"Täze ýyl goşgusy"

Täze ýyl goşgusy

Towşandan soň gelýän Balyk ýylymyz,

Hoş geldiň Täze ýyl jennet Diýara.

Belent sepgitlere şalyk köňlümiz,

Hoş geldiň Täze ýyl jennet Diýara.

Ýüreklermiz joşly mukamdyr-aýdym,

Bagtyýarlyk nurun çar ýana çaýdyň,

Aýagyň düşümli, ýollaryň aýdyň,

Hoş geldiň Täze ýyl jennet Diýara.

Hemmeler şat, şäher-oba galkynýar,

Awazadan älem içre ýalkym bar,

Garagumda Türkmen kölüm tolkunýar,

Hoş geldiň Täze ýyl jennet Diýara.

Ýaşyl tugum parlar Arşyň deňinde,

Bugdaý-rysgal, pagta-bagtyň elinde,

Nebit-gaz – baýlygym Dünýäň heňinde,

Hoş geldiň Täze ýyl jennet Diýara.

Baky bahar Galkynyşly çagymyz,

“Döwlet adam üçindir” şygarymyz,

Watan Gahrymany Arkadagymyz,

Hoş geldiň Täze ýyl jennet Diýara.

Seýidaly Babaýew.