Bu ýylyň planlary we geçen ýyl netijeleri.
Salawmaleýkim hormatly agzalar. Ýylyň soňunda, ýa-da täze ýylyň başynda hemmämiziň kellämize pikir gelendir. Bir ýylyň içinde nämeler boldy we indiki ýyl nämeler etmekçi diýip. Garaz täze ýyl, happy new year, yeni sene ýene gör, herkim herýerde ýürege düşendir. Menem onda ýüregiňize düşmekçi.
Garaz bu blogda, dünýä täzeliklerine, ýa-da dünýäni üýtgeden zatlar hakynda ýazmakçy däl. Doly özüm we edýän işlerim hakynda, gyzykly bolmasa, häzirden bu blogy ýapyp, okaman geçip bilersiňiz. Diňe dostlarym üçin ýazýan diýsem hem bolar.
Birinji bilen, geçen ýylda Teswirler saýdynyň ýapylmagy iň uly bolmasada, uly üýtgeşmeleriň biri. Gowy tarapa hem barýandyr diýip umyt edýän. Ýapylmagy bilen känbir üýtgän zat bolmady aslynda.
Geçen ýylda ilkinji gezek daşary ýurda çykyp gördim. Birinji gezek daşary ýurda çykmak duýgusyny nähilidigini köpiňiz bilýänsiňiz. Şeýlelik bilen syýahat hem şowly boldy diýsek kem bolmaz. Bangkoga gezelenç, Myanmara gezelenç, Dubaýa gezelenç bloglarymy okap bilersiňiz.
Iş ýagdaýyny alanmyzda, bir ýylyň içinde birnäçe proýektler başladyldy we häzirem ýöreýär. Munyň üçin proýektleriň üstünde bile işlän oglanlara sagbolsun aýdýan. Birinji bilen, bu ýylda iň köp üns berilen proýekt, VeriSchool, VeriHasap, VeriCake we aradaky internedi tizlendirýän Dreamnet.
Şeýle hem bu ýyl dogulyp bilmedik proýektler bar. Ýagny käbir sebäpler bilen goýbolsun edilen, ýa-da ýetişdirilip bilinmedik proýektler bar. 5Welaýat, TäzeNesil ýaly proýektleri ýatlap geçip bileris. Täze Nesil proýekt hakynda, hiçbirýerde agzalmady, ýöne syýasatdan daşary, hepdelik online žurnal. Ýa-da "Bildirişler" diýip bütin bildirişleriň içinden aňsat we akylly filterli websaýt bardy. Ýa-da Türkmenistan bilen bagly bolmadyk, HotelFinder proýekti. Bütin aziýa döwletleriniň otelleri we olaryň arasyndan gözleg. Suratlary, ýene görleri, bahalary. Garaz proýektde 5000-den köp hoteliň maglumatlary bardy we ol proýekt hem wagtyň geçmegi bilen yza goýuldy. Ýene-de dogup bilmedik proýektleriň arasynda, kiçijek parahorçylyga garşy bir proýekt bardy. Kim, nirede para beren bolsa, doly anonim şeklinde saýda ýazýardy. Ýagny DÝGG para beren bolsa, nirede we sagadyny, we näçe manat berenini ýazsa belki azajyk kömek degerdi diýip umydymyz bardy. Ýöne bu proýekt hem käbir sebäpler üçin tutdyrmady 🙂
Mundan başgada, 20-den köp firmalar üçin, proýektler üçin websaýt ýasaldy. Bularyň adyny getirip, mugt reklama etmekçi däl, ýakynda ählisini portfoliomyza goýarys diýip umyt edýän. Bularyň arasynda, işleşmäge gowy adamlar hem bardy, derdini düşündirip bilmeýän adamlar hem bardy. Mysal hökmünde, "Merdem" restoranyň websaýdy ýasalyp, soňundan goýbolsun edilipdi. Edilen dizaýn işlerini halamandyklary üçin. Ýokardaky görýän suratyňyz hem websaýtdan bir görnüş.
Şahsy durmuşymda hem belli belli üýtgeşmeler boldy, bular ýöne köpçülikde ýazyljak zatlar däl. Ählisi hem gowy tarapa üýtgändir diýip umyt edýän. Indiki ýyllara hem täze peýdaly, halka tutdyrjak işlerimiz bilen begendireris, nesip bolsa.
Bütin ýylyň dowamynda goldanlara sagbolsunymy aýdýan. Käbir ýerde agyr, käbir ýerde ýeňil, käbir ýerde hezil ýyl boldy. Ähliňize täze ýylda, durmuşda, işiňizde üstünlikler dileýän. Aşagyna çenli okan bolsaňyz, minnetdar. 🙂
Arhiwiň ýagdaýy
● Doly tekst
● 48/48 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 9 maý 2012 ý. · Asyl sahypany gör ↗
Teswirler 48
sagbol, sana-da ustunlik🙂
meň üçin iň uly (kyn) üýtgeşme, Vim-den Emacs-a geçmek boldy...
bu ýylam täze täze proýektlerde üstünlik!
Merdemi ýigrenýän...http://ertir.com/images/smile/morning.gif
Menem bu ýyl Vim-e geçmegi planlaýan. Arada geçjekdim ýöne, bahym kod ýazmaly, wagt az bolandan soň oňa öwrenişmäge wagt bolmandy. Indi azajyk arkaýynçylyk we ýuwaş-ýuwaşdan öwrenip giderin, nesip bolsa.
