Ogrynyň ogly (türkmen halk ertekisi)
Bir bar eken, bir ýok
eken, gadym-gadym zamanda bir ogry bar eken. Onuň hem on ýaşynda bir ogly bar
eken. Ol ogry bir gün goýun ogurlap gelipdir-de, ony öldürmäge durupdyr. Şol
wagt ogrynyň ogly goýnuň bir böwregini ogurlapdyr. Kakasy oňa:
— Hany goýnuň bir
böwregi? — diýipdir. Onda oglan:
— Näbileýin, kaka, goýnuň
ýeke böwrekdir-dä — diýipdir.
Kakasy ogluny urupdyr, horlapdyr. Oglan
böwregi ogurlanyny boýun almandyr. Ogry bir gün ogluny yzyna tirkäp, patyşanyň gaznasyny
talamaga gidipdir. Tamyň depesini deşip, ogluny jaýyň içine sallapdyr we tamdaky
altynlary sallan torbasyna salyp, goýbermegi ogluna buýrupdyr. Şeýdip, ogry altyndan ýagşy ýüküni tutandan
soň, ogluny ýokaryk çekipdir.
Oglan ýarpy ýoluna ýetiberende, kakasy oňa:
— Hany goýnuň bir
böwregi? — diýipdir. Onda oglan:
— Näbileýin, kaka, goýnuň
ýeke böwrekdir-dä — diýipdir.
— Eger böwregi ogurlanyňy
boýnuňa almasaň, seni şu tamyň içinde taşlap giderin — diýipdir, emma oglan
kes-kelläm boýun almandyr.
Oglan böwregi ogurlanyny boýnuna almanyndan soň, kakasy ogluny tamyň
içinde taşlap gidipdir.
Arhiwiň ýagdaýy
● Doly tekst
● 9/9 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 14 noýabr 2011 ý. · Asyl sahypany gör ↗
Teswirler 9
Ertir tursalar, patyşanyň
gaznasy urlupdyr.
Gaznanyň içinde bir oglan bar. Ol oglany patyşanyň ýanyna eltip, sorag edipdirler.
Patyşa oglandan:
— Gaznany kim äkitdi? —
diýip sorapdyr. Onda oglan:
— Meni getiren — diýip
jogap beripdir.
— Seni getiren kim? —
diýip, patyşa soranynda, oglan:
— Gaznany äkiden — diýip
jogap beripdir. Oglan mundan başga
hiç bir zady boýun alman, dymyp durupdyr.
Patyşa:
— Oglany dara çekmeli
diýip jellatlara buýruk beripdir. Märeke ýygnanypdyr. Oglany dardan asmak
üçin, ýüpi bokurdagyna salypdyrlar. Şol wagt oglanyň kakasy daşdan, märekäniň
içinden iki barmagyny görkezip, «Goýnuň böwregi ikidi» — diýip yşarat edipdir.
Onda oglan hem yşarat
bilen «Goýnuň ýeke böwrekdi» diýip, bir barmagyny galdyrypdyr.
Muny patyşa görüp:
— Oglany getiriň! —
diýipdir. Oglany patyşanyň ýanyna eltipdirler.
Patyşa oglanyň näme üçin
ýeke barmagyny galdyranyny sorapdyr. Onda oglan:
— Meniň bokurdagyma dar
agajynyň tanapy salnanda, şeýtan gelip, maňa:«Hudaý ikidir» diýdi. Men hem
«Hudaý ýekedir» diýip, bir barmagymy galdyryp jogap berdim — diýýär.
Bu sözleri patyşa eşidip,
oglany azat edipdir.
Şu wakadan soň, oglanyň atasy hem, oglan hem gaýdyp ogurlygyň gapdalynda
görünmändir.
dowamy barmyka!!!
tamam şu erteki
Dowamy bar eken-ä. Sagjabol gowy erteki eken.
Sagja bol gaty manyly, nusga alarlyk erteki.
Sagja bol gaty manyly, nusga alarlyk erteki.
Minnetdar paýlaşanyň üçin.
Minnetdar