Ýaranjaňlyk keseliniň($tangist) simptomlary we keselden goranmagyñ çäreleri.
- Keselli başyny belent
tutup, dik ýöräp
bilenok. Ol mydama
epilmäge, bükülmäge,
özünden wezipesi
ulynyň öňünde
asgyrmaga,
üsgürmäge we
beýleki boýunegijilikli
tebigy, ýöne mojuk
sesleri çykarmaga
taýyn bolýar. - Bu kesel ýokuşan
hassa adamlary
ýaşyna, akyl-
paýhasyna, halkyň
öňünde bitiren
hyzmatyna görä däl-
de, eýse diňe onuň
wezipesine görä
tapawutlandyryp
bilýär. Keselli mertlik,
edermenlik, batyrlyk
diýen ýaly gylyk-
häsiýetleri
saýgrmakdan
mahrum bolýar. - Ýaranjaňlyk keseli
degen adam, wezipesi
uly bolsa, hatda
özünden ýaşkiçä-de
”agam”, ”agasy” ýa-
da ”ýaşuly” diýip
ýüzlenýär, onuň
öňünde ýaýaplaýar,
ýallaklaýar,
sandyraýar, it kimin
”guýruk bulaýar”. - Keselli özünden
wezipesi ulynyň
islendik buýrugyny
ýerine ýetirmäge
taýyn bolýar. Ol
wezipeliniň
ýalňyşyna ýalňyş
diýmäge düýbünden
ukypsyz bolýar,
ýagny muňa onuň
bogny ysanok. - Başlyklary, wezipelini
görende, ýaranjaň
özüniň erkekdigini
düýbünden unudýar,
ony der basýar, dili
tutulýar, aljyraýar,
özüni ýitirýär,
elewreýär, iki, üç, ýedi
bükülýär, balagy
sypýar. - Keselli mydama
agzyny ýumup
gezýär, agzyny açsa-
da, derrew başlyklary
öwüp başlaýar. - Kesel güýçlenip,
ýetjek derejesine
ýetende hassa,
adatça, şu başlyk
bolmasa, biziň
edaramyz, etrabymyz,
welaýatymyz,
Türkmenistan ýaşap
bilmez, dargar,
ýykylar, pytrar diýen
ýaly bimany zatlary
samprap başlaýar. - Döredijilik
adamlarynda bu
keseliň ötüşen ýokary
derejesi romantik
görnüşde-de
alamatlanyp biler.
Meselem, bu keseliň
gurbany bolan
döredijilik
intelligensiýasynyň
wekilleri aýaldygyna-
erkekdigine
garamazdan, ýurduň
ýolbaşçylaryna öz iň
inçe, iň pynhan
duýgularyny
hödürlemäge
başlaýarlar. Keselli
ýazyjy bolsa,
prezidenti öwüp,
goşgy-gazal, proza
eserlerini ýazýar,
žurnalist bolsa,
makalalary (adatça,
tapgyrlaýyn
makalalary!) eňterýär,
hudožnik bolsa, gije-
gündiz prezidentiň
portretlerini
döredýär, heýkeltaraş
bolsa, ol keselli ýolda
ýatan her bir gödeňsi
daşda prezidentiň
şekilini görýär,
islendik daşyň içinden
prezidentiň keşbini
gözleýär, tapmasa-da,
şol daşy, gipsi,
sementi prezidente
meňzetjek bolup
dyrjaşýar. Kinoçylar
prezident hakda dürli
filmleri surata
düşürip, at ýitirseler,
jaranjaň
kompozitorlar
prezident hakda saz
ýazyp, öz zehinleridir
abraýlaryny,
aýdymçylar bolsa, iň
ýokary başlyk hakda
iň ýokary perdeden
aýdyma zowladyp, öz
seslerini ýitirýärler. - Ýaranjaňlyk keseliniň
has agyr görnüşine
uçranlar arak ýa
şerab-a beýle-de
dursun, hatda bir
owurt suw içselerem,
ony prezidentiň
saglygyna
göterýärler. - Keselliler başlyklara,
wezipelilere ýallaklap,
olaryň öňünde ýedi
epilýärler, emma
özünden ejizleri
görenlerinde,
ekezlenip, syrtlaryny
gabardýarlar. Hut
şunuň özi hem bu
keseliň ozal-ebedinde
dişleri zäherli mergi
keselini göteriji çöl
alakalaryndan
gaýdandygyny
görkezýär.
Keselden
goranmagyň
çäreleri
Siz ýokarda agzalan
simptomlar, ýagny
türküläp aýdanyňda,
alamatlar boýunça
ýaranjaňlyk keseli
degenleri tanap we
olardan özüňizidir bala-
çagalaryňyzy gorap
bilersiňiz.
Ýaranjaňlyk keselinden
goranmak üçin
profilaktiki çäreleri
görmek örän möhüm
bolup durýar. Munuň
üçin kesellilerden daşda
durup, gowy howadan
köpräk dem almak,
şeýle-de käbir beýleki
ätiýaçlyk çärelerini
görmek hökmanydyr. Bu
ugurda beýik ahlakly
adamlaryň
durmuşlaryny
öwrenmek,
ýaranjaňlykdan hem
ýaranjaňlardan hatda
garaňky Orta syrlarda-da
özlerini gorap bilen
klassyklaryň eserlerini,
ilkinji nobatda-da beýik
Magtymgulynyň
goşgularyny, ”Görogly”
eposyny, satirik şahyr
Keminäniň, hanlary däl-
de, gelin-gyzlaryň
gözelligini wasp eden
Mollanepesiň, serkerde
şahyr Seýdiniň, watançy
Zeliliniň eserlerini öwran-
öwran okamak maslahat
berilýär. Aýratynam
Mollanepesiň ”Ner
gezgin” atly goşgusyny
gaýtalap okamak
agzalan howply we
kümsük keselden
goranmagyň degerli
çäresi bolup biler.
Mundan başga-da
adamlar öz saglygyny
gorap saklamak üçin
gahrymançylygy,
mertligi, hakyky
dostlugy, çyn söýgini
wasp edýän türkmen
halk aýdym-sazlaryny
yzygiderli diňlemeli we
degerli profilaktiki
çäreleriň biri hökmünde
öz maşgalasyna,
çagajyklaryna şol belent
sungat eserlerini
diňletmeli.
Iň esasy zat hem, bu
keseliň, her niçik-de
bolsa, türkmenlere
mahsus kesel däldigini
we ony agyr durmuşyň
döredendigini, dogrusy
onuň diňe halys garyp,
yzagalak ýurtlarda
duşýan ýokanç
keseldigini, ýurduň
ykdysadyýeti,
adamlaryň sosial durmuş
derejesi düzeldigiçe, bu
keseliň dura-bara azalyp,
soňra asla ýok bolup
gitjekdigini hiç haçan
ýatdan çykarmaly däl!
Arhiwiň ýagdaýy
● Doly tekst
● 24/24 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 1 awgust 2012 ý. · Asyl sahypany gör ↗
Teswirler 24
Internet ummanynda ýüzüp ýörkäm tapdym. Siz bilen paýla$aýyn diýdim okap görüñ belki peýdasy deger
Yokyshgan keselmi? Wiruslary yylyn hemme pasylynda hem yayrayarmy? Onundden bir chare yokmy? Waksinasiya dgay bilen yoklap bolmayarmy?
Dünýede her kimin öz gylygy bar,
Onatlary saýlap-seçgin— diýdiler.
Edep-sypaýçylyk adamy bezär,
Mydam gödeklerden gaçgyn — diýdiler.
Diýisleri ýaly, gaçdym-da ýördüm,
Gödekligem meni kowlap ýörmedi.
Ol önümden çyksa, ýüzüm öwürdim,
On nä derdi — asyl gaty görmedi.
Sypaýy diýlenler bolýar her hili
Juda sypaýylar dasym aldylar.
Duýman durka, kastlary bar ýaly,
Sypaýlygmyn dulugyna çaldylar.
Sypaýçylyk bilen hormat etdiler.
Sypaýçylyk bilen adym tutdular.
Sypaýçylyk bilen arzan satdylar.
Sypaýçylyk bilen etdiler baryn.
Son ýene diýdiler ýanyma gelip,
Mert ýigide näzik bolmak ýarasmaz.
Bardyr adamlarda seýle bir gylyk, —
Ajyn ýokmy — süýjüne-de garasmaz
Eýsem, ýaranjanlyk, öz külbän küýi
Göriplik hem juda-juda küteklik
Ýaly gylyk-häsýet dus gelýän güni
In ýaramaz gylykmydyr gödeklik?
Bas çykarmak gerek seýle gylykdan,
Näçe çun düsünsen sonça-da ýagsy.
Kebzä pyçak sokýan sypaýçylykdan,
Tumsugyna kakýan gödeklik ýagsy.
Eý, siz, sypaýylar, men taýa bakan
Gelmäwerin lesger çekip, dökülip.
Ýasasyn hak üçin gulakdan çekýän,
Göni göze bakýan sagdyn gödeklik!
Sagja bola, gaty dogry bellap gecipsin...
gözel şagulyyewa bara.. Şonyn powesti bar...
Edebine bedewine döneyin,
Arkadagym, yaşayyşa bar gadam.
Waspyn sözlap, ömri eglap yöreyin,
Uçyandyryn, uçarynda şagadam..
Garaz bimany goşgy yöne gazetin başynda durda.. Gazetdede prezidentin suraty yylgyrypjyk.. Aytyanlarym dogrymy ya!!???
ÝARANJAŇ
Başlyklar ne
diýse, agzyny
açar,
Her sözün
howada gapar
ýaranjaň.
Her ädimde
üzeňňiden üç
geçer,
Güýçlüniň
göwnüni tapar
ýaranjaň.
Buýruk eşitdigi
”lepbeý” diýer
ol,
Her günde
minnetli aşdan
iýer ol,
Adam däl,
wezipä hormat
goýar ol,
Başlykly
perdeden gopar
ýaranjaň.
Nätjek, biziň
döwür şeýle
kyn boldy,
Mertlik hem
namartlyk goşa
syn boldy,
Ýaranjaňlyk –
özbaşyna din
boldy,
Guýruk bulap,
çar ýan çapar
ýaranjaň.
Ýaranjaňdan
egri geljek orak
ýok,
Ygrary ýok hem
sözünde derek
ýok,
Diýer ol
”mertlikden indi
çörek ýok”,
Pul üçin bilini
eper ýaranjaň.
Bolup ýörşi
gülki, ýöne
gülmersiň,
Türkmendigne
kesesinden
ölmersiň,
Aýaldygny,
erkekdigni
bilmersiň,
Uýat ýerin çala
ýapar ýaranjaň.
Keçetelpek,
mertlik türkmen
ýoludyr,
Bu ýoldan
çykanlar –
namart, loludyr,
Daşyndan
göreňde erkek
ýalydyr,
Emma erkek elin
öper ýaranjaň.
Awtor näbelli
Baýbä. Keselden goranmagyň çäreler hasam bet bolupdyrlaý 😆
[gülkini bir tarapa goýaýyn] Adamlar ösdügiçe, ilereledigiçe şu kesele duşmak ähtimallygy köpelýär. Käbir ýerlerde işlemelei, pul gazanmaly bolýa. Kesel ýokanç bolany sebäpli mundan goranmak üçin seniň görkezen dermanlaryň kömek etmänn biler. Ol klassyky şahyrlara-ha düşünýänler juda az. 50 ýaşlaryndaky edebiýat mugallymym Magtymgulynyň goşgularyna indi düşünip başladym diýipdi.
Keseli ýok etmek mümkin. Munuň üçin bu keseli öndürýän köki çapmak gerek. [utgaşdyrman aýdyp başlaýyn] Türkmenistan halky Stalin zamanyndan bäri erbet ideologiýanyň we ýaranjaň ideologlaryň gurbany boldy. 90-dan öň SSSR-iň ideologiýasynyň döremegine hyzmar eden adamlar Garaşsyzlykda Ruhnamanyň, Türkmenbaşynyň döremegine hyzmat etdiler. Bugün bolsa Berdimuhamedowy hem taryha altyn harplar bilen ýazmagyň ugrunda işleýärler. Ideologiýanyň başynda asly ukrainaly ýewreýlerden bola Wiktor Hramow dur. Bu adamyň adyna okuw kitaplarynda, milli çeper filmlerimizde hem duşup bilerisiňiz. Edebiýatçylary, redaktorlary, režissiorlary şol dolandyryp, näme etmelidigi, näme diýmelidigi, näme ýazmalydygyny öwredýär. Bu barada tema açmagymy isleseňiz eller ýokaryy 😎
Hahaha,bu aydan zatlang hemmesi meng dekanymda bar
ol adamlara androlog diyilyar
Dildar gelneje, gowja soraglar..!😆😆😆
Friendiship sana dushan wagtym aydayyn. Gowja goshgulary saylap goyyarsyn we olardan chyndan lezzet alyan. zahmetine sagja bol! Kopusini ozal okapdym. Sheylede bolsa wagt gechipdir. Indi okayan welin tagamy bir ayry. Sag bol. Tanryalkasyn!
Bashga birinin mowzugynda diydimwelin sag boly- bagyshlarsynyzda! Ellerinize guller bitsin!
BU mowzuga hem sheyle sozleri aydasym gelyar. Shulary okap sheylepikire chumdum,, Turkmenden gep gutuljak dal-ow,,
Gundogar ve Turki halklarnda has hem yayran bu kesel, ganymyza sinipdir, ussesinede Tm mediasam bu keselin ganymyza ornashmagny has hem chaltlandyryar
Gundogar ve Turki halklarnda has hem yayran bu kesel, ganymyza sinipdir, ussesinede Tm mediasam bu keselin ganymyza ornashmagny has hem chaltlandyryar
MINNETDAR, gelneje! Bileýalkasyn! Sylagyñyza sag boluñ!
bu keselin yene bir simptomlaryndan biri adamyn renki hem hameleyon yaly uytgap duryar. Bir gorsen ak, gyzyl, gok renkler yuzde mesana bildiryar.Gorksa gogeryar,aladalansa agaryar,guwansa gyzaryar. Gepin keltesi ala mula bolyar.
😆
😆
Pathalymlyk (tashak gotermek) erbet zadow. Yashok sen zene bir zady yazmagy unudypsyn, shol tashakçylar halky nahili koseyanini yazmansyn. Halky gyrgynada berjegow olar, ozem dine pathalymlyk uçin. ''Bar gitde bir obany yumur'' diyseler, shonam tekizlap gatjak ''shtangistler'' kan. Turkmen halky yaranjanlygy gaty yigrenyan halk, natjek beynine guyup dursalar gunde...
Dag ,duye diyiberyarler. Chempionlar hakda gurrun gidyar bu mowzukda. Agyr atletika hakynda yegenjan!
gulup hezil etdimow bu temany okap,sag bol avtor