Erkeklerem aglaýa...
Erkeklerem aglaýar... Hem-em gaty üýtgeşikdir erkegiň aglaýyşy, başga zada meňzemez. Eger kim saňa "Erkekler aglamaz" diýýän bolsa, ynanmagyn, çünki ýalan gepdir "Erkekler aglamaz" sözi. Seret men aglaýaryn we aglamaga dowam etýärin.
Hemme zatdan ýadan kellämi iki elimiň arasyna alyp, saçlarymy ýolaýjak ýaly çekip aglaýaryn. Biderek geçen ýyllaryma, imansyz geçen günlerime gynanýanym üçin aglaýaryn. Daş töweregime seretýän, adamlaryň hiç haçan ölmejek ýaly ylgap ýörişleri meni aglatýar. Her günüň sonuňda, "Men şu gün dinim üçin näme etdim" diýen sorag aklymda aýlananda aglaýaryn. Köçädäki adamlaryň arakdan piwadan gark bolup, sonuňdanam gelip, "Men musulman" diýenlerinde agym tutýa. Aglaýaryn, sebäbi daşary ýurdyň yzy üzülmeýän köçelerinde aýlanyp ýörkäň, diniňi soran bir adama buýsanç bilen "Men musulman" diýemde, Pygamberimiz Muhammet Mustafa Aleýhisselätü weselami soraman Ben Ladiny soranlary üçin aglaýaryn.
We bu ýalançy dünýäde zerre ýaly wepasyzlygyň ýokdugyny bilip aglaýaryn. Bir adamy dostum diýip söýüp, söýüp, ondan çigit ýaly wepalylyk garaşaňda, ýykyp bolmajak bir diwara kakanymy bilip aglaýaryn. Şu gezek ýalňyşyny düzeder diýip, ýene wepalylyk garaşaňda, bu gezek diwardanam berkiräk zada süsýänim üçin aglaýaryn. Şol wagt öz-özüňi öldürmek gelýär kelläňe, ana şol pikiriň gelýäni üçin aglaýaryn.
Adamlaryň bir käse çaý içip yzyndan Elhamdulillah diýip bilmeýäni üçin aglaýaryn.
Allahym soňky gezek şans ber diýip namazlygyňy ýazyp sežde ýagdaýynda dileg edýärkäm, gözümden çykan ýaşlary saklap bilmän aglaýaryn...
Adamlaň köpüsi nebsine uýup
Işleýär günäni Alla ýok diýip
Nico sözün sözlär öljegin bilip
Afuw Rahim munda Seni ýatlaýan
Arhiwiň ýagdaýy
● Doly tekst
● 43/43 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 14 maý 2012 ý. · Asyl sahypany gör ↗
Teswirler 43
Erkekler aglayar yone ansatlap bildirmez oz aglayanyny
erkekler aglayar yöne görkezmeyar..😊
Aglamaly däl başarsaň...
Bizede sheydip aglamak nesip etsin
näme üçin aglamaly däl
Guycli(erkek adam manysynda) yone yere aglayan daldir! G.Ezizow.
23yashyndaky oglanyn aglanyny gorup saklanyp bilman ozumin aglanym yadymda!
Manyly tema...
Sebäbi bizi gyzlardan tapawutlandyrýan zat mertlik, näme bolsa-da erkek adam ejizlemeli däl. Gynanyp biler, ýöne aglamaly däl, aglaýsaňam muny hiç kim bilmeli däl (bu meň pikirim)
beyikler aglapdyr,aglayar ahyry. Basharsan aglamaly menche
da erkeklerem aglayar..
Da$-töweregine seredip gynanyp aglayan welin...Wahhh,aglanyñ bn $o aglan sebäpleñ dúzelsedi...
Her kimiň pikirine sylagym bar ýöne meniň pikirimçe ýalňyş pikirlenýäň
Erkekler
aglamaz diyipdirler
Erkek adam
aglamazmyş!
Hz.Muhammed(s.a.w.) ymmatym ymmatym diýip gözýaş dökmedimi? Zilzal
süresini duýanda
Hz.Ebu Bekir gözýaşlaryna gömülmedimi? Hz.Omar,
Pygamberimiz(s.a.w.)iň
gamyşdan ýasalan krowatyndan arkasynyň çukur bolanyny
görüp gözlerinde
ýaşlar birikmedimi? Gabyrlaryň ýanyna baranda sakallary höl
bolýança aglaýan
Hz.Osman dälmidi? Hz.Muhammed(s.a.w.)iň hadyslaryna göz
gezdir: “Aglaň,
eger aglap bilmeýän bolsaňyz aglan ýaly gynanyň. Kyýamat
gündäki azaby
bilsediňiz, aýakda durup bilmejek derejä gelinçä namaz kylyp,
sesiňiz gyrylýança
aglardyňyz.” Erkek adam aglamaz däl! Adam ýaly adam bolsa
aglar.
dogry aytyan erkek adam aglar aglayaram.Allah hichkime gorkezmesin yone ejengi ebedilik dunya ugradyp durkang nadip aglaman durjak?ya oz chagangy?
Aglaya yone gizlin 😉
Teswirler.com da okan 2 sany has manyly temamyn biri shu boldy
Ýañy golaýda daže W.W.Putin'am aglapdy
Sheyle aglayanlaryngky yaly iman hemmamize nesip etsin!
näme diýjegimem bilemok..