Entek ejeňiz dirikä gadyrny biliň, söýüň, ony bagtly ediň! Gijä galmaň.. Seret wagt geçip dur..
Bir ýazgy paýlaşmak isledim. Ine şu ýerden aldym. Ogurlamokdyrn, temaň eýesinden sorap aldym. Özüm-ä gaty haladym. Eger şu we şuňa meňzeş temalar öňem açylan bolsa öňünden ötünç soraýan.
1 ýaşyňda: Seni elleri bilen bezäp besledi, ýuwundyrdy. Bütin gije ýatyrman aglap, sagbolsun aýtdyň.
2 ýaşyňda: Saňa ýöremegi öwretdi. Seni çagyryp seslenende ondan gaçyp, sagbolsun aýtdyň.
3 ýaşyňda: Saňa naharlar taýýarlap berdi. Döküp-saçyp iýip, sagbolsun aýtdyň.
4 ýaşyňda: Eliňe reňkli galamlar berdi. Bütin diwarlara surat çekişdirip, sagbolsun aýtdyň.
5 ýaşyňda: Seni owadan geýimler bilen bezedi. Guma bulaşyp oýnap, sagbolsun aýtdyň.
6 ýaşyňda: Saňa birtopar sowgatlar etdi. Goňşyň äpişgesini döwüp, sagbolsun aýtdyň.
7 ýaşyňda: Mekdebe äkitdi. Köçede: "gitjek däääl" diýip aglap, sagbolsun aýtdyň.
10 ýaşyňda: Doglan günlere, tans mekdeplerine äkitdi. Maşyndan böküp düşüp, yzyna seretmän gidip, sagbolsun aýtdyň.
11 ýaşyňda: Seni dostlaryň bilen kino, teatra äkitdi. Sen: "Biz bilen oturma" diýip, sagbolsun aýtdyň.
12 ýaşyňda: "TW-da erbet peredaçalary görme diýdi". Ol öýde ýok wagty seredip, sagbolsun aýtdyň.
15 ýaşyňda: Seni lagerlere goýberdi, ýekeje hat ýazman sagbolsun aýtdyň.
17 ýaşyňda: Oturlyşyklara goýberdi, birje gezek jaň etmän öýüňe giç gelip, sagbolsun aýtdyň.
18 ýaşyňda: Mekdebi gutaraňda hemme gerek zatlaryňy alyp berdi, ugratdy. Ony dostlarym üstümden gülmesin diýip ýanyna eltmän, sagbolsun aýtdyň.
21 ýaşyňda : Saňa okuw, iş bilen bagly maslahatlar bermek isledi. "Men sen ýaly boljak däl" diýip sagbolsun aýtdyň.
22 ýaşyňda: Okuwy gutaraňda saňa guwanyp gujaklady. Syýahat üçin pul isläp sagbolsun aýtdyň.
24 ýaşyňda: Durmuş gurjak bolýan ýanýoldaşyň bilen tanyşmak isledi. "Entek ir, hökman däl" diýip sagbolsun aýtdyň.
25 ýaşyňda: Toý tutup berdi, begendi, duýgulandy. Sen başga ýerlere göçüp gidip, sagbolsun aýtdyň.
30 ýaşyňda: Çaga terbiýesi hakda akyl bermek isledi. "Indi beýle terbiýe berlenok, ol diýýänleriň gadymy döwürde galdy" diýip sagbolsun aýtdyň.
40 ýaşyňda: Saňa jaň edip, bir ýakynyň doglan gününi ýatlatdy. "Işim başymdan agdyk, wagtym ýok" diýip sagbolsun aýtdyň.
50 ýaşyňda: Ol erbet keselledi, ony görmäge baranyňda begendi. Oňa "Garrylar çaga ýaly ejiz, näzik, ynjyk bolýar" diýip sagbolsun aýtdyň.
Diýeli bir gün.. Ol öldi..
Bu güne çenli onuň bilen geçiren wagtyň, eden işleriň ýyldyrym bolup kalbyňa urdy. Şonuň üçin entek wagt barka, entek ol dirikä, wagt aýryp gidiň, gyzyklanyň onuň bilen. Şu güne çenli berip bilmedik söýgiňizi beriň oňa..
Pursat barka söýgiňizi bildiriň. Bagtly ediň. Gijä galmaň!
