MYHMAN EGLENÝÄN DÄLDIR
Iki sany goňşy ýer üstünde dawa edýär diýýär.
- Goňşy, meň ýerime süýşäýipsiň öýdýän.
- Aý, ýok, göwnüňedir.
- Göwnüme borm-aý. Süýşüpsiň-ä.
- Süýşen däldirin. Öz ýerim.
- Ýok, edil şu ýer-ä meňki.
- Ýalňyşýaň, goňşy, bu ýer meňki.
Bular şeýdip, "ýer meňki-de, ýer meňki" boluşyp durkalar, Ýer öz ýanyndan: "Ikiňizem meňki - diýýärmiş. - Dawa etmäň. Sizden has edenli, has dogumly, dünýäň üçden iki bölegini basyp alanlary, ýedi yklyma hökmüni ýöredenleri, baryny öz goýnuma ýygnadym. Perman bolan güni sizem ýygnaryn."
Ýer dawasyny edýänler, muny eşidýän däldir. Eger eşitseler, ähtimal, ýer dawasyny etmezdiler. Bir daban ýer kimlerden galmandyr.
Ýalana ýakyn çyn rowaýatda bir kişi gonamçylyga baryp:
- Rüstem! - diýip gygyrypdyr.
Ýeriň aşagyndan üç ýüz sany ses:
- How! - diýip jogap beripdir.
Ýaňky kişi:
- Siz gaty köplük ýaly-la. Maňa bir Rüstem gerek - diýipdir welin, sorapdyrlar:
-Haýsy Rüstem?
- Men Zalyň ogly Rüstemi gözleýän.
Onsoň ýeriň aşagyndan Zal ogly Rüstemiň pessaý sesi eşidilipdir:
- Men bärde.
Rowaýatyň diýjek bolýany, bu dünýä gelip geçeniň hetdi bar-da, hasaby ýok. Has anygy, hasaby ýöredilýär-de, biz üçin hasapsyz. Çig süýt emenligimizden bolsa-da ahmal, Şeýtan bulaşdyrýan bolsa-da kim bilýär, burnumyza sähelçe ýel düşse, gaňňamyzy garnymyza alyberýäs. Özümizden öňküleri unudýas, soňumyzy alada edemzok. Sözüň ähli manysynda nireden gelip, nirä barýanymyzy, bu ýerdäki maksadymyzy dürs seljerip bilemzok.
Käte bir ýere ýolagçy bolup, ugraýaň. Gidip barýaň. Şonda ýol ugrunda "Hoja Abdylla baba" gonamçylygy, "Molla Töre Ahun" gonamçylygy, "Parsa Pir" gonamçylygy ýa-da "Talhatan baba" gonamçylygy diýen ýaly ýazgylar ýygy duş gelýär. Onsoň kelläme bir pikir gelýär: Gonamçylyklaryň gabadynda, ýoluň ugrunda uly harplar bilen:
"Men-men diýen ärler ýatyr gum bolup",
Ömre ygtybar ýok, jana durum ýok",
"Şirin jan aýrylsa tenden,Gum guwanar läşimize",
"Ahyr boljagyň şudur - teniň ýer bilen ýatsa" -
diýen ýaly setirleri ýazyp goýaýsaň! Mysal alan setirlerim, häki bir ýadyma düşenleri. Magtymgulyda setir kän, has laýygyny saýlap alybermeli. Esasy zat, gonamçylyklaryň ýöne bir gum üýşmekleri däldigini ýatlatsa! Biziňem bu dünýä myhmandygymyzy, ýa-da ötegçidigimizi, göçegçidigimizi duýdursa! Tekepbirlikden, men-menlikden, gedemlikden... azajygam bolsa goramazmy? Ýa netije bermezmi? Gelşiksiz bolarmy?
Arhiwiň ýagdaýy
● Doly tekst
● 44/44 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 8 maý 2012 ý. · Asyl sahypany gör ↗
Teswirler 44
Turkiyede dini gunlerde hat-da kabir adaty gunlerde hem metjitelng yokarsyndan ullakan yazgy bilen yagtyldyp yazyalar, ondan bashga metjiding towereklernde hem sheyle yazgylara koplench gabat gelyan, dogrymy aytsam mana tair etyar.. gaty gowy boalr onatja edip etseler, we tazelap dursalar, sebabi goz owrenishse tasiri yityar..
Mowzugy gaty halaldym. telibi he dogry bilyan. Edil hazir ynsanlara yatladaymagyn zeleli bolmaz. Bu pikiri diysen diysen goldayyan.
Külli nefsin zâikatü'l-mevt - Her nebis ölümi datjakdyr(Âl-i İmran, 3/185; Enbiyâ: 21/35; Ankebut, 29/57)
Meselem, nähili ýazgylar ýazýarlar? Manysy nähiliräk? Türkmençä öwrüp, birki sanysyny goýup bilmezmiň?
gawy haladym seytssek hasam gawy boljak bizem guma garylyp yatmaly
Mening gorenlem mazarygyng yanyndakylar dalde halk arasyndaky metjiding toweregindakiler.Mysal ucun Oraza ayynda Oraza tut-saglyk tapOraza dinimizde pazrdyr yaly yazgylar kan gabat gelyara kabir yerlerde bolsa Pygamberimizing (s.a.w) ahyryet we dunya, arassachyllyk we iman pakligi hakynda aydanlary kan gabat gelyar..Mysal ucinArassachylyk imanyng yarysydyr1 sadaka 1000 belany dep eder
Ýokardaky aýdanlaň bilen ylalaşýan, biziňkilerdäki ýatan beýik şahsýet bolup galan guburlaryny we oloň öz atlaryny nirden gelip çykandygyny adamlar näme üçin şu günlere ýatlaýandygyny aýtmaýarlar gynansakda, bulam entäk şool komunizim taglymatynyň dowamy, indi duşündirerlik wagtama geldi ahyryn !
Ýokardaky aýdanlaň bilen ylalaşýan, biziňkilerdäki ýatan beýik şahsýet bolup galan guburlaryny we oloň öz atlaryny nirden gelip çykandygyny adamlar näme üçin şu günlere ýatlaýandygyny aýtmaýarlar gynansakda, bulam entäk şool komunizim taglymatynyň dowamy, indi duşündirerlik wagtama geldi ahyryn !
bilmedim men-a... rowayatlar u.n minnetdar!
Kab aga, gowy temany gozgapsyň.
Meniň pikirimçe, diňe bir gonamçylyklaryň deňinde däl-de, aslymaryly agzanyň aýdyşy ýaly, metjitleriň daşynda, galyberse-de başgarak ýerlerde hem (köçeleriň ugrunda, bazarlarda, seýilgählerde we ş. m.) ýazylsa kem bolmazdy.
Onsoňam bizde yslam dini köpçülikleýin öwredilenok. Teleýaýlymlaryň birinde ýörüte wagyz gepleşigini döredäge-de, bir ylymly, bilimli ahunlaryň birine hepdede 3-4 gezek 1 sagatdan wagyz aýtdyrsaň halkyň imanlylygyna peýda getirermikä diýýän.
turkmenler gonamchylyga yeterlik hormat goyyara aydymy ochuryar mashynly gechip baryan bolsa el galdyryar ozuche hemme kishem dushunya shon prosto gum daldigine. cherez chur adamlaryn beynisine girjek bolmaly dalmika diyyan. onsuzam olaryn dertleri yetik. adamlary beyle tupoy gormanow.
aslynda olumi yatlap durmak gerek, minnetdar awtor
Olumin hachan bizi tapjagy belli dal, in gowysy olume
ozun garashmak! Yone aydanymz bilenem edip bilmeyasda :(
gowy yazylypdyr, shugun Jumga guni okamak hem menin uchin bir hili has uly tasiri boldy.
Tema gowy haladym, goldayanam yone reyal edip boljak zat dal, onkilermiz aytmyshlayynguyma gursak bolmasa, durtme gursak neylesin, shu rerem barda yone..
Goldayan. Yone hemme yerde saylawlara. :-)
temany haladym.Bolsada soňky ýyllarda allaha iman öten geçenlerimi ýatlamak işi köpçiligiň arasynda aktiwleşip barýan ýaly. Ýada meniň ýaşym ulalyp hemme zada akyl ýetirip başlanymdanmy.
jamgalaryňyz kabul bolsun.
Dini zatlar barada zatlar yazılmak aydylmaga anyrda dursun gaytam basyp yatyryp baryalar. Kimem yatyryan bolsa şondan o dunyede hasaby soralar hokman. Sen kim bolyamışında musulmançylygyn yayılmasına böwet bolyan. Ataturk dini yatyrypdy ana gara topragam alanok ony. Awtor teman u.n kop minnetdar.
gara toprak almasada her yil sagat 9:05-de ves Istanbul duryar, E-5, E-6 yollary bilen bile, sylayarlar, sylamayanlar hem az dal yone)
Gaty gowy zatlar yazypsyñ.pikiringi goldayan.shonung yaly yazgylar yazylsa mening pikirimcede gowy bolardy.