Arassa ýürek.

Molla ýoldaş bolup bir çopan bile
Toýa ugranmyşlar, uzak bir oba
Gürrüñ bilen ýoluñ ýaryn geçende
Gabat gelenmişler bol suwly ýaba

Sowukdan gyrpawlap duranmyş suwy
Golaýda köprüsi görnenok onuñ
Çopan diýen “Nädip geçerkäk mundan
Mollam özüñ bir alajyn gör munuñ”

Molla oýnamakçy bolup çopany
Diýenmiş “Şumy señ gaýgedýän zadyñ
Üç gezek kulhollañ okada içden
Geçiber arkaýyn saklaman badyň”

Çopan ýüreginden ynanyp muña
Kulhollan üç gezek okanmyş ýatdan
Onsoñam ýöränmiş suwuñ üstünden
Aýagna öl degmän geçenmiş ýapdan

Diýenmiş bu waka geñ galyp çopan
“Nämä dursuñ mollam geçewer bäri
Toýa sary ýoly edeli dowam”
Molla bolsa otyr dyrmalap ýeri

Çopan diýenmişin “Bolawer mollam”
Molla bolsa ýapdan geçmäge derek
Diýenmiş çopana naýynjar bakyp
“Hany señki ýaly arassa ýürek.”

Senem suwly ýapdaky suwdan ýöräp gečip bilermiň? :)

Gečerinlaý(0%, 0 adam)

Gečip bolmaýar(60%, 3 adam)

Barlap góráýmesem(40%, 2 adam)