksiz düwün
Ýylgyr soňam, gamdan köýnek tikinme!
şu ýerde ilki iki setir gaty oňat. soňky iki setirde welin başdaky äheňden daşlaşylypdyr. belki-de, 4-nji setirdäki kapyýanyň işlik kapyýa bolanlygyndandyr.
Käte gözýaşyňa sebäp bor ýagyş,
Ýüregiňde galan bolsa yrgyldy.
Her adam agyrýan ýerin tutarmyş
Meň agyrym bolsa, ruhumda galdy.
bu ýerde-de ýokardaky ýaly ilki iki setiri seni nirädir bir ýere äkidýär. ýöne soňky iki setiri başdaky depgini gowşadýar.
üstünlik arzuw edýän. sag boluň.
goshgynam, Kozete m agzanyn yazanlaryny hem gaty haladym
Halandy awtor teshekurler
Halandy awtor teshekurler
Hemmäňiz köp-köp sagboluň. Bellikleri göz öňünde tutaryn!