Verischool - Okuw dolandyryş ulgamy

Soňky 2 aýyň içinde wagtymyzyň köp aşakylar  üçin gitdi. Şolar barada gysgaça agzap geçmekçi, belki gyzyklanýanlar bardyr. Veriloft teswirler bilen tolkunfm-den başga näme iş edýär diýip. 🙂

Ilki bilen hiçhili tehniki taraplary düşündirjek däl. Azajyk peýdalary hakynda aýdyp geçmekçi. 3 aýyň dowamynda mekdep üçin web application, soňam kurs merkezleri üçin application ýazdyk. Ikisiniň işleýiş systemasy bileräk diýsek hem bolar, ýöne asyl gurluşynda azajyk üýtgeşmeler bar.

Mekdep programmasy häzir Myanmardaky mekdepde ulanylýar. (www.horizonmyanmar.com) Häzirlikçe diňe 1 mekdep, ýakynda ýene-de 5 mekdepde ulanylmaly.

Systema bir wagtda birnäçe mekdeplerde ulanylyp bilinýär. Aýry kampuslar bar. Meselem Türkmenistanda Türkmen-Türk mekdepleri arkaýyn peýdalanyp bilerdi. Mary TTM, Başkent, Turgut Ozal we ş.m aýry aýry mekdepler, ýöne bir ýere degişli bolan mekdepler üçin ýasalan.

Online görnüşi hemde local görnüşi bar. Online görnüşi ene-atalar girip çagalarynyň bahalaryny, gatnaşygyny we ş.m maglumatlary görüp bilýäler. Local görnüşi mekdebiň içinde network arkaly işläp bilýär. Bar gerek bolan zat network hemde serwer.

Mekdebe gerekli bolan hemme maglumatlar saklanýar. Işgärler, assisstantlar, mugallymlar, mekdebiň direktory, okuwçylar, data administratorlar, klaslar, ekzaminler, öý işler, gatnaşyk, ekzamin bahalary, sapaklar we ş.m maglumatlary saklap bilýär. Okuw ýyly boýunça hemme maglumatlar hiçhaçan ýitmeýär we pozulmaýar. Geçen ýylky okuw ýyllaryna degişli bolan maglumatlary hem tapyp print edip bolýar. Her ýylyň soňunda awtomatik ýagdaýda sertifkat çykarmaga mümkinçiligi bar.

Gatnaşyk sapak boýunça, hemde günlik alynýar. Egerde okuwçysy bir sapaga girmedik bolsa onda ene-atasy systema üstünden arkaýyn görüp bilýär.

Kurslar üçin görnüşi hem edil şeýle. Diňe üýtgeýän ýerleri sapaklaryň ýerine bölümler, sezonlar hem-de kurslar aýry-aýry saklanýar. Meselem English->Beginner->2010-2011 Gyşky.
Bu hem kursyň içinde okuwçylary dolandyrmaga kömek edýär. Administrasiýa üçin ýörite panel bar, panelde bu günki gelmedik okuwçylaryň spisogy çykýar. (okuwçynyň gelmändigi barada edil şol wagt ene-atasyna jaň edip habar bermeklik üçin). Ýa-da edil häzirki wagtda haýsy sapaklar okalýar we haýsy klaslarda, haýsy mugallym şuwagt haýsy klasy okadyp otyr ol maglumatlary almak mümkinçiligi bar.

Häzir systema Özen Bilim Merkezinde ulanylýar. Şeýle hem Özeniň web sahypasyny taýýarladyk. Web sahypa daşky görnüşi hemde içeri gireniňden soňky görnüşi bar. Daşky görnüşinde kurslar hakda, bahalar, täzelikler, suratlar we ş.m maglumatlar ýerleşdirilen. Her okuwçynyň öz açar sözi hemem agza ady bar. Agza ady bilen içeri girenden soň “Pikirler”, “Şahsy habarlaşma”, “Çat” ýaly aýratynlyklary bar. Teswirleriň kiçi görnüşi diýsemem bolar, ýöne ýapyk şeklinde. Diňe kursyň okuwçylary üçin niýetlenen. Häzir saýt doly taýýar däl, mobil görnüşi hem bolandan soňra internede ýerleşdirmek planlaýas. Belki araňyzda bolanlar bardyr, Özen Bilim Merkezinde ene-atalara, okuwçylara tanyşdyryş işini geçiripdik.

Diýjek bolýanym şeýle systemalar Türkmenistanda hem arkaýyn işläp biler. Internet baglanşygy bolmagyny islemeýänler bar bolsa lokal görnüşini peýdalanyp bilerler. Häzir bilşime görä Aşgabatda hemem beýleki şäherlerde birnäçe kurs merkezleri bar. Bugalteriýa, iňlis dili, kompýuter, rus dili we ş.m ugurlardan okadýan... Şol kurslaryň belli bir systemasy bardyr öýdemok. Statistika çykarmak üçin birnäçe listlerden, bahalardan otyryp çykarýandyrlar belki, ýöne bu hem mümkin däl ýene-de belki ony hem çykarýan däldirler. Şonuň üçin taýýar önüm hödürleýäris. Belki gyzyklanma bildirýänler bar bolup biler, systema bilen giňişleýin tanyşmak isleseňiz, işleýän görnüşini görkezip düşündirip hem bileris. Islendik kurs merkezine, ýa-da döwlete degişli okuw bolsun tapawudy ýok, okuwçy sanyna garamazdan, systemany 1 aýlyk möhlet bilen mugt gurup bileris, barlap görmekleri üçin, peýdalaryny görmekleri üçin.

Systemany heniz bilim ministrlige teklip edip görmedik. Eger üstünde doly işläp bolup, biziň mekdeplerimizde ulanyp boljak hala getirip, käbir biziň mekdeplerimize gerekmejek bolan funksiýalary aýyryp, gerek bolanlary goşanmyzdan soňra teklip etmägi planlaýas. Olar näme netije berer bilmedim... Ýöne orta mekdeplerde şeýle systema ulansa bilim ministrligiň hem, mugallymyňam, okuwçyňam azajyk bolsa işi ýeňilleşerdi. Azajyk hem bolsa düzgün tertip gowylanardy.