Garaýyşlaryň

Garaýyşlaryň

Göz astyndan duýmaz ýaly özgeler,
Seniň bir enaýy garaýyşlaryň.
Yşka maýyl kalba salýar gozgalaň,
Seniň bir enaýy garaýyşlaryň.

Müň bir dürli pikir-hyýal jemlenen,
Gözleseňde tapdyrmaýan jümleler,
Janyňy heýjana salýan jilweler,
Seniň bir enaýy garaýyşlaryň.

Altyn suwy berlen gaşyň egme deý,
Al ýaňagyň çukanagy düwme deý,
Ýürekden ýürege barýan ýagma deý,
Seniň bir enaýy garaýyşlaryň.

Çytylsa gara gyş, ýazylsa ýazdyr,
Sessiz söhbetdeşlik kereşme näzdir
Bent edip baglaýan jadyly sazdyr,
Seniň bir enaýy garaýyşlaryň.

Muhabbet sözlerin kabul eýlemiş,
Badasyn uzadyp, melul eýlemiş,
Özüni Gül, ýaryn Bilbil eýlemiş,
Seýdalynyň şany garaýyşlaryň.

Balkanabat saheri
Seyidaly Babayew