MySpace mugt gitdaý. Indi ol Justiniňki..

MySpace-iň öňki günlerini bilýänler bilýändir. O döwürler facebook ýokdy. Hemme kişiň MySpace sahypasy bardy. Ýeke-täk online/sosial/aýdym platformasy ýalydy. Hemmämiziň eý görýän sosial networkymyzdy. 2004-2005-nji ýyllarda gaty tiz depginde ösdi we 2005-nji ýylda News Corp. tarapyndan 580 mln. dollara satyn alyndy. Ine bir günem facebook çykdy we hemme zat üýtgedi..Facebook ýygy-ýygydan täzelikler girizdi, netijede MySpace we beýleki hemme sosial platformalary öldürdi. Indi fan sahypalary MySpace ýaly hyzmat edýäni üçin aýdymçylar we olaň fanlary facebookda gezip başladylar. Üstesine-de twitter çykdy welin MySpace ýatdan çykyp gitdi. 


Mundan 6 ýyl öň MySpace-i 580 mln. dollara alan News Corp. MySpacede 2010-njy ýylda 156 mln. dollar zyýana galdy. Firmadan soňky iki ýylda ýüzlerçe işgär işden boşadyldy. News Corp. bolsa iň soňunda MySpace-i mugt diýen ýaly satdy: 35 mln. dollar! Iýul aýynda geçirilen satyşda MySpace-iň täze eýeleri Amerikaly reklama firmasy Specific Media hem-de Justin Timberlake boldy.1999-njy ýylda gurulan we reklama sektoryna getirýän täzelikleri bilen üns çekýän Specific Medianyň 3 şärigi, doganlar, MySpace-i täze programmalar bilen täzeläp öňki meşhurlygyna ýetirjekdiklerini aýdýarlar. Justin Timberlake bolsa: "Fanlara online bolup halaýan aýdymçylary bilen habarlaşyp boljak, aýdym diňläp boljak, video görüp boljak, paýlaşyp boljak we iň täze habarlary eşidip boljak ýer gerek.. MySpace-iň täzeden janlandyrylmagyna goşant goşjagym üçin begenjimiň çägi ýok. Aýdymçylary we fanlary täzeden bir ýere toplarys" diýdi.