Söýgi ahlagy
Ine-de Bahar gelip ýetdi, ýöne intäk pasyla doly geçemizok. Ala-bahar diýilýänini ýaşaýas. Howalaryň bir-de gyzyp birdenem sowaýan wagty. Ejiz bedenleriň iň köp keselleýän wagty. Howa çalyşyk sepgidi, ala-bahar wagty. Köp dertleriň gozgalýan wagty. Beden dertleri bilen bile adamyň ruhy dertleriniň hem möwj urýan wagty. Atalarymyz ýel ýürek ýaşlary oýnamaga ala-bahara deňemedik bolsalar gerek. Baharyň ala howasyna aldanyp gülläp başlan agaçlaryň gäbi azyşy ýaly, käbir ýaşlaryňam ýüregine düşen ýeli söýgi kabul etmegi adaty ýagdaý. Ah, söýgi. Her kim bu duýgyny öziçe geýindirdi, öziçe üýtgeşik sypatlara bürendirdi. Söýgi diýilse, birinji bilen gyzyň kellesine oglan oglanyň aňyna-da gyz geldi. Eýsem söýgi şonyň ýaly dar manylymydyr. Hemmämizem bilýändiris-le beýle däldigini. Onda? Näme üçin gyz-oglan arasyndaky söýgini beýlekilerden has üýtgeşik görkeziljek bolup dyrjaşylýar. Iň beterem söýgi diýilende ilki bilen paşmadyk söýgiler akyla gelip, ah-wah''lar bilen bagdaşyp gidiberýär. Biri-birine gowuşman galan ejir çekdirýän söýginiň ala-baharda gül açan agaçlaryň ykbalyndan näme tapawudy bar.
Dünýädäki her bir zadyň ahlagy bardyr. Tebigatyň ahlagy: gyşda gyşyň, ýazda ýazyň şertlerine görä hereket etmegidir. Adamlaryň ahlagy: köpçilikde girim-çykymy bilmegi, nirede nä mukdarda we nähili gürlemeli, hereket etmelidigini bilmegidir. Adamdaky her häsiýetleriň hem özüne mahsus ahlaklary bardyr. Ahlak näme? Häsiýet, sypat, moral', etika. Şu ýerde söýginiň etikasyny ýagny ahlagyny ele almak isledim. Ýaşaýyşyň maýasy bolan söýgi her nesne (jansyz zat) we her janly üçin duýulyp biliner. Nesne ýa-da janlylar üçin içimizde besleýän söýgileriň hiçisi biri beýlekisinden üstin däldir. Allah'a (j.j) bolan söýgimizden başgasy. Aralarynda iň üstini diňe Beýik Biribara bolan söýgidir. Adamyň janly ýa-da jansyz geçiji bolan zatlara besleýän söýgisinden ejir çekmeginiň asyl sebäbi hem şol Beýik Biribara bolan Söýgini tanamaýanlygydyr.
Söýgini derejelere aýyrsak: halamak (gowy görmek), söýmek we aşyk bolmak diýip bileris. Gowy göreniňden aýrylmak bize onça köp jebir bermez. Söýeniňden aýrylmagyň berýän jepasyny wagt asta-ýuwaş giderer. Aşyk bolanyň bolsa dat günine. Bu dünýädäki ebedi bolmaýanlara aşyk bolmak adamy ýer bilen ýegsan eder. Ýa öldirer, öldirmese-de güldirmez. Hijem söýginiň iň soňky derejesini Hak Eýesi bolan Allah(j.j)dan başgasyna bagş etmeli däl. Bolmalysy hem şol. Söýginiň ahlagy hem şoldyr!!. Ynsanlardan birini söýen wagtyňyz boluşyndan agdyk deger ýüklemek nä dereje dogry bolup biler. Allahyň (j.j) eseri bolany üçin söýeliň. Netijede agdyk degeriň astynda olam ezilmesin, siziňem ahyryýetde ýüzüňiz gyzarmasyn. Içimizdäki owadan söýgi duýgysynyň yşygynda diňe Bir kişä däl bütin adamlara gowylyklar paýlalyň. Eje-kakany, ene-mamany, baba-atany, ýaryňy, perzendiňi, joradyr-dostyňy, garyndaş-goňşylar, klasdaşlar, uly ýaşlylar, kiçi ýaşlylar, işdeşler...bütin ynsanlary özlerine laýyk söýgi bilen söýeliň. Begendireliň olary. Bigadyr bolsalar, zyýany ýok. Bagyşlap unudyp goýberiň. Jebirli ýük bilen ýa-da onsyz ýaşamagy dowam etdirmek biziň öz elimizde. Söýýän(ler)iňe aýratyn many ýükläp söýmek ýalňyş bolar. Ýaradylanlary Ýaradanyň ýaradany üçin söýmek araňyzdaky söýginiň ömrini uzaldar.
