Pygamberimiz'e (s.a.w.) baglylyk..
Mekkä'niň fethinden soňra Yslam'y kabul edenler arasynda Hz. Ebu Bekir'iň kakasy Ebu Kuhafe-de bardy. Ýaşy segseni aşan, kör bir kişi bolan Ebu Kuhafe, Hz. Pygamber'iň (s.a.w.) huzurynda hydaýata ermekde giç galandygyny düzetmäge çalyşýan ýaly uly joşgun bilen kelime-i şehadet getirýärdi. Bu wagtda begenmäge derek, "Syddyk" (ýürekden kabul edip, sorgusyz-sowalsyz baglanan) lakamly Ebu Bekir aglaýardy. Emma bu aglaýyş bir begenç aglaýyşy däl, gynanç aglaýyşydy. Bu, mejlisdäki herkimiň haýran galmagyna sebäp bolupdy. Soradylar:
- Eý Ebu Bekir, näme üçin begençli bir günde gözýaş dökärsiň? Jogap berdi:- Allah'yň Resulynyň iň uly arzuwy, kakasynyň dogany Ebu Talib’iň musulman bolmagydy. Emma bu dilegi bolmady. Meň islegim, şu wagt meniň kakamyň ýerinde şehadet getiren Ebu Talib bolsun, kakamyň Musulman bolmagyna meniň göwnüm hoş boljagyna, kakasynyň doganynyň Musulman bolmagyna Allah Resuly’nyň (s.a.w.) göwni hoş bolsun. İne bu bolmanlygy üçin aglaýan.
Arhiwiň ýagdaýy
● Doly tekst
● 26/26 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 26
Hezreti Syddyk takwalykda birinjilerin hatarynda.( Alla ondan razy bolsun)
Ol (s.a.w.) näme etse dogrudyr...
Pygamberimiz (s.a.w.) azadly hyzmatçysy Zeýd bin Harisä'ni örängowy görerdi. Ogly Usamäni-de.Kakasyny-da, ogluny-da gerek bolanda goldardy.
Hz. Ömer bir gün ganymat maly paýlaýardy. Ogly Abdullah'a üç berse, Usamä dört berýärdi. Abdullah munuň sebäbini öwrenmek isledi:
- Men Usamä'niň gatnaşyp-da, meniň gatnaşmadygym ýekeje söweş ýadyma düşenok. Näme daýanyp oňa menden köp berýäň?
Hz. Ömer şeýle düşündirdi:
- Hz. Pygamber (s.a.w.) onuň kakasyny seniň kakaňdan, Usamä'ni-de senden has beter gowy görerdi. O'nuň (s.a.w.) her işinde hökman bir hikmet bardyr. Men O'nuň (s.a.w.) söýenini öz söýenimden ýokarda tutýaryn.
Salam Akmyrat agam,
Allah razy bolsyn. Allah'a giden yollaryn rehberi, dunyada ve ahyryetde bagtlylyk yollarynyn gorkezijisi Pygamberimiz Hz. Muhammet (s.a.v)-i soymek, her bir mu'mine parzdyr. Pygamberimizi soymeklik, Ona baglanmaklyk ve ondan gorelde almaklyk musulmanlaryn dini ahlagynyn biridir. Bu soygi ve baglanmaklyk beyleki pygamberler u/n hem degishlidir. Pygamberimizi soymek u/n sebap kopdur.
Bal şerbedi...
Bir Ramazan'da Medineli bir musulman Halife Hz. Ömer'i iftar (agzaçar)naharyna çagyrdy.Nahar wagty diňe Hz. Ömer'e bir gap içinde bir içgi berildi. Hz. Ömer sorady: Bu nämedir?. Öý eýesi jogap berdi: Bal şerbedidir, siziň üçin aýyrypdyk... Hz. Ömer ony içmegi kabul etmän şele diýdi: Meniň ýolbaşçylygyny halkymyň aglabasy içmek üçin heniz guýy suwuny tapyp bilmän ýörkäler, men bärde bal şerbedini içip bilmen.”
Beyik Allahy soyen, Pygamberimizi (s.a.v)-id soyer: Diy ki: Allahy soyyan bolsanyz, mana uyun ki Allahda sizi soysun ve gunahlarynyzy bagyshlasyn. Allah choh bagyshlayyjy ve merhemetlidir (Al Imran. 3/31)
Iň uly jomart
Zerur bir ýöreýşe taýynlyk görülýärdi.Pygamberimiz (s.a.w.) herkimden edip biljek kömegini iň uly derejede etmegini isledi. Hz. Ömer bu islege uýup, köp mukdarda kömek bilen Hz. Pygamberiň (s.a.w.) huzuryna çykdy. Hz. Pygamber sorady:
- Ýa Ömer, malyň näçesini ýardam üçin getirdiň?
Hz. Ömer jogap berdi:
- Edil ýarysyny getirdim ýa Resulallah, size getirenimiň ýarysy-da galdy.
Bir wagtdan soň Hz. Ebu Bekir geldi. Ol-da uly bir kömekde boldy. Hz. Pygamber (s.a.w.) ondan-da sorady:
- Malyň näçesini getirdiň? Jogap berdi:
- Hemmesini getirdim ýa Resulallah, öýümde Allah we Resulynyň söýgüsinden başga zat galdyrmadym.
Mundan soňra Allah'ıň Resuly şeýle buýurdy:
- Allah ýolunda ýardam bermekde Ebu Bekir'i hiş kim geçip bilmez.
Ya Rabbi! Bize hem Hz Ebu Bekirinki yali jomartlyk nesip eyle
Men-menlige garşy derman
Halife Hz. Ömer bir gün suw gabyny arkasyna ýükläp, Medinä'niň iň köp adamly köçelerinde gezinýärdi. Kakasynyň arkasynda suw gaby bilen gezinýäni ogly Abdullah’yň gözüne ilişdi we özüne ýetişip sorady:
- Kaka, sen näme edýärsiň? Ullakan halife arkasynda suw gabyny daşarmy? Daşadar ýaly adam tapmadyňmy?
- Oglum, muny daşadar ýaly adam tapyp bilmänligim üçin ýa-da başga bir mejburiýet zerarly daşamok. Nebsime men-menlik gelen ýaly boldy, özümi halan ýaly boldum, şonuň üçin bu ýola baş urdym.
Hz. Ali’niň üstünligi...
Bir gün ashab Pygamberimiz’den (s.a.w) Hz. Ali'ni näme sebäpden beter gowy görýändigini sorady. Hz. Pygamber şol wagt mejlisde bolmadyk Hz. Ali’ni çagyrmaga adam ýollady we ol ýerdäkilerden sorady:
- Birine ýagşylyk etseňiz, olam size ýamanlyk etse, näme ederdiňiz? Jogap berdiler:
- Ýene ýagşylyk ederis.
- Ýene ýamanlyk etse?
- Biz ýene ýagşylyk ederis.
- Ýene ýamanlyk etse?
Ashab jogap bermedi, başlaryny öňe egdiler. Munuň manysy ýamanlyga ýamanlyk bilen garşylyk bermesek-de, ýagşylyk etmäge dowam etmeris diýmekdi.
Bu wagdam Hz. Ali şol mejlise geldi. Rasulullah Hz. Ali'den sorady:
- Ýa Ali, ýagşylyk eden bir adamyň saňa ýamanlyk etse näme ederdiň?
- Ýene ýagşylyk ederdim.
- Ýene ýamanlyk etse?
-. Ýene ýagşylyk ederdim.
Hz. Pygamber soragy ýedi gezek gaýtalady. Hz. Ali ýedi gezegem ýene ýagşylyk ederdim” diýip jogap berdi. Ashab,
- Ýa Rasulallah, Ali'ni has gowy görmegiň sebäbine indi düşündik diýdiler.
Bir musybat...
Serkerdelerden biri bir ýenişden gelip Halife Hz. Ömer'iň huzuryna çykdy. Ýanynda gysga boýly, hor biri bardy. Hz. Ömer Bu kim? diýip sorady. Serkerde gürrüň berdi: Bu meniň sag golumdyr. Haýsy işi buýursam, üstünlik bilen ýerine ýetirdi. Iň gizlin habarlary ýerine gowuşdyrdy. Käwagt bir goşunyň ýerine hyzmat etdi. Ýeňişlerimi onuň saýasynda gazandym diýip bilerin.
Aradan wagt geçdi, ýaňky serkerde Hz. Ömer’iň huzuryna täzeden çykdy. Emma ýeňilen serkerde bolup. Halife sorady:
- Hany sag goluň nirede?
- Sorama ýa Ömer, hyýanat etdi, duşman tarapyna geçdi.
Hz. Ömer bu gezek gürledi:- Allah'dan başga hiç kime daýanmaly däldigini geçen gezek aýtjakdym, emma goýbolsun etdim. Bir musybat müň nesihatdan ýegdir diýip piker etdim.
Akmyrat gaty gowy yazypsyn,ellerine saglyk,her gezek okasamda yene okasym gelya,soyguli Pygamberimiz saw we sahabalar kooop kynchylyk gorupdir,shondada dininden danmandir,Allahyn hak gulyda,Allajan sholaryn imany yaly 10dan 1 bolek bersede biz shat
gaty gowy zatlary yazypsynyz,sagbolun
Menem shu aydylanlara goshulyan, hemmamizden Alla razy bolsun
ellerınız dert gormesın, kop kop sag bolun seyle gowy zatlary yazyp durun ULLAKAN HAYYS!!!
Hakyky sebäp...
Hz. Ali'niň halifeligi döwründe, Hz. Osman'yň şehid edilmegi bilen tamamlanan pitne, fesad hasam artdy. Bu ýagdaýa gynalan, şykaýatçy bir mümin, Hz. Ali’den sorady:
-. Ýa Ali, näme üçin Hz. Ebu Bekir we Ömer döwründe bolmadyk bu wakalar, seniň döwrüňde bolýar?Müminler biri-birleri bilen söweşýär, gan döküşýärler?
Hz. Ali jogap berdi:
- Hz. Ebu Bekir we Ömer döwründe biz bardyk, emma biziň döwrümizde olar ýok.
Ot dünýäden gidýär…
Abbasi'leriň meşhur halifesi Harun Reşid döwründe ýaşan Behlül Dana (VIII. ýüzýyl) döwrüniň öwliýasyndandy. Behlül elmydama Harun Rediş'iň yakynynda bolardy, her dürli sebäpde oňa duýdurardy. Bir gün Behlül, üsti-başy toz-toprak içinde uzyn bir ýoldan gelen ýaly sypat bilen Harun Reşid'iň huzuryna çykdy. Harun Reşid sorady:
- Bu ne hal Behlül, nireden gelýärsiň?
- Dowzahdan gelýän eý hökümdar.
- Näme işiň bardy dowzahda?
- Ot gerek boldy, şony almaga gitdim.
- Getirip bildiňmi onsoň?- Ýokhökümdarym, getirip bilmedim.Dowzahyň garawullary bilen görüşdim, olar “Pikir edişiňiz ýaly bärde ot ýokdur, ody herkim dünýäden özi getirer” diýdiler.
arman + ikinji gezek goyup bolanokda,bolmasa yene goyardym,mashaAllah,okap hezil edyan,esasanam oz dilinde bolsa 🙂
Köşkde agzaçar...
Harun Reşid bir Ramazan güni Behlül'e berk tabşyryk berdi:
- Agşam namazynda metjide git, namaza gelen herkimi agzaçara çagyr.
Agşam boldy, namaz okaldy, namazdan soňra Behlül 5-10 kişilik bir topar bilen geldi. Harun Reşid haýran galdy:
- Behlül bular kim? Men saňa namaza gelen herkimi köşge çagyr diýip tabşyrmadymmy? Sen şonça jemagatyň arasyndan bir saçaklyk adamam getirmänsiň..- Hökümdarym, siz maňa metjide gelenleri däl, namaza gelenleri agzaçara çagyr diýdiňiz. Namazdan soňra bendäňiz metjit gapysynda durdym, çykan her kimden ymamyň namaz okadanda haýsy süräni okanyny soradym, Onu-da diňa şu getiren adamlam bildi. Metjide gelen köpdi emma, namaza gelen, diýmek, ýalňyz şular eken.
Adamyň gymmatlygy...
Halife Hz. Ömer bir mejlisdäkilerden sorady:
- Eger dilegiňiz edil şu wagt kabul ediljek bolsady, näme dilärdiňiz?
Biri, Meniň pylan oba doly altynym bolsun islärdim. Ony sowup, Yslama has köm ýardam bererim ýaly diýdi. Bir başgasy, Şunça sürim (dowar, goýun, geçi), mal we mülküm bolsun islärdim. Gerekli wagty olary sarp edip, dine peýdaly bolarym ýaly diýdi. Herkim muňa meňzeş zatlar aýtdy. Hz. Ömer hiç birini halamady. Bu gezek mejlisdäkiler, Hz. Ömer'den soradylar:
- Ýa Ömer, sen näme dilärdiň?Jogap berdi:- Men Muaz, Salim, Ebu Ubeýde ýaly musulmanlaryň ýetişmegini dilärdim. Yslam’a olaryň üsti bilen hyzmat edeýin diýip...