Entek ejeňiz dirikä gadyrny biliň, söýüň, ony bagtly ediň! Gijä galmaň.. Seret wagt geçip dur..

Batyr· 20 oktýabr 2011 ý. 07:18 · 941 gezek okaldy· halanan: 42ertir.com

Bir ýazgy paýlaşmak isledim. Ine şu ýerden aldym. Ogurlamokdyrn, temaň eýesinden sorap aldym. Özüm-ä gaty haladym. Eger şu we şuňa meňzeş temalar öňem açylan bolsa öňünden ötünç soraýan.

1 ýaşyňda: Seni elleri bilen bezäp besledi, ýuwundyrdy. Bütin gije ýatyrman aglap, sagbolsun aýtdyň.
2 ýaşyňda: Saňa ýöremegi öwretdi. Seni çagyryp seslenende ondan gaçyp, sagbolsun aýtdyň.
3 ýaşyňda: Saňa naharlar taýýarlap berdi. Döküp-saçyp iýip, sagbolsun aýtdyň.
4 ýaşyňda: Eliňe reňkli galamlar berdi. Bütin diwarlara surat çekişdirip, sagbolsun aýtdyň.
5 ýaşyňda: Seni owadan geýimler bilen bezedi. Guma bulaşyp oýnap, sagbolsun aýtdyň.
6 ýaşyňda: Saňa birtopar sowgatlar etdi. Goňşyň äpişgesini döwüp, sagbolsun aýtdyň.
7 ýaşyňda: Mekdebe äkitdi. Köçede: "gitjek däääl" diýip aglap, sagbolsun aýtdyň.
10 ýaşyňda: Doglan günlere, tans mekdeplerine äkitdi. Maşyndan böküp düşüp, yzyna seretmän gidip, sagbolsun aýtdyň.
11 ýaşyňda: Seni dostlaryň bilen kino, teatra äkitdi. Sen: "Biz bilen oturma" diýip, sagbolsun aýtdyň.
12 ýaşyňda: "TW-da erbet peredaçalary görme diýdi". Ol öýde ýok wagty seredip, sagbolsun aýtdyň.
15 ýaşyňda: Seni lagerlere goýberdi, ýekeje hat ýazman sagbolsun aýtdyň.
17 ýaşyňda: Oturlyşyklara goýberdi, birje gezek jaň etmän öýüňe giç gelip, sagbolsun aýtdyň.
18 ýaşyňda: Mekdebi gutaraňda hemme gerek zatlaryňy alyp berdi, ugratdy. Ony dostlarym üstümden gülmesin diýip ýanyna eltmän, sagbolsun aýtdyň.
21 ýaşyňda : Saňa okuw, iş bilen bagly maslahatlar bermek isledi. "Men sen ýaly boljak däl" diýip sagbolsun aýtdyň.
22 ýaşyňda: Okuwy gutaraňda saňa guwanyp gujaklady. Syýahat üçin pul isläp sagbolsun aýtdyň.
24 ýaşyňda: Durmuş gurjak bolýan ýanýoldaşyň bilen tanyşmak isledi. "Entek ir, hökman däl" diýip sagbolsun aýtdyň.
25 ýaşyňda: Toý tutup berdi, begendi, duýgulandy. Sen başga ýerlere göçüp gidip, sagbolsun aýtdyň.
30 ýaşyňda: Çaga terbiýesi hakda akyl bermek isledi. "Indi beýle terbiýe berlenok, ol diýýänleriň gadymy döwürde galdy" diýip sagbolsun aýtdyň.
40 ýaşyňda: Saňa jaň edip, bir ýakynyň doglan gününi ýatlatdy. "Işim başymdan agdyk, wagtym ýok" diýip sagbolsun aýtdyň.
50 ýaşyňda: Ol erbet keselledi, ony görmäge baranyňda begendi. Oňa "Garrylar çaga ýaly ejiz, näzik, ynjyk bolýar" diýip sagbolsun aýtdyň.

Diýeli bir gün.. Ol öldi..

Bu güne çenli onuň bilen geçiren wagtyň, eden işleriň ýyldyrym bolup kalbyňa urdy. Şonuň üçin entek wagt barka, entek ol dirikä, wagt aýryp gidiň, gyzyklanyň onuň bilen. Şu güne çenli berip bilmedik söýgiňizi beriň oňa..
Pursat barka söýgiňizi bildiriň. Bagtly ediň. Gijä galmaň!
Howluk..
Seret wagt geçip dur..

Ene saňa ýeke gezek berilýär,
Söý eneňi! Söýmegiňi dowam et!
Enäniň gadyryn bilmeýän bolsaň,
Enesini ýitirenden sowal et!

Arhiwiň ýagdaýy

● Doly tekst

● 43/43 teswir saklanypdyr

Ýazylan saýty: ertir.com · Çeşme: Web Archive nusgasy — ertir.com, 20 maý 2012 ý. · Asyl sahypany gör ↗

Teswirler 43

kozete...m 20 oktýabr 2011 ý. 08:34 +3

Durmuşy bagrynda eredýär ene,
Enem güneşden öň oýandy eyýäm.
Mahriňe suwsaýan gujak ger ýene
Seň bilen gülleýär meň gamly dünýäm.

Lazer Boy 20 oktýabr 2011 ý. 08:35 +2

Дост эжеме жан этмели этдин сена, сагжа бол оран дуйгуландырыжы экен

jelaletdin93 20 oktýabr 2011 ý. 08:47 +3

Gaty gowy, bula halananlaryň arasyna gitdi onda

Barter 20 oktýabr 2011 ý. 09:10 +1

köp sagbol, owal okamokdym

Ayna-ma 20 oktýabr 2011 ý. 10:07 +1

Ene bar, ene bar.
Yakynda toyda dashky garyndashlarymyzyñ biriniñ 5 yashlyja gyzy kesirlik etdi welin ejesi:
- Shu öz cagalarymy sheyle bir yigrenyan welin dp cagasyny erbet edip urdy. Ene ene bolsada chäkden chykmagada haky yokdur

hayalperest 20 oktýabr 2011 ý. 10:17 +2

kab:

Eje, gusş deý uçup gitsem-de, bir gün
Ganat ýaýyp gelerin señ ýanyña.
Hem gaşyñda ýüzüm sallar otyryn
Düşünmän nämüçin aglaýanyña.

Bolmalysy şeýledir-dä, ejemiz
Ekläp-saklap, ýañy sana goşanda
Gitmek bilen boluberýäs, diýýäs-de:
Eje, men-ä ugramakçy, hoş onda.

Eglenjekdim entek seniñ ýanyñda
Kiselem aşykly, jübim şänikli.
Sen pikirem eden dälsiñ ogluña
Başga biri bolar öýdüp şärikli.

Bilýän, nirde bolsam-da men şu mekan
Hem mydam señ çirksiz mähriñ küýseler.
Ýöne, eje, aglamagyn iru-giç
Iller: Indi ol biziñki diýseler...

hasam gyzlan ejeleri üçin kyn bolsa gerek, çünkü gyzlar hökmany suratda başga bir maşgala tarapyndan Indi ol biziñki diyilmage mejbur...

mcd 20 oktýabr 2011 ý. 10:59

🙂 hudaya şükür

elvan 20 oktýabr 2011 ý. 11:50 +1

eneler mukadesdir. Eneleri hich unudyp bolmaz!!

pomidor 20 oktýabr 2011 ý. 12:04

atashka1:
Ayna-ma:

. Ene ene bolsada chäkden chykmagada haky yokdur

onsangam eneleng chagi yokdyr chykar yaly.bir shahyryng goshgysynda bolmala:eneleng chagi yokdyr chagi bardyr dengizleng.shular yalyrak bolmaly doly yadyma dushenak welin🙂

dos mena Turkmenistana, bir oye barsam gaytmazlygym gaty ahmal(

Ayna-ma 20 oktýabr 2011 ý. 12:07

atashka1:
Ayna-ma:

. Ene ene bolsada chäkden chykmagada haky yokdur

onsangam eneleng chagi yokdyr chykar yaly.bir shahyryng goshgysynda bolmala:eneleng chagi yokdyr chagi bardyr dengizleng.shular yalyrak bolmaly doly yadyma dushenak welin🙂

