HAWA, TIGIR ÝUWÝAR, ÝÖNE O-DA ADAM!
Düýn giç öýlänler oduk-buduk alaýyn diýip, "Lälezara" sowuldym. Biraz eglenip, gere-ýaragymy alyşdyryp, çyksam, ynha, daýaw pyýada haýdap, maşynymyň tigirlerini ýuwuşdyryp ýör.
- Näme edýäň-eý? - diýip, çyna berimsiz oýun bilen ýaňka ýüzlendim. Tisginip gitdi.
- Tigriňi ýuwýan, hapalanypdyr, laý bolupdyr, agam - diýdi.
Agam diýse-de, menden azyndan 5-6 ýaş dagy uludygy görnüp dur. Ýa-da durmuş ony wagtyndan öň garradypdyr.
Onsoň oýun edýänimi, kiçi dilden bärde diýýänimi bildirmejek bolup, kesä bakyp:
- Kim ýuw diýdi ony saňa? - diýdim.
Bular ýaly söze öwrenişip gidendir-dä, göwni bir ýaly:
- Gaharlanma, agam, ine, derrew bolýan, şujagaz tigriňem ýuwsam, bolýan - diýýär.
Menem gaty ýadaw däl, keýpimem kök, gel biraz at oýnadaýyn diýen niýet bilen:
- Onsoň nememi, muň üçin saňa pulam tölemelimi? - diýdim.
- Senden öňküler-ä boş goýberenokdy, agam, senem boş goýberjege meňzäňok.
- Wah, şu wagt kör-köpük pul galmady. Ýogsa, ömür boş goýbererinmi?
Eger-eger sarsanogam.
- Janyň sag bolsun, agam! Ýok bolsa, etjek alajyň ýok - diýdi.
- Bolmasa, indiki gezek töläýerin, bolmazmy?
- Bolar, agam, bolar.
Oňa çenli ýuwup boldy. Menem ýalandan jübülerimi sermeşdirip:
- Bäh, nesibäň güýçli eken, laýyk seň azap hakyň galypdyr, ine - diýip, puluny berdim. Monça boldy. Alkyş baryny aýtdy. Gaýtjak bolup durkam saklap, başyndan geçiren kiçiräk wakasyny hem gürrüň berdi:
- Hol gün biriniň tigrini ýuwup durdum. Eýesi geldi. Görsem, milise eken. Gele-gelmäne dübläp gygyryp ugrady, dawaý, mün maşyna, häzir seni MOND-a äkitjek diýýär. /MOND - Maryýskiý oblastnoý narkologiçeskiý dispanser/. Jan agam, beýtme, meňem gözüni mäş ýaly edip oturan üç sany çagam bar, rehim et, başga iş bolsa, kim keýpine tigir ýuwsun?! diýdim. Pul almakdan-a ellibizar geçdim, uzak günki işlänjämi alyp, MOND-a äkitmese kaýyl geldim. Garaz, zordan sypdym. Oňat milise eken.
- Aý, gaýrat et, ogurlyk etmän, halal gazanç bilen çagalaryňy ile meňzeş iýdirip-geýdirseň bolar - diýip, göwünlik berip gaýtdym.
Bu tigir ýuwýan adam bazaryň umumy krandyndan suwy mugt alýar. Salgyt tölänok. Ýöne oňam maşgalasy bar, çagalary bar, azap edýär, eklenç edýär. Dünýäň ähli ýerinde bolşy ýaly, ýaşamak üçin, garaz, nädibem bolsa, ýaşamak üçin göreşýär. Durmuş ýazylmadyk kanunlary bilen adamlary her zat etmäge mejbur edýär.
Biziň häzirki jemgyýetimizde, kiçiräk, ownuk görünýänem bolsa, şular ýaly problemalar bar.
Arhiwiň ýagdaýy
● Doly tekst
● 38/38 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 38
Şolar ýaly Halal gazanç edip bilen adama monça bolmaly.
Ol bu kyn durmuşda şeýtany aýak astyna almagy başarypdyr.
..gynandyryjy waka...
Kab, dostum, bizin edyan her bir gymyldy-hereketlerimiz, aydan sozlerimiz bir tohum mysalydyr, kalbymyza baryp dusher sonam wagtyn gecmegi bilen kalbymyza kok urup, sonam dashyna shahalaryny yayradyp miwe berip bashlar, bizin ahlagymyz, adamkarciligimiz, ozumiz, dushunjelerimiz shol tohumyn yayradan shahalary hem-de yetishdiren miweleridir. Eger shol tohumlar zyyanly tohumlar bolsa, onda bizin ahlagymyz, dushunjelerimiz hem-de ozumiz zyyanly bolup yetisheris. Onun ucin tohumlar kokuni yayratmaka istigfar bilen shol zyyanly tohumlary cuyretmelidiris. Pikir etme, ojagaz ya-da shujagaz hereketim name zyyan etsin diyip, 'zerre yaly hayyr etsenem gorersin, zerre yaly sher etsenem gorersin' - bu Kuranyn olcegleridir. 'ma yelfizu min kawlin illa ledeyhi rakibun atid'.
Ashgabatda yogam diyyas velin aslynda kop dushyan mena,2 yyl mundan oñ oyuñ yanynda ulyrak gyzyn mashyn yuvup duranyny gordum.ozem gorguli invalid eken,toverekdaki 2-3 mashyny gunde yuvyady.shu vagt yone goremok shol gyzy....
sapak almak gerek, Allajan bizi halal'dan ayirmasin..
gynandym:(
okamaly okamaly yenene de okamaly
Soñ okamadyklara okap bermeli.
Aşgabadyň lälezarynda hem bir inwalid oglan ýuwýady ors oglan ýöne ol indi pahyr boldy ol kesel uzak ýaşatmaýamyş men onuň bilen gyzyklandym welin öýi gül ýaly ene-atasy hem salyhatly orta maşgala ýöne ol oglanyň özü gazanç etmek isleýärdiiiiii onu ýatlamana bahana boldy bu makala sag bol
haýýýý garamaňlaý diýsäniii, aý ýoo 96-yň dahodyny alsa goýar, biländä dahot alyp bilmän kösenýändirrrr
gowu ýazylypdyr
durmusda adam zat her zada dus gelya.Gindir Dunya-Gendir Dunya!
Hormatly agzalar, hemmaniz gynanyanda-gynanyan bolushyanyz welin, name tigir yuwmak pes ishmi? ya ozuni peseltmekmi, mertebani yitirmekmi? Moyka-da masyn yuwyanlar, masynyn tigirini yuwyanlar name mertebesini peseltdilermi indi? Asyl gynanylmaly adamlar mertebesini depelap, halky curkap, bolyan ishlerem boldurman para alyp pul gazanyanlardyr. Ol tigir yuwyan adam oz mertebesini peseltmandir, gaytam tersine, shonun yaly haram ishlere bash goshman zahmet cekmek bilen mertebesini gorapdyr, shonun yaly adamlara hormat goyyan.
dogrusy ka 1 chagalar bolya,aldap dlegchlik etyaler ya sheyle narkomanlar bar,adam pahyr shubhe ediberya hemmesem sheyledir dp.
Allajan şunun yaly halal eklenjin yzynda ylgap yören adamlara yrsgal bersin
Allajan herkime halal ryzyk we kösenji azyrak,bereketli ryzk bersin. emma tasin bir yagday bar. şol teker yuwup, kynçylyk bn gazanyan rysgaly has bereketli we gymmaty uludyr. beyleki tarapda da umuma degişli maldan ogurlap, iyen adamlaryn ryzyklaryn bereketem yokö gadyram yok. ya özünden ya çagalaryndan biryerinden çykya ol hak edilmedik baylyklar...
okuwçy döwrümde yarym stawka terjimeçilik edip ayda 120$ gazanyan gazanjym has bereketli we gadyrly eken. ol hemme çykdajylaryma da yetyadi. emma şu wagt has köp gazansagam, ka yarim yetirinip bilman yörus. tasin dünya.