Pygamberimiz'e (s.a.w.) baglylyk..

Hz. Ali’niň (r.a.) düýş ýorumy...
Ashabdan (Pygamberimiziň dostlary) Abdullah ogly Jabir bir düýşünde, uly sygyrlaryň kiçi sygyrlary saganyny, hassalaryň sagdynlary zyýarat edenini, gury bir çaýyň kenarynda ýam-ýaşyl baglaryň ösüp oturanyny, minberde (metjitlerde ymamyň hutba okaýan ýeri) ullakan butlaryň duranlygyny görýär. Bu, ýönekeý bir düýşe meňzänokdy. Munuň zerur bir duýduryşy bolmalydy. Bu düýşüni ýorumlajak kişi ilkinji gezek Hz. Ali ýadyna düşdi. Hz. Pygamberiň (s.a.w.) Ylym meýdanynyň gapysy diýip atlandyran Hz. Ali (r.a.) ynamly bir düşünidiriş getirip bilerdi. Bu düşünjeler bilen düýşüni ýordurmak üçin Hz. Ali’niň ýanyna bardy. Düýşüni bolşy ýaly gürrüň berdi we näme many aňladýandygyny ýormagyny haýyş etdi. Hz. Ali Ýalňyş ýorumdan Allah gorasyn diýip söze başlady we şeýle dowam etdi Uly sygyrlaryň kiçi sygyrlary sagmagy, dereje we ygtyýarlyklaryyny hakly soýmak, halkyň malyny iýmek üçin ulanan ýolbaşçylary; hassalaryň sagdyn adamlary zyýarat etmegi, garyplaryň hallaryny arz etmek üçin baýlaryň yzlarynda ylgamagyny; gury çaý kenarynda ýam-ýaşyl baglar, uzakdan we daşyndan seredilende örän uly diýip pikir edilýän we şeýdip abraý gazanan, emma içleri gury çölden ybarat bolan ylym adamlaryny; minberde duran ullakan butlar (heýkeller) bolsa, laýyk bolmasa-da ylmyň, diniň we döwletiň beýik derejelerine beýgelen kişileri aňladýar.

Bar zady bir zada jemlemeli diyildimikan 🙂. Uytgeshik metod, okanda dync alyan. Ellerinize saglyk.

Sen bir gyzyňy bermersiň-de...
Kufe'de bir adam üçünji Halife Hz. Osman üçin Ýahudy (ýewreý) diýer eken. Her kim munuň asylsyzdygyny, bolup bilmejekligini aýdýardy emma ol adam hiç ynanmaýan eken. Bu mowzuk Ymam-y Azam'a-da duýurylýar. Adamy bu samsyk pikirinden hiç kim dänderip bilmedi, soňunda birem siz görüşseňiz diýildi. Bolar” diýdi Ymam-y Azam. Bir agşam bu adamdan gyzyny soramak üçin öýüne gitdi. Dereden-depeden gürleşenlerinden soňra sözi esasa getirdi:
- Biz Allah'yň emri, Pygamberiň kawly bilene gyzyňy sorap geldik
- Kime isleýäňiz gyzymy, bilip bolarmy?
- Gyzyňy isleýän adamymyz gaty ahlakly, dürüst, örän baý we gaty jomart. Gurhany ýatdan bilýär we hemişe okaýar... (Bularyň hemmesi Hz. Osman'yň häsiýetleri)
Adam sözüni kesdi:
- Bolýar, bulardan bir sanysy-da gyzymy bermek üçin ýeterlik sebäpdir.
- Emma bu öýlenjek ýigidiň bir nogsany bar, özi ýahudy (ýewreý).
Adam ýerinden galdy:
- Nädip meniň gyzymy bir ýewreýe isläp bilersiňiz?
Ymam-y Azam üçin daşy ýerine goýmagyň wagty gelipdi:
- Sen bir gyzyňy ýewreýe bermersiň-de, Hz. Pygamber (s.a.w.) iki gyzyny birde bir ýewreýe nädip berer? diýeninde adamyň muňa garşy gürlemäge mejaly galmady, bilinen hakykaty kabul etdi.
(Hz. Osman (r.a.) Pygamberimiziň (s.a.w.) ilki bir gyzyna öýlenipdi, ol wepat bolandan soň beýleki bir gyzy bilen toý tutupdy. Munuň üçin Hz. Osman'a Zi'nNureýn'' (İki nur eýesi) diýilýärdi.)

Kapyrmy müminmi?
 
Ymam-y Azam'yň gatnaşan bir mejlisinde, bir adam şeýle sorag sorady: Bir adam, jennedi islemez, jehennemden gorkmaz, öli etini iýer, rüküsiz-sejdesiz namaz okar, görmeýänine şaýatlyk eder, pitnäni söýer, haky islemez, bu adam kapyrmydyr, müminmidir? Mejlisdäkiler bir agyzdan Bular kapyryň sypatlarydyr, beýle bir adam kapyryň edil özüdir. diýdiler. Ymam-ı Azam dymýardy: Ýa ymam, sen näme diýersiň? diýdiler. Ymam-ı Azam, Bular müminiň sypatydyr, beýle bir adam müminiň edil özüdir diýdi. Garşy çykdylar: Ýa ymam, nädip beýle bolýar, mümin jennedi islemezmi, jehennemden gorkmazmy?.. diýip. Ymam ýeke-ýekeden düşündirdi: Hakyky mümin jennedi islemez, eýesini (Allah’y) islär, jehennemden gorkmaz, eýesinden gorkar, öli eti diýýäniňiz balykdyr, görmedigine şaýatlyk eder, çünki Allah’y görmez emma ynanar, rükusyz-sejdesiz okan namazy jynaza namazydyr, pitnäni söýer, çünki pitneden magsat, mal we çagadyr, (Kur’an’da mal we çagalaryň müminler üçin pitne –synag- dygy bildirilýär); haky islemez, sebäbi hak diýlende ölüm göz öňünde tutulýar, müminem bolsa ölümi arzuw etmez.

Yslam dünýäsinde Gurhandan soň iň ynamdar çeşme, Sahih-i Buhari adyndaky hadys kitabydyr. İsmail el-Buhari'niň özüni Hz. Pygamberimiziň (s.a.w.) hadyslaryny toplamaga adan, täze bir hadys eşitmek we almak üçin dereler-düzler geçip, günlerçe, hepdelerçe ýol geçýän günleridi.Özüne birnäçe sahaba bilen görüşen biri barada söz edildi. Uzyn bir ýoly geçip ýaňky gürrüňi edilen adamy tapdy. Emma ol adamyň ýatagyndan boşan bir düýesini içi boştorba bilen aldap tutmaga çalyşýanyny gördi. Bu halda hiç zat soraman yzyna dolandy.Näme üçin boşgelendigini, birnäçe hadysy bellemänligini soranlara şeýle jogap berdi:
- Men düýesini aldap tutmaga çalyşan adamyň rowaýat etjegi hadysa ynanmaryn.

Allah razy bolsun bize yetirenin ucin, Akmyrat aga! Dowamyna-da garashyarys.