Bolmaz (goşgy)

Bolmaz

Gez, döwrebap aýak basyp,
Zemin mertdir oýmak bolmaz,
Bolaýsa-da kibtiň gyşyk,
Amanady geýmek bolmaz.

Zähmetden nurlansyn keşbiň,
Arassa gez, ýaýrat müşküň,
Söýülseň aýama yşkyň,
Söýülmeseň söýmek bolmaz.

Rysgal gelmez ýaltalykdan,
Daş dur akly keltelikden,
Pul bolsa-da petde-petde,
Ýersiz-ýere sowmak bolmaz.

Ýagşylykda galsa adyň,
Hormatlar ýakynyň-ýadyň,
Al ýerinden goýan zadyň,
Goýmadygyň almak bolmaz.

Bolgun köpe görelde sen,
Ruhdan düşme her halda-da,
Gezek gelse mähellede,
Öwünmek ýa öwmek bolmaz.

Garamankaň eýläň-beýläň,
Ir säheriň bolar öýlän,
Az sözle juda köp oýlan,
Diýmesizi diýmek bolmaz.

Seýdaly görkez özüňi,
Halka ýaýdyň çyn sözüňi,
Açyp dirdersiň gözüňi,
Ýaşaýyşdan doýmak bolmaz.

Balkanabat saheri
Seyidaly Babayew

Şu şahyryň goşgusyny ýene okasyň gelýärmi?

Howwa, oňat eken!(100%, 3 adam)

Ýaltanmasaň ýazaý!(0%, 0 adam)

Ýok, asla ýazma!(0%, 0 adam)