Welhasylkelam, Her bir zadyň öz ýeri, ahlagy-etikasy, wagty-zamany boluşy ýaly söýgi duýgysynyň hem özüne degişli berjaý edilmeli aýratynlyklary bar. Her ýalňyşyň ajy soňy bardyr. Her zady öz ýerbi-ýerindejik ulanyp bilmegimiz üçin köp okamak gerek. Agdaralyň, gözläp-idäliň, haýsyny nirede ulanylýandygyny öwreneliň. Hasaplyja ömrimizi bilmedigimiz üçin biderek ýalňyşlyklar goýberip geçirmäliň. Adam tananyny halar, tanamadygyndan çekiner. Köp okamak, dünýäni we özüňi iň esasysam Ýaradanyňy tanamaga giden ýoldyr. Okap öwreneliň. Öwrenip tanalyň. Tanap söýeliň. Söýenimizi tanalyň. Söýeniňi Tanamak - Söýgi Ahlagy..
Arhiwiň ýagdaýy
● Doly tekst
● 55/55 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 3 maý 2012 ý. · Asyl sahypany gör ↗
Teswirler 55
Dogry. Wagtyndan öň gül açan agajyň miwe bermäni gowydyr. Jahyllyk söýgisiniňem myradyna ýetmedigi gowydyr. Hemme zat ahyrynda öz myradana ýetýä. Biz muny bilmänem galyp bileris. Netijäni kabul edesi gelmän hem bilerler. Ýöne Bolmalysyny boluşy ýalyjak ýerli ýerine Oturdýanyň bardygy-ha ikuçsyz. Hiç zadam ýetmeli myratly pellehanasyna ýetmän-ä galanok. Adam diňe muňa akyl ýetirip bilse bolýa
Igdeler gülländemi
Shu allabahary bir ýigrenýän, sebäp shol wagt mende kelle agyry peýda bolýar. Irden 9'larda bashlaýar öýlän 4'lere çenli, ertesi ýene gaýtalanýar shol agyry. Shukur, geçen ýyla kelläm agyrmady, bu ýylam görmelidä.
Dogrusy alabaharda meniñä söýgi ýadyma düshenok, janyma shypa tapyp bilsem iñ gowy söýgi shol maña
Shu allabahary bir ýigrenýän, sebäp shol wagt mende kelle agyry peýda bolýar. Irden 9'larda bashlaýar öýlän 4'lere çenli, ertesi ýene gaýtalanýar shol agyry. Shukur, geçen ýyla kelläm agyrmady, bu ýylam görmelidä.
Dogrusy alabaharda meniñä söýgi ýadyma düshenok, janyma shypa tapyp bilsem iñ gowy söýgi shol maña
Wah meni gaýgylandyrýan zat : şu temany ýöriteläp açan boz ýaşlarymyzyň aý ýene bir takallaý diýip bärden ätläp geçýändirler öýtýän. Söýginiň nämedigini bilmän bulam-bujar bolup ýörenler üçin ýazdym bu temany. Parklarda, duralgalarda weýran boluşyp duranlar üçin ýazdym. Ahlaksyz ýaşamagy bir ýaşamak stiline öwürenler üçin ýazdym. Her zat bola, bähbit bola....
Banu gelneje, Biz ýashlar özimizi gyzyklandyrýan zatlary okaýarys. Beh, ýöne geñ zady 'söýgi' temasy bolsa degip gechmelerä bardy. Adyshyñ ýaly köp diýip yzlarna jyran bolaýmasalar.
Bu döwürde her kämillik ýashyna ýeten oglanjyklarda yshky gözellige ýokary derejede hyjyw döreýär, ýöne ahlakly söýgi däl. Barmaly, söz aýtmaly, dushushmaly. Ertir ýene birine, songkysy gün bashgasyna. Edýän ishlerniñ ýaramazgygynam bilmeýäler. Zamanasyna görä ýash nesil ösüshi sheýledirda, 'Her zaman, bir zaman'
Tema barada, 'köp ýazylyp' ileriñ aýtmyshlarna görä, meniñ üçinä köp däl, nokatma-nokat okadym, sagjabol!