Bu ýylyñ planlary hany?
Ýokardaky suratda, saýt açylan badyna, wilkalar aýry, çäýnek käse aýry ýagny stoldan sypyp gelýädi. Garaz hemme proýektleri üçin şeýle bezeg edipdik. Merdem galasy üçin gala şeklinde, restoran üçin aýry, katering üçin aýry, süýji önümleri üçin aýry... 1 hepdelik iş, we iň soňunda sebäbini düşündirip bilinmeýän, halamadym diýen komentariýa. Ýöne beýle zatlar, dizaýnerçylyk bilen bagly iş edýänleriň durmuşynda kän bolýan zat. 🙂
şu wagt merdemiň saýty barmy?
merdem.biz
Agajan konkurentleriniz barmy duypli?
Kändir. Ýöne agzymdan çöregimi alyp gidýän konkurent-a ýok, şuwagta 😆
ay munun umumy jogaba. ine shu konkurentim diyer derejede-de yok oydyan konkurent.
Websaýt edýän kän, soňky döwür has hem kän. Ýagny soňky aýyň içinde birnäçesi çykdy. Ýa-da has ulurak firmalar websaýt bölümini açdy, meselem Gyrat Kompýuter diýip bar, ýa nokat kompýuter diýip bar.
Olaryň öňden edip gelýän işleri kompýuter şaýlaryny satmak. Häzirem satýalar we iki ugur alyp gitmek kyn.
Biziň işlerimiz diňe belli bir ugurdan, ýagny gapdaldan birtopar satyş-alyş ýa ýene-de artykmaç problemmamyz ýok. Bir kompaniýa bir ugry doly çözmän, başga ugurlara hem geçip başlasa, onda hiçisine gowy ýetişenok diýip bilýän. Olaryň hem öz başyna, belli bir derejede käbir ýöredýän proýektleri bardyr, ýöne häzire çenli biziň edýän işimiz bilen çaknyşan ýerini görmedim.
Diýmek konkurent ýok diýip hem bileris. Ýöne olam dogry däl, konkurent hemişede bar. Iň esasy zat hemme kliendi razy etseň, soňundan reklama hem gerek däl, broşur çykartmak hem gerek däl, websaýdyňy gowylap adam aldajak bolmak hem gerek däl. Biziň websaýdymyz dogrymy aýtsam, 2 sagatda ýasalan we şol durşy. Ýöne hiçkimiň oň bilen işi ýok. Websaýt üsti bilen reklama edip klient çekjek bolýan oglanlar hem bar, gül ýaly websaýt, ynandyryjy, ýöne Türkmenistanda business beýle ýöränok.
Türkmenistanda iň gowy reklama adamlaryň arasyndaky gürrüň. Ýa-da şeýle diýip bilerin, bir klient hökman ikinji kliendi tapýar. Köplenç.
merdeme so icin yanyp aylanyp yorsunmi seydaymelida
ine sheyle jogaba garashyadym. hawa gaty dogry. belli bir spezifik ugurdan yone gaty incherak bolsa has gowy diyip pikir edyan. hemman edyani dal-de has incherak ishler. son flexibel bolmagynyz hem dogry hasaplayan. bir ugurdan chalt bashga ugura gechip bilmek. marketingdaki diyyaninem dogry. kop zat mushderi bn gepleshikdaki, ikitarapalayyn ishdaki ynam chozyar. esasy shol ynamy gazanmak we achyklyk bolmagy gatnashykda.
Agajan ustunlik. NESIP BOLSA hemmesi amala ashar.
Yone gaty gorme, yokarky yasalany halamadym merdemin adresyny. Sonundan Merdem.biz-a girdim, has gowy bolupdyr. Birinji seredeninde halamak gaty ullakan plus-dyr. Yokarky surat woobshe gownumden turmady, emma shu wagtkysy has gowy.
wessalam.
Ýoklaý, gaty görmek nire. Beýle websaýtlar hakykatdan hem biz üçin däl. Ýokarky websaýt, belliräk bir restoranyň eden ideýasy we dünýäde başga websaýt ýok şol görnüşde. Çünki üýtgeşik bir websaýt, başga bir ideýa. Beýlekilere meňzänok. Beýle ideýalar hem zakazlara gorkunç. Ýagny belki 100-lige düşersiň, belki 0-a düşersiň. Standart websaýtlarda köplenç problemma çykanok, 60-lyga düşseň soň 100-lige öwüribermeli, ýuwaş ýuwaşdan. Ýöne tutuş ideýa halanmasa, yzy dowam edenok.
Garaz beýle bolmagy normal zat.
merdem bilen ishleshen adamlardan kop shikayat eshitdim, men-a zhirny klient dal welin, olaram oz reputasiyalaryna uns bermelimika diyyan adamlaryn azabyny kidat edip abraylaryny saklap bilmezlermika diyyan v dalneyshem
artemiy lebedevin stilinde bolyar oydyan agajanyn merdem proekti, shon krutoy web proektleri bar
Lebedev, bet dizaýner. Yandex-de sol ýasapdyr. Meniñ bir garyndasym bar, lebedev bn Lomonosow unw-de bile okapdyrlar.