Howluk..
Seret wagt geçip dur..
Ene saňa ýeke gezek berilýär,
Söý eneňi! Söýmegiňi dowam et!
Enäniň gadyryn bilmeýän bolsaň,
Enesini ýitirenden sowal et!
Arhiwiň ýagdaýy
● Doly tekst
● 43/43 teswir saklanypdyr
Ýazylan saýty: ertir.com · Çeşme: Web Archive nusgasy — ertir.com, 20 maý 2012 ý. · Asyl sahypany gör ↗
Teswirler 43
Gaty gowy tema eken. Sagbol paylashanyña, minnetdar! 🙂 blum
Dünyäniñ bar görki enedir Ene!
Hak sözler...
EJE diysem, bagtly sayyan özumi,
Eje, menin sana menzäsim gelyär.
Soramanam tanasynlar gyzyñy,
Eje, menin sana menzäsim gelyar...
Gowy goshgy ekeni, sagbolsun aytyan, sizinki bolsa uste-ustune gutlayan
Batyr sagja bol.
Duynem bir kino gordum ejesinin gadry uchin soygulisine yetip bilmeyan biri barada, gechen bir makala okadym gazetde eje kakalaryn gadry barada, we shu hepde okan 2 kitabymda bir zada dush geldim, ejesi kakasy bilen diskussiya girmane perzendin haky yok, olary narazy eden perzend ynsan daldir diyyardi. Shugun shu temada mowzuk achjak bolup durdym Batyr agza onurtilapsin. Mowzukdaky kabir yashlarda bolyan zatlar mende bolmasa da, kabir yashlardakylar gaty tasir etdi.
betinden
Eje, gusş deý uçup gitsem-de, bir gün
Ganat ýaýyp gelerin señ ýanyña.
Hem gaşyñda ýüzüm sallar otyryn
Düşünmän nämüçin aglaýanyña.
Bolmalysy şeýledir-dä, ejemiz
Ekläp-saklap, ýañy sana goşanda
Gitmek bilen boluberýäs, diýýäs-de:
Eje, men-ä ugramakçy, hoş onda.
Eglenjekdim entek seniñ ýanyñda
Kiselem aşykly, jübim şänikli.
Sen pikirem eden dälsiñ ogluña
Başga biri bolar öýdüp şärikli.
Bilýän, nirde bolsam-da men şu mekan
Hem mydam señ çirksiz mähriñ küýseler.
Ýöne, eje, aglamagyn iru-giç
Iller: Indi ol biziñki diýseler...
Batyr temany okap gözumden yash gaydanyny duymandyryn. Eje...eje...eje...
Free shol kinon adyny yazsana bizem gorelile....gyzyklanyan!
Oran onat Enemizi Ejemizi hormatlamaly olar bizin uchin kop ishleri yagshylyklary edendir biz olary gaytarmaly sylaglamaly!!!!
kab aga goshgynyz un kop sag bolung!
Ejeming yanyna gidesim gelyaaaaaa))
Kinon ady Uweys el Karni pygamber ashygy, TW de gordum
Sag bol Batyr paylasanyna minnetdar dost.
Günälermiz bagyşlaýar eneler
sebäp eneleriň ak süýtli döşi
köp-köp garalygyň günäsin
ötýär
şeýdibem kemelýär eneleň ýaşy
Ene balasyna buýurdy ýumuş
ol diýdi “özüň et oň ýaly işi”
ýandy Ene. emma ötdi günasin
kemeldi Enaniň ýene bir ýaşy.
“öýe wagtynda gel, giç gelme
balam”
ogly bolsa Enä çenedi daşyn
“wah nätsemkäm” emma
günäsin ötdi
Kemeldi Enaniň ýene bir ýaşy.
Ýigrimi ýaşyny doldurdy ogul
Gapak ýaly boldy tüýlije döşi
“indi ata bolduň adam bol
oglum!”
gysyldy, gysyldy Enäniň dişi.
Ene dişin gysdy otuziki gezek
her gezek gysanda gaçdy bir dişi
Enäniň her gaçan dişine derek
Ýaprak dek saralyp gaçdy bir
ýaşy.
Köp sag bol awtor paýla$anyñ ücin minnetdar.Haladym.
Ene yuregi, chaganyn okuwydyr..