Ýeke setirine iki hepde hem-de garyň ýagmagyna garaşdym
Garyň andantesi*
Ýüreklermi girýan, sözlermi girýan?!
Daşarsy gar bilen görünýär duýgur.
Kellämde pikirler uçuşýar her ýan,
Elimde gyzgynjak kofýaly bulgur.
Garlar göýä bulguruma gonýardy,
Ýuwudýar olary her bir owurdym.
Ol şeýle bir gardy, ýumşajyk gardy,
Men olary bakyşlamda gowurdym.
Garyň andantesi haýal eşidilýär
Gözlerimi ýumup diňleýän ony.
Ýolda galan tagma kalbymy dilýär,
Ap-ak ýollar hany, ak bagtlar hany?
Adam ýagşylyga ymtylýar diňe
Ýagtylyga çykmak isläp tümlükden
Derman tapylmaýar käte derdiňe
Nämä garaşyp bor bu bäş günlükden?!
Her kimem öz aýnasyndan seredýär
Görüp bilmez käte seň görýäniňi
Kimler bakyp, ýürekleri eredýär,
Kimler az görýärler seniň käniňi.
Ömrümi ýatladýan ap-akja garlar
Reňkiňizden reňk alsyn, goý, ýüregim.
Size düşünmeýän bu ruhum aglar,
Belkem kabul bolar edýän dilegim.
* andante: aram, ýuwaş, pessaý saz eseriniň ýerine ýetiriliş äheňi
Define
Arhiwiň ýagdaýy
● Doly tekst
● 30/30 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗
Teswirler 30
bet
erbet däl
gowja goshgy, ozun duzdunmi?
Guban agan ahenine menzapdir ...gawy bolupdyr 👏
Bu hepde garyň ýagany hem gowy zat, ýogsam bu goşgy bize gowuşmak üçin ýene üç hepde garaşmaly bolardy..
Her kim duýgusyny dürli-dürli wasp edýär, kimler oýlanma arkaly, kimler bolsa goşgy arkaly.. Poeziýa köňül berenlerdensiňiz, megerem. Haladym goşgyňyzy. Ýagýan garlar päkligiň buşlukçysydyr we öz aklygynda nurly geljegiň tohumlaryny gizleýärler. Goşgyňyzdan garyň, päkligiň ysy kükräp dur.Bu sowuk agşamlarda içiňi çoýýan duýgular berdi... Galamyňyzyň ujy ýiti bolsun.
+gowy
Owadan setirler!
Gowy goshgy!
Goşgyda göz öňümde janlanan obraz-Ümsümlikde oturan birini,garlaryň oňa bagt bolup ýagýandygyny .
Ýüreklermi girýan, sözlermi girýan?! ...
Shhu setir turkçe ahende ýaly(türkçäni gowy bilemogam welin,bilişimçe şeýle göründi maňa)
Andante sözi,haýsy dilden aldyňyz? Ýa özüňiziň tapan sözüňizmi?
Ylhamyňyz kütelmesin Define !
Gowy goshgy!
Goşgyda göz öňümde janlanan obraz-Ümsümlikde oturan birini,garlaryň oňa bagt bolup ýagýandygyny .
Ýüreklermi girýan, sözlermi girýan?! ...
Shhu setir turkçe ahende ýaly(türkçäni gowy bilemogam welin,bilişimçe şeýle göründi maňa)
Andante sözi,haýsy dilden aldyňyz? Ýa özüňiziň tapan sözüňizmi?
Ylhamyňyz kütelmesin Define !
bar bash sahypaa zynyl😆
Berekella!!!Goshgyny okap goz onume shol goshgudaky obrazlar geldi,sheyle manyly hem oylandyryjy.Sagja bolun!
Adam ýagşylyga ymtylýar diňe
Ýagtylyga çykmak isläp tümlükden
Derman tapylmaýar käte derdiňe
Nämä garaşyp bor bu bäş günlükden?!
Gowy setirler eken.
Andante sözüniň asly italýan dilinden gelýär. Sazçylyk adalgasy! Sagbol dida!
Garaşan yeke setirin haysysy?
Gaty gowy ýazypsyňyz, galamyňyzyň üjy kütelmesin, minnetdar biz bn paýlaşanyňyza! Sizi şeýle ajaýyp setirleri ýazmana itergi berýän ylhamyňyz hiç öçmesin!
Ilkinji setiri!
Haladym 🙂
Ömrümi ýatladýan ap-akja garlar
Reňkiňizden reňk alsyn, goý, ýüregim.
Size düşünmeýän bu ruhum aglar,
Belkem kabul bolar edýän dilegim.
Şu küpletde goý sözi artyk gelýär, setiri büdredýä. Soňam düşünmeýän ruhumdan, düşünen ruhum goşgyň heňine gowy gelýär. Kofeli bulguryna gar gaçýar. Gowy eken. Diýmek gar saňa şeýle ýakyn. Sen oňa birinji setirde ýüreklerme girýäň, sözlerme girýäň diýýäň soň goşgyny jemläňde-de ruhum saňa düşünenok diýýäň. Ýüreklerim diýmegiňem laýyk däl. Sebbi adamda bir ýürek bar. Belki-de Ruhuma ýagýaň, sözlerme girýäň has çeper bolardy. Ýöne gogy gowy çykypdyr. Berekella.
Agam gözlerim ýolda galdy. Haçan okarka diýip otyrdym, hatda, zorlap okadaýsammykam diýdim. )) Ilkinji setirini ýalňyşrak okapsyňyz öýdýän. Ol ýerde:
Ýüreklermi girýan, sözlermi girýan
-diýjek boldum.
Bellikleriňiz üçin sagboluň. Ýene-de okap görüň düzedip, ilkinji bendi!!