Iosif Berdiýew ― Olimpiýa oýunlarynda çempion bolmagy başaran Türkmen
Şu temamyň baş gahrymany boljak ýaşulyň türkmendigini ýa-da türkmen däldigini anyk bilemok. Özüm-ä türkmenmikä öýdýän. Anyk bilýänleriňiz aşakda ýazaýarsyňyzda.
Sportyň gimnastika görnüşi boýunça Olimpiýa çempiony Berdiýew Iosif Konstantinowiç 1924-nji ýylyň 26-njy noýabyrynda Aşgabat (şol wagtky Poltorask) şäherinde dogulýar.
Sporta näçe ýaşynda gatnap başlanyny-ha bilemok welin, profesional sport karýerasyna 1947-nji ýylda Aşgabadyň «Dinamo» sport klubynda başlaýar. Soňra 1948-1950-nji ýyllar aralygynda Moskwanyň «Dinamo» sport klubynyň hatarynda çykyş edýär. 1951-1952-nji ýyllarda bolsa, Leningradyň (Häzirki Sankt Peterburgyň) «SKA» sport klubynda karýerasyny dowam etdirýär.
1953-nji ýylda Harby bedenterbiýe we sport institutynyň ýokary tälimçilik mekdebini tamamlaýar hem-de tälimçilik hünärini ele alýar.
Sport gimnastikasy boýunça 7 gezek SSSR-iň çempiony bolmagy başarýar. 1952-nji ýylda Helsinkide geçirilen XV tomusky Olimpiýa oýunlarynda SSSR-iň düzüminde çykyş edip, toparlaýyn ýaryşda altyn medal eýelemegi başarýar. Ýekelikdäki çykyşda bolsa 10-nji ýer almagy başarýar.
SSSR-iň Ýaragly Güýçleriniň ofiseri, 1941-1945-nji ýyllardaky Beýik Watançylyk Urşyna gatnaşyjy Iosif Berdiýew 1945-nji ýylda «Gyzyl Ýyldyz ordeni» bilen, 1985-nji ýylda bolsa «Beýik Watançylyk Urşunyň II derejeli ordeni» bilen sylaglanýar.
1955-nji ýylda «SSSR-iň sport ussady» diýen ada eýe bolan Iosif aga, 1992-nji ýylyň 27-nji fewralynda Ukrainanyň Kiew şäherinde aradan çykýar.
Berdiýew Iosif Konstantinowiçiň gazanan üstünlikleri:
•Olimpiýa çempiony - 1952ý;
•SSSR-iň çempiony - 1948ý, 1949ý, 1950ý, 1951ý, 1952ý, 1953ý, 1955ý (Sport gimnastikasynyň Vault* görnüşi boýunça).
•SSSR-iň çempionatynda 2-nji ýer - 1949ý (Sport gimnastikasynyň Floor* görnüşi boýunça).
•SSSR-iň çempionatynda 3-nji ýer - 1952ý, 1953ý, 1954ý (Sport gimnastikasynyň Mnogoborьe* görnüşi boýunça); 1951ý (Sport gimnastikasynyň Floor* görnüşi boýunça); 1954ý (Sport gimnastikasynyň Vault* görnüşi boýunça).
Bellik: Ýokarda *-şu belligi goýan ýerimdäki sözleri türkmençä nädip terjime etjegimi bilmedim. Özüňiz kömek edäýmeseňiz.
Iosif Berdiýew barada meň tapanja maglumatlaryma şular. Siziňem goşjak-aýyrjak zatlaryňyz bolsa baş üstüne. Şu ýaşuly Türkmenistanyň raýaty däl bolmagy mümkin, ýöne asly näme diýseňem türkmendir. Türkmenistanda doglan, Türkmenistanda sporta başlan, Beýik Watançylyk urşuna Türkmenistandan giden.
Şu ýerde bir agza Iosif Berdiýew barada şeýleräk teswir ýazypdyr. Çynmy ýa-da ýalanmy onçasyny bilemok:
Iosif Berdiýew (Ýusup Kakajanowiç Berdiýew) olimpiyada oyunlarynda ýeňil atletikada ilkinji altyn medal alan türkmen sportsmen. Ýetimhanada ulalany üçin ady Iosif diýip üýtgedilen.
Temany Beýik sportsmenlerimizi tanamakda peýdasy deger diýen umyt bilen açdym. Sag boluň.
Arhiwiň ýagdaýy
● Doly tekst
● 18/18 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 28 iýul 2012 ý. · Asyl sahypany gör ↗
Teswirler 18
Ýewreý
Horoshiy yewrey 🙂
Men eshidipdim Batyr bu yashuly hakda. Yone kichikam kakam dagyn dostlarynyn gurrunini dinlapdim. Asyl ady Yusup diyyadiler, yone bir problema chykyar, adyny Iosif edip Orsyete gochup gidyaler diyip eshidipdim. Shol wagtky gurrunlerinden chen tutsana turkmen bolup yadymda galypdyr. Yone men bu aydanym anyk maglumat diyjek dal.
Turkmen bolsa guwandyryjy
Iosif Berdiyew, Altymyrat Orazdurdyýew, Marat Nyyazow bu adamlar türkmen adyny galdyranlardyr. Ýöne soñra bu adamlar kän indeg bolmayar. Olympiya oyunlarynda ilkinji bolup altyn medal alan sportcymyzdyr.
Häzirki döwürde bolsa bir klubda futbol oynajak bolsañ para bermeli. Shonuñ üçinem bizden güyçli sportsmenler yetishenok.
Ýeri gelende şunam belläp geçäýeýin. Iosif Berdiýew, Marat Nyýazow - bular Olimpiýa çempiony bolan adamlarymyz. Ýene bir haýwanymyz, ýagny Ahal teke atymyz hem Olimpiýa çempiony bolmagy başarypdyr. Ahal Teke aty Absent (atasy-Arab, enesi-Bakkara) Sergeý Filatowyň erk etmeginde 1960-njy ýylda Rim Olimpiýadasynda atçylyk sporty bolan Konnyý sportda çempion bolupdyr. Soňra Absent 1964-nji ýyldaky Olimpiýadada bürünç medel, 1968-nji ýyldaky Olimpiýadada bolsa kümüş medal almagy başarypdyr.
sagja bol Batyr on tanamokdym
orsa menzeyar eken,tüweleme TM'denem çykjak bar eken
Aýtmyshlaryna görä, SSSR döwründe çagalara ors a:t dakmak ýa soñ ors ada üýtgetmek, internasional mashgalalar gurmak ýaly zatlar ýoñ bolupdyr (mümkin, ýoñ boldurandyrlar!).
Belki, bu sportsmenimiziñ a😆am sheýleräk dörändir.
Batyr, elleriñe saglyk sheýle gyzykly, delje maglumatlary paýlashyp durýanyña!
shu ýerde güljek bolmadym. Bagyshlañ! ady hem manyda ýazdym.
berekella yzy kop bolsun..
berekella yzy kop bolsun..
familiyasa turkmen eken belki turkmene ilteshyan yeri bardyr yone....ozune turkmen diymakden saklanan bolmagam mumkin )
Görünüşe görä stalinin döwründe yyldyzy parlapdyr. hatta stalinin sssrin başyna gelen yyly dünya gelipdir. stalinin asyl ady hem ioef (yusuf) ekeni stalin (polat manyny beryär) bolsa onyn lakamy. indi şu yerde iki sany mümkinçilik yüze çykyar; 1-ya berdiyewin asly gürji bolmaly sebäbi stalinam gürji milletinden. 2- ya da berdiyew orsyetde has yörgünli bolmak üçin adyny iosef şeklinde üytgetdi. garaz menä şeyleräk pikir edyän. takdyr sizde.
Orsa menzanok. shu yashuly Turkmen. Orsda Berdiyev familya name ish etsin!
Buysanch bu biz un! Batyr govy maglumat!
degishyan dostlar. gulse turkmena menzeshle!