Umytlarym sen hakdady...
Ejizlik barmy mende? Ýogsa-da, men söýginiň çuňňur manysyna çümýänmi? Haýsy tarapdan barsam-da, şol bir jogaba garaşýan, şol bir netijäni çykarýan. Men aslyýetinde söýmek we söyülmek üçin ýaşaýan ýalydym, emma kalbyñda söýgi uçguny ýok bolsa, edil islemeýän naharymy zor bilen iýýän ýaly söýülip biljek däldim... Wagt her zady bejerýär diýýärler, emma sensiz eýýäm näçe wagt! Ýöne saňa bolan söýgim häzirem öçenok, gaýta ol hasam beter möwç urup başlady.
Sesiňi eşitmek, seniň barlygyňy duýmak, seniň elleriňden tutmasam-da, seniň ýüregiňdäki gopgunlary görüp bilmesem-de, men seni söýýän! Bu seni
islemek däl! Seni janym bilen isläp, şol bir mahalda hem seniň bagtyň üçin senden uzakda galyp bilmek, hyýalymda seniň güler ýüzüňi görüp bilmek. Meñ bilen gürleşeňde ýüregim bir tarapdan
aglaýar, bir tarapdan begenýär. Begenjimiň sebäbi - sen bagtly, aglamagym bolsa, seniň meñ bilen däl-de, bashga biri bilen bagtlydygyň! Ýüregime buýurmaga çalyşýan her gün… Ýöne başaramok. Düýşümde-de seni görýän diňe, pikir etmejek bolsam-da sen hakda…
Geljege seredip bilemok… Çünki, sen ýok ýanymda… Sensizlikde manysyz maňa dünýä, aslyýetinde dünýä diňe senem däl welin… Shonda-da...
Emma meniň üçin, meniň kalbym üçin diňe sen-ä, güljagazym..! Seniň ugruñda häzirem köýýän, janym…
Hudaýyma, iň bolmanda, soňky umydy ber diýmek üçin gijeleri bilen ýalbaryp geçýän. Uky hem gelenok ahyry sensiz…
Men ýaşaýan, emma näme üçin..?!
Arhiwiň ýagdaýy
● Doly tekst
● 16/16 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 27 iýun 2012 ý. · Asyl sahypany gör ↗
Teswirler 16
👍BETTTTTTTT
waheey çaga... :(
Ruhdan dusman, belki manlaynyza baska gyz yazylandyr
gowy oylanma,gynandym halyngyza,,.....
bet
Sen menden kä zady gaty görmegin,
Sen menden kän zady gaty görmegin!
Asla ýokdur giperbola, toslama,
Saña ýaramaýan teleke ishi
Eder öýdüp oslama
we shulary bil :
Ýetmezňe urnaň bolmasam,
Bagtyňa gurban bolmasam,
Toýuňda porhan bolmasam,
Bolasym gelmeýändir öýtme!
Sataşsaň tirkäp baldyzyň,
Baş atyp diýeňde: „Barmysyň!
Beren salamyň almasam,
Alasym gelmeýändir öýtme!
Çekip bildim „Ah baryny,
Teý, tapmadym ahmalyňy,
Soramasam ahwalyňy,
Bilesim gelmeýändir öýtme!
Janym dilim deý gijände,
Yşk tene sygmaz gijämde,
Rahatlyk jandan süýjände,
Ölesim gelmeýändir öýtme!
Deň bile gülüp bilmesem,
Nädeýin, ölüp bilmesem,
Ölemsoň gelip bilmesem,
Gelesim gelmeýändir öýtme!
Käte ýalňyzlykda otursam özüm,
Käte gaharlanyp, çytylsa ýüzüm,
Käte ukym gelip, ýumulsa gözüm,
Teşne ýürek jemalyňa suwsaýar,
Gara gözlim, göwnüm seni küýseýär.
Göreçlerde gujur bilen batlansam,
Üýşmeleňde alkyş bilen ýatlansam,
Arzuwlarym göge galyp şatlansam,
Ýa-da hasrat ýürek-bagrym gyýsa, ýar!
Gara gözlim, göwnüm seni küýseýär.
Bahar geler, güller bilen şaýlanyp,
Seýran etsek baýyrlary aýlanyp,
Akja bulut Ýagsammy diýp, oýlanyp,
Çabga gelip, suw-sil edip guýsa, ýar,
Gara gözlim, göwnüm seni küýseýär.
Meýdana ýazlypdyr bahar halysy,
Gel, bile keşt etseň ýakyn-alysy,
Maňa at goýdular: Yşkyň dälisi,
Men nädeýin ýürek şeýle söýse, ýar!
Gara gözlim, göwnüm seni küýseýär.
Sozum yok, gaty owadan setirler....
Gynançly
Çözülmedik meselediñ meñ üçin,
Señ üçin kelle däl,ýüregim döwdüm.
Bu gün meniñ üçin ajy görünýär,
Señ üçin köp ejir çeken shol döwrüm.
Göwnüme bolmasa biçäredim men,
Sen bolsa edýärdiñ mydam islänñi.
Seniñ maña gizlin oklan nazaryñ
Meniñ üçin okalmadyk dessandy.
Bu gün heläk edýär dumanly duýgy,
Bulashyk görünýär gelmeli erte.
Diñe söýgi torun böwsüp bilmedim,
Bashga zatda özüm duýsamda erke.
Geçip gitdi dushman umydyñ döwri,
Söýgimiziñ gabadyndan geçildi.
Hany aýdyñ meniñ söýýän durmushym,
Bu söýgini näme üçin eçildi.
Ejizligñi subut edip özüñe,
Señ üstüñden baky gülmek üçinmi.
Ýa-da ynsan dünýäsiniñ giñligni,
Belentligni ýene bilmek üçinmi.
ýöne mahal-mahal iňrik garalyp,
seni ýatlap, oý edemde uzak, ýar,
azaşan ýolagçyň geýmine girip,
meniň söýgim meniň gapymy kakýar.
bet,bet....sozum yok👏
Gowy ýazylypdyr.
ay tuweleme berekell a
Tüweleme avtor ajaýyp hem gynancly setirler:(