Ýa Resul.

Janym gurban bolsun seniň ýoluňa,
Ady gözel, özi gözel, Muhammet.
Şefagat eýlesin kemter guluna,
Ady gözel, özi gözel, Muhammet.

Mümin bolanlaryň çohdur jefasy,
Ahyretde bolar, zowky-safasy.
On sekiz müň älemniň mustafasy,
Ady gözel, özi gözel, Muhammet.

Ýedi gat gökleri seýran eýleýen,
Kürsiň üstünde jöwlan eýleýen,
Magrajynda ymmatyny dileýen,
Ady gözel, özi gözel, Muhammet.

Dört çaryýar onuň gökçek ýarydyr,
Ony söýen günälerden bäridir.
On sekiz müň älemniň soltanydyr,
Ady gözel, özi gözel, Muhammet.

Sen hak pygambersiň, şeksiz, gümansyz,
Saňa uýmaýanlar gider imansyz.
Aşyk Ýunus neýlär dünýäni sensiz,
Ady gözel, özi gözel, Muhammet.

Ýunus Emre

Men ýörürem ýana-ýana,
Yşk boýady meni gana,
Ne akylam, ne diwana,
Gel, gör, meni yşk neýledi.

Kä öserem ýeller kibi,
Kä tozaram ýollar kibi,
Kä akaram siller kibi,
Gel, gör, meni yşk neýledi.

Akar suwlar deý çaglaryn,
Dertli jigerim daglaryn,
Halymy aňyban aglaryn,
Gel, gör, meni yşk neýledi.

Tut, elimden galdyr meni,
Ýa waslyňdan gandyr meni,
Kän aglatdyň, güldür meni,
Gel, gör, meni yşk neýledi.

Men ýörürem ilden-ile,
Şeýh soraram dilden-dile,
Ýat ilde halym kim bile?!
Gel, gör, meni yşk neýledi.

Mejnun oluban gezirem,
Ol Ýary düýşde görürem,
Oýanyp melul boluram,
Gel, gör, meni yşk neýledi.

Misgin Ýunus biçäreýem,
Başdan-aýaga ýaraýam,
Ýar ilinden awaraýam,
Gel, gör, meni yşk neýledi.

Ýunus Emre

Habybulla, seni istän,
Tapar kaýsy ýolda seni.
Wallah, görmäge muşdakdyr
Beg-de, han-da, gul-da seni!

Aşyklar gül ýüzi solar,
Müň gün aglan bir gün güler,
Bilbil senada arzuwlar
Täze gunça, gülde seni.

Ne göwher sen, ýok gymmatyň,
Jahany tutmuş hümmetiň,
Durmaz, ýat eder ummatyň
Dagda, düzde, çölde seni!

Erenler ýoluňny yzlar,
Derwüşler syryňny gizlär,
Maşryk, magryb - tamam gözlär
Barça - sagda, solda seni.

Döwlet, pelek bile döner,
Kimden uçar, kime gonar,
Görmese, aşyklar ýanar
Hepde, aýda, ýylda seni.

Biz hem ummatyň haslaryn
Ýat ederin, höweslärin,
Çagyryn, medet islärin
Ýagşy-ýaman halda seni

Magtymguly diýr, odum bar,
Arzym bar, Haka dadym bar,
Şepagatdan umydym bar -
Gyl köprüde dalda seni.

Köp sag boluň hemmäňize Magtymguly atmyzyň goşgularyny paýlaşanyňyz üçin

Men öz mowzugymdaky ses berlişikde Pyragyny goýmadygymyň sebäbi Magtymguly bilen hiç bir şahyry deňeşