Ýeke setirine iki hepde hem-de garyň ýagmagyna garaşdym
Garyň andantesi*
Ýüreklermi girýan, sözlermi girýan?!
Daşarsy gar bilen görünýär duýgur.
Kellämde pikirler uçuşýar her ýan,
Elimde gyzgynjak kofýaly bulgur.
Garlar göýä bulguruma gonýardy,
Ýuwudýar olary her bir owurdym.
Ol şeýle bir gardy, ýumşajyk gardy,
Men olary bakyşlamda gowurdym.
Garyň andantesi haýal eşidilýär
Gözlerimi ýumup diňleýän ony.
Ýolda galan tagma kalbymy dilýär,
Ap-ak ýollar hany, ak bagtlar hany?
Adam ýagşylyga ymtylýar diňe
Ýagtylyga çykmak isläp tümlükden
Derman tapylmaýar käte derdiňe
Nämä garaşyp bor bu bäş günlükden?!
Her kimem öz aýnasyndan seredýär
Görüp bilmez käte seň görýäniňi
Kimler bakyp, ýürekleri eredýär,
Kimler az görýärler seniň käniňi.
Ömrümi ýatladýan ap-akja garlar
Reňkiňizden reňk alsyn, goý, ýüregim.
Size düşünmeýän bu ruhum aglar,
Belkem kabul bolar edýän dilegim.
* andante: aram, ýuwaş, pessaý saz eseriniň ýerine ýetiriliş äheňi
Define
Arhiwiň ýagdaýy
● Doly tekst
● 30/30 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 30
Däşünmedim. girýan diýjek bolsaň onda gözlerim girýan bolar. Eger ýüreklerimi diýjek bolsaň onda gyrýaň (döwýäň) manyda ýazmaly bolýar. Birinji setiriňi özüň gaýtadan düşündirsene.
Ýene ýalňyşlyk bar öýdýän, ýüreklerimi däl-de ýüreklermi, ýagny sorag äheňinde. Gözler hemişe girýan bolýan agzamyz. Men sözler girýan diýjek boldum. Şol bir düşünjeden saplanmak üçin. Gözler hemişe ýaşly bolýar. Sözlerem ýaşly bolup bilýär diýjek boldum.
Indi düşündim. Bulaşdyrýan zat sorag belgisiniň yzyndaky artykmaç ýüzlenme belgisi. Daşarsy diýmän daşary diýmek dogry ýaly.
Suratyňa Şewçenko parka meňzeýär.
Goşga baha bererdim welin...
Gowy go$gy bolupdyr. Kapyýasam, manysam ýerine dù$ùpdir
...Ol şeýle bir gardy, ýumşajyk gardy,
Men olary bakyşlamda gowurdym.
bakyşlarda gowurmak nahili zatka, bakyşlarda eretmek diyip anlatma bar welin, belki bakyşlarda yakansyn..
gowurmak giyilse gazanda yaga nahilidir bir zady gowurmak gelyar. in esasam gary gowurup bolanyok
(goşgyna koment etsem gaharyn gelmesin, goşgy yazmak matematikadan nahilidir bir mysaly çözmek hem kyn, kyn işi yerine yetiryanine hormatym bardyr)
Garlar göýä bulguruma gonýardy,
Ýuwudýar olary her bir owurdym.
Ol şeýle bir gardy, ýumşajyk gardy,
Men olary bakyşlamda gowurdym.
Ha düşündim, owurdyma den getirjek bolup gowurdym diyipsin, yöne emma belki bilmedim pikirimi bulaşdyrdy
galamyn yiti bolsun bashka aytmana zat yok
Ýöne goşguda gowrulaýýar, hatda, içilýärem.