Ýokarda diýjek bolanym, meselem bir agza köüräk teksli tema açýar 'köp eken welin okamadym' ýada 'dürshuna okap çykaýdymaý' hamana galany alan ýaly.
BÄREKALLAH!
Howwa awtoryň hem aýdyşy ýaly KÖP OKALYŇ, BIZE BIZLIGIMIZI WE BÜTIN BARLYGY SÖÝGÜSI BILEN TAMASYZ BAGYŞ EDEN RAHMAN WE RAHYM, ALLAHY (j.j.) tanatjak we söýdürjek eserleri köp okalyň, AMAL edeliň! Geçen durmuşymyzy gözden geçireliň gaflat we günälerimiz üçin toba edeliň we ýene-de täzeden söýgi duýgularymyz bilen ZATY-ZUL JELALA ýüzleneliň we ONY (j.j.) söýmäni hem ýene ONUŇ (j.j.) Habybyndan (s.a.w) öwreneliň!
Pany, wagtlaýyn söýgülere aldanyp, güýmenip hakyky söýgini tapmaýanlar üçin bolsa doga edeliň. Allah (j.j.) hidäýet etsin, Ämin!
Bu sözler öran tasirli we şeyle hasiyete/duyga eye bolmak kynmyka diyyan. Yöne bolup bilmesemem yolunda bir bolayin diyip gayrat etmelimika diyyan. Sebabi ynsaply diyyanlerinem sahel gahary gelse tupan turuzayya.
Öran dogry. hemme kişi hereketleri bn öz hasiyetlerini orta goyyar. nahili çykgynsyz we kyn yagdaylara duçar bolsagam öran gowy yol salgy berilyar. milayimlyk we geçirimlilik yoluny saylamaly
bu da öran uly bir hakykat. 2-3 hepde önürak metjitde ymam kibir barada şeyle bir hadys aytty. kalbynda kiçijek kibir bolan adam jennede girmez we Allatagalla ony jennedine sokmaz
Döwrümizde adamzat gymmatlyklary barada yazylan münlerçe kitapdyr jurnallar bar yöne ol beyik hasiyetlere eye bolan adam sany bolsa öran az. bilyan zatlarymyzy köplenç durmuşa geçirmekde problemalarymyz bar. Döwrümizin beyik alymy şeyle diyya : her yil 4-5 milyon adam haja gidyar we ol yerde doga dileg etyaler. olar barada gowy pikirler edesim gelya yöne aklymdanam şu pikiri çykaryp bilemok. Şol mukaddes yere baranlardan naçe adam in bolmanda 1-2 gün derdinden yanga ukysyndan galyp, Ey Allahym, dünyanin birnaçe yerlerinde musluman doganlarymyza zulum edilya,kynçylyk çekyaler. Senin we Resulun(sav) adyny heryere akidip bilmedik we şanyna yaraşjak derejede ony nusga edinip yaşap bilmedik. Sen gerek bolsa janymy al yöne haksyzlyk we zulum göryan doganlarymyzy halas et. diyip dileg edyarka....eger 5-10 adam bar bolsa yeryüzünde, men musulmanlaryn gelejegi babatda has umytly buşluklar aydip bilern.
Öran uly dert bu. özem edil inne çümen yaly şu sözleri eşitmek. emma hakykat. bu zatlary pikir dagyn edyan welin, beyleki dert diyip yören zatlarymyz kiçelip galya.
bagyşlarsynyz, söygi temasyndan nirelere geldik. Şol söyga eye bolyp bilsek köp dertlerimize derman boljak aslynda...
Hijem söýginiň iň soňky derejesini Hak Eýesi bolan Allah(j.j)dan başgasyna bagş etmeli däl. Bolmalysy hem şol. Söýginiň ahlagy hem şoldyr!!👍
Owadan yazipsynyz berekella. Soygi kabirine ansatlyk bn,katesine kynlyk diyipsin. Emma lubow bezhit ot teh kto zanim gonitsa. Biz gamgynlyga batamyzda ozimizi yeke duyamyzda. Birini soyip on bn bagtly yashasymyz gelya. Kasi name sayt bolsa hemesinde otyryp gyz tapynasy gelya. Emma shuwagt bulashdym. Aytjak bolyanym. Soygi garashylmadyk yagdayda gelya,gapy gapy kakyp gozlane bolsa sur arabany diyaler.
Allah soygusini hemmamize nesip etsin ...(j.j)
Bulaşma. Lýubow ne kuda i ne ot kogo ne ubigaýet. Ono wo wseh u nas w glubine serdca imeyatca. W konce koncow my zhe plod lyubwi. Ne plod lyubwi chelowechoskoy, a plod lyubwi Samogo Wsewyshnego.
S lyubowyu i trepetno Sozdal nas. W inoy sluchii kak mozhno obyesnit kak my iz nechego okozalis takoy osoboy.
Men-de şol özlerini ýalňyz duýup ýüregine ýel düşýänler üçin jan edipdim öz-a düşündirjek boluplaý. Hökmany birini söýesi gelse Allasyny söýsin, beýlekileri hem şol söýginiň yşygynda söýsin. Bolmazmy. Özi hakda hemme zadyň iň gowysyny pikir edýän Biriniň bardygyny bilip Ony (j.j) söýip ýaşan adam ýalňyz duýmaz özini.
Seň diýýäniň janym-balym söýgisi. Dogry aýtýaň saýtdan-saýta entäp öziňe söýgi tapjak bolmaly däl. El gowşyryp haçan menden büdräp öňime gütälep düşerkä söýgi diýip öz başga hysyrdyjyklaryň bilen bolubermeli. Erbet pikir däl. Ýöne. Gapdalyňdan geçip gidenini bilmän galsaň nätjek, Ýa-da bir gün aý garaşmakdan peýda ýok garrap barýan diýip herekede geçibermekçi bolaýsaň nätjek. Maksat adam söýgisi bolsa utularsyn. Maksat içiňdäki söýginiň çesmesine ulaşmak bolsa utulmarsyň. Her zatdan aýyrlanja paýlaryň özi wagtyndajyk öňiňe çykar durar, nesibäňem duşuňdan geçmän göni saňa ulaşar.
Soygi garashylmadyk yagdayda gelya ------>makinem aniden pozuldu. anidenmi ? şu kireçe bakin ! ------>başgaçaragam düşündirseň bolar welin edil şu wagt şu geldi aklima.
Heý köpbilmiş toýbanu !! şeý diýip nalaberdi diýýä 😆. Ýokardaky ýazanlarymyň sadarak görnişini şu wagtky ýaşlaryň arasynda bilmeýäni ýok. Iň bärkisi gowja bolsaň gowy göriljeklerini bilýäler. Gep olaryň käbir zatlary bilip bilmezliginde däl. Hä bilmeýänlerem bardyr, ýöne olar ýoluň bir ýerinde üstinden barýalar-la bilmedik zatlarynyň. Gep olaryň käbir zatlary bilip Reddetmeklerinde. Wot tupo ne haçu byt' horoşim çeleweçkom, çe haçu to i budu delat' diýýäler. I wse. Netijesine-de razy olar. Öwrenişen-dä has dogrysy ykbalyň şapbatlaryna. Kä wagtam ýalňyşlyklardaky adrenalinlar magnit ýaly çekip durýa olary. Ýalňyş. Ýöne Diňlemeseler nätjek. Şonda-da diýip galaly. Belki bir gün özlerine eziýet etmekden dänerler diýäýmesek.
Сонкы вагт очень много букав язмак гаты мода болупдыр 😆
bukaw ?
Любовь-любовдыр велин, йоне любовдан сонам дурмуш довам эдйэ. Я хочу сказать не надо в первых порах страсти, а точнее любовной слепоты думать что именно этот человек твоя судьба. Любовь слепа, полюбиш и козла. Возможно этот коммент и не к тексту, возможно он слишком броский, но я тоже выскожусь. Я давно перестал верить в любовь, может и верю но не хочу создавать свою семью основанную только на любви. Любовь пройдет, а что потом. Очень много семей расспадаются в нынешнее время, многие если хоть и не разводятся то живут терпя друг-друга, возможно ради детей, а может и по иным причинам. А интересно чья вина? В нашем избраннике или избраннице? Мы сами виноваты, в том что полюбили и были слепы, не видя те противоречия самим себе в наших избранников.
Тм дили ялта эдйэн экен 😆 Копден бэри мунча коммент язамокдым 🙂
bah... hakykatdan hem bah.... gulagym galyp gitdow....