Namart kim, mert kim?
Mertiligi hem-de namartlygy siz näme bilen kesgitleýärsiňiz? Mysal üçin siziň pikiriňizçe nähili adam mert bolýar, nähili adam namart?
Muny soraýandygymyň bir sebäbi bar. Näme üçindir soňky döwürlerde meniň mertdir öýdenlerim, bigaýrat ýalançy bolup çykýar. Magtymgulam şu meselede köp ýazypdyr. Ýa şol ägirdiň aýdýan zamanasy geldimikä? 1950-nji ýyllarda doglanlar bilen 1990-njy ýyllarda doglanlaryň düşünjesi deň däldir. Şonuň üçinem biziň mert diýýänlerimiz siziň pikiriňize görä namart, namartdyr diýýänlerimizem mert bolaýmasyn? Ýa bu mesele hiç haçan üýtgemeýärmi?
Arhiwiň ýagdaýy
● Doly tekst
● 30/30 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 10 maý 2012 ý. · Asyl sahypany gör ↗
Teswirler 30
Mert özünden görer, namart -- ýoldaşyndan.
Namarda zar bolandan, gara derýa gark bol.
Merde ýolbarsaň, peseler, namarda ýalbarsaň, eseler.
Men shu nakyla düshünshim ýalam merdi,namartdy tanaýan,düshünýän.
Kemçiliklerini özünde gözleyan mert adam we başkalarynda gözleyan bolsa namart adam.
Mertlik? Mertlik? Mertlik? Bilmedimda,
mertlerden soraymasan!
mert Nesimi,
Namar-ony soýanlar.
...gaty giñ dü$ünjeler bular.
Bulary iki sözde teswirlemäge Omar Haýýam bolmak gerek bolaýmasa ...
Adatca mertler watany beygeldyändir, watan bolsa mertleri. Mert adam il yurt ücin, dostlary ücin öz bähbidinden gecip bilyän adam dp düsünyän menä.
Türkmeniň bir nakyly bar. Namartja olam, sagja olam. Käbir meselelerde öz başyňy, öz maşgalaňy oduň başyna sokmazlyk üçin, mertleriň söweş meýdanyny taşlap giden adamlaram bolýar. Onsoň, olarda bir döwürden soň wyždan-beýleki oýanyp, mertlik-namartlyk baradaky pikirler öň aňlarynda döreýän bolmagyda mümkin. Mertlik-namartlyk otnositel zat. Hitrowkalylarda bir deň-duşuň goňşy obaň oglanyndan urulsa, şoňa kömege galmasaň, sen namart. Kömege galyp, uruşmaga gitseňem, sen mert. Ýöne ertir mentler seni ýygnasa... onda o tarapam bar.
Bir sorag, sen özüňi mert saýýaňmy?
Mert dälligiňi boýun almagam mertlikden nyşandyr
Optimus dost men hiç kimden sen mertmi ýa-da namart diýip soramadym. Men bu meselä garaýyşyňyzy bilmek isledim. Mysal üçin, men özüme mert diýemde sen ýok, sen namart diýip bilmersiň. Sebäbi sen meniň mertlik ýa tersine namartlyk edenimi görmediň. Şonuň üçin boş ýere özüňi namart görkezmegem, ýa-da men mertdirin diýip öwünmegem dogry dälmikä diýýän. Ýöne meseläň seniň çetiňe degenine, hem maňa minus goýanyňa begendim. Diýmek sen bu meseläň gozgalmagyny halamansyň hem oňa mertlerçe minus goýupsyň. Emma namartja olam, sagja olam diýilýän nakyl bize azerbaýjanlardan ýa-da kürtlerden geçen bolaýmasa. Beýle häsiýet türkmeniň aglabasynda ýok. Sagja olam diýip namartlyk etseň ertir ile-de çykmak gerek ahyryn. Türkmen ile masgara bolmagy hemme zatdan beter ýigrenýär. Onsoňam olam sözüne üns beriň, bolaýyn diýilmändir türkmençeläp. Türkmen diýse namartja bolaýyn, sagja bolaýyn diýäýjek ýaly. Ýöne uruşmaga gitmek mertlik, gitmezligem namartlyk diýýänler bu meselä ýüzleý garaýarlar. Ol edil çagalaryň sögmedigik eşşi diýip oýnaýan oýnuna meňzeýär. Men näme üçin uruşmalydygymy bilmän näme üçin urşaýyn? Kim bilýär, arkasyny aljak bolýan goňşymyň özi günäkärdir? Umuman pikirlerini aýdanlara sagbolsunymy aýdýan. Niçigem bolsa bu barada pikirlenmek size peýdaly bolandyr diýip hasap edýän.