Huday hem ynsan

Hudaý hem ynsan

Adam pyşyrdap: "Eý Hudaý, meniň bilen gürleşsene!" diýipdir.

Ýaýlanyň gülleri läle kakypdyr.
Emma adam eşitmändir... Soňra ol sesinde baryny edip gygyrypdyr: "Hudaý jan, meniň bilen gürleşäý-dä!"
Asmanda gök gýrläp, ýyldyrym çakypdyr. Emma adam eşitmändir...
Adam daş-töweregine göz aýlap: "Eý, Biribar, maňa Özüňi görkezäý-dä!" diýipdir.
Ýyldyzlar ýagty şugla saçypdyrlar... Emma adam görmändir...
Soňra ol ýene gygyrypdyr: "Eý, Biribar, maňa bir gudrat görkez"

Bahar pasly barlyga täzeden jan beripdir. Ýöne adam muny aňmandyr.
Soňra ol oturyp lapykeç halda aglap başlapdyr: "Ýa, Ýaradan, meniň egnimden galdyraý-da, ýanymdadygyňy maňa duýduraý-da!"
Şondan soň Gudraty Güýçli adamyň egninden götermek üçin Zemine iniňdir!
Emma adam elini galgadyp, egnine gonan kebelejigi kowupdyr-da, ýoly bilen boluberipdir...