Täze goşgy
ÖMRÜŇ SOŇKY MERDIWANY
Basdym aýagymy bir merdiwana,
Men bir diwana.
Ýokary galýanmy, inýänmi aşak,
Aýaklaýyn düşýänmi, ýa gidýänmi başaşak?
Gurruk guýa inýänmi, ýa gaýýanmy howada?
(Şükür, hernä, dilim-aňym dileg bilen dogada).
Töwerek tüp yssy, üşüdýän wagtym,
Gözleýän sermenip, terk eden bagtym.
Düýşüm diýsem oýalygym, oýalygym düýşümmi ýa,
Aklym kesýär bar zada, hiç zada-da düşünmeýän.
Ak diýenim gar eken, ellerimde eräp dur,
Gara diýenim gül tohum, gögeripdir gülläpdir.
Ýük urjagym ala ýüp, boýnuma saralyp barýar,
Ýagty diýilýän jahan, gün-günden garalyp barýar...
Basdym aýagymy bu merdiwana,
Men bir diwana.
Arhiwiň ýagdaýy
● Doly tekst
● 13/13 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 13
Oylandyryjy, manyly setirler,galamynyzyn ujy mundan beylakde yiti bolsun, paylashanynyza minnetdar
bu goşgy ak goşgumy? Gowy bolupdyr
Bola-bola gider sen
Gara ganlar ýuwtup, hasratlar çekip,
Mala meşgul bola-bola gider sen.
Dodagyň tebredip, ýüregiň ýakyp,
Gümanyň bar, alyp, bile gider sen.
Munça jepa, ogul,gyz-u zen üçin,
Munça aşret häk olajak ten üçin,
Gitmez garamaty iki gün üçin,
Neçün boýna ala-ala gider sen.
Magrur olma senjabyňa, samryňa,
Ajal-Dawut elin çekmiş demriňe,
Gylça jana bu bäş günlük ömrüňe,
Ne tetärik kyla-kyla gider sen.
Malyny küýseme berimsiz baýyň,
Il gezdikçe, gözi doýmaz gedaýyň,
Mümin bolsaň, kyl gullugyn Hudaýyň,
Bäş wagt ýada sala-sala gider sen.
Magtymguly, habar bergin näderiň,
Her ýan barsaň,ajal imiş güzeriň,
Ýashana diýp, ýyglap geçdi pederiň,
Senmi mundan güle-güle gider sen?
Goşgy kapylaşanok pikirleri biri-birini yzarlanok hiç zada düşünmedim!
haladym sag bol
Azrak gülip, agrasrak boljak bolup gör isleseň, soň düşinmegiň mümkin goşgyň pikirlerine. Şu millet goşgy diýse kapyýa ýadyna düşýär, kapyýa diňe soňky iki harpyň bir meňzeş bolmalydyr öýdýärmi näme
Men öz pikirimi aytdym.Awtora degişli ol dine sana dal Free. Kan gülyanimi nireden bilyan gözün bilen görmen karar berme her içimdakini yüzüme çykaryp duramok
Yhlasly aganyng goşgulary barada bir zat diymekden yaydanyan. sebabi goşgy yazyş stili juda üytgeşik. her bir setirin anrysynda giden bir tejribe bardygy, pelsepe otarlandygy mesana malim bildirip dur.
yokarda kapyya we pikir dowamlylygy barada aydylanlar bilen ylalaşmak düybünden mümkin dal. üytgeşik kapyyalaryn we sazlaşyklaryn gözlenendigi açyk.
gaty üytgeşik goşgy. düşünjek bolup gayta-gayta okadym. öwran-öwran pikirlendim.
her bir setir adamy oylandyryar. dürli düşünjeler gujak açyp seni bagryna basyar.
Yhlasly aga galamyngyza güyç dileyaerin. şeyle goşgularyngyzyn höwrünin köp bolmagyny arzuw edyan.
sag bolun.
Free aga beydip uyalarmyzyn göwnüne degmedä. herkim bir manyny çykarmaly diyip zat yok. herkimin öz inisiyatiwasy özüçe bolya. onsonam bärde yalnyş zat aytmandyr ahyry kabir setirlen kapyasy gabat gelibem duranok. yöne bir awtoryn iç gepletmesi. birek biregin düşünjelerine hormat goyalyn!
Goşga kän ökde bolmamsoň, belli bir pikir aýtmakdan saklanýaryn. Gowy goşgy bolupdyr diýmek bilen çäklenýärin. Galamyňyzyň ujy ýiti bolsun, Yhlasly aga!!
Basdym aýagymy düñle merdiwana,
Durmush ýollaryna bolup rowana.
Ýokary galýaryn, kä inip ashak,
Käte akyl bolsam, käte diwana...
Ashaky ýazgylarynam shu hörpde alyp git, goshgyñ manysy gowy. Azajyk üstünde ishleseñ hasam showly çykar!