Enäñ chagasyna el galdyrmagy beryan terbiyesiniñ gowshap bashlandygyny añladyar.
Chagasyny urmagy hichle yöne sholar yaly sozleri chagasyna eshitdirip köpchülik yerinde aytmagy dogry hasaplamok.
Shol sözleri ejesi aydyp durka yüzüni bir görsediñiz, menem gaty tasirlenemsoñ shol yagdayy shu yere yazdym

Ayna-ma 20 oktýabr 2011 ý. 12:17

Ene, ata, chaga bìrek-biregiñ öñlerinde borclary bardyr.
Shol borclara görade mashgala agzybirligi gurulyandyr.
Name ekseñ shonam orarsyñ diyilyar

batyok 20 oktýabr 2011 ý. 12:22

Ayna-ma:
Ene bar, ene bar.
Yakynda toyda dashky garyndashlarymyzyñ biriniñ 5 yashlyja gyzy kesirlik etdi welin ejesi:
- Shu öz cagalarymy sheyle bir yigrenyan welin dp cagasyny erbet edip urdy. Ene ene bolsada chäkden chykmagada haky yokdur

chaga terbiyeli bolar son 🙂 edenini et diyse,modern chagalary bilyansinlay....

Ice_heart 20 oktýabr 2011 ý. 13:00 +2

Jay ümsümlik. Siñek ucsa-da bildirjek
jayda diñe sagadyñ sesi yañ salyar.
Penjire yapyk hem bolsa, käwagt
yoldan gecyän masynlaryñ sesi esidilip
gidyar. Ukusy tutmayan Eziz eylesine-
beylesine öwrülip yatyp bilmedi.
Yerinden turup, hemishekisindem
batly tutyny syrdy. Ol barmana tutyñ
stolda duran kagyzlary ucuryp,
palasyñ yüzünde yayrap yatmagy özüni
emelsiz yaly duymaga mejbur etdi.
Beyle pursatlar onuñ durmushynda
yat bolansoñ öz-özünden utanyardy.
Penjiräniñ tutawajyndan tutup acan
wagty, göyä hälden bäri garashyp
duran yaly ayyñ shöhlesi icerik kürsäp
girdi. Howa sheyle yakymlydy.
Balkonda oturgyjy goyup oturdy. Ol
ücünji gatda yashayardy. Yashayan
yeriniñ penjiresinden dasharyny
synlamak ayratyn lezzet beryärdi.
Asman doly yyldyz. Arassa asmanyñ
yüzündäki akja patraklary eli bilen
elläsi geldi. Birden yokarky gatda
yashayan yashayjy penjiräni acan
wagty, duygular ummanyna cümüp
oturan Eziz tisginip gitdi. Eneli-gyz
hälden bäri penjiräñ yanynda pikir
alshyp oturan bolarly, gürrüñlerini
dowam etdiler. Aslynda Ezizi dash
töweregindäki adamlaryñ durmushy
gyzyklandyranokdy, yöne shol wagt
enäniñ gürrüñini diñläsi gelyädi.
Oturgyjynda gymyldaman oturdy,
gymyldasa göyä ene gürrüñini bes
edäyjek yalydy. Gürrüñler sheyle
yakymly, sebäbi ol gürrüñler eziz
enesini yatladyardy. Edil shol wagt öye
girip, trubkany galdyryp düwmeleri
(knopkalary) basmaga bashlady. Ol
köplenc ejesi yadyna düshen wagty
sheytyärdi. Düwmeler gezekli-gezegine
basyldy, iñ soñka gezek gelende
saklandy. Barmak shol soñky
basylmaly düwmäniñ üstünde dur.
Yok, ol düwme basylmady, onuñ
yerine shu wagta cenli hemme
kyncylyklara döz gelen, yekeje damja
göz yash dökmedik Eziziñ gözünden
birnäce damja syrygdy... Ol jañ
edäyende-de indi ejesi yokdy ahyry :(

P.s.: menem pursatdan peydalanyp, awtory özüm bolan we blok edip achan helayamy yazayyn diydim. Öñ okan bolmagyñyz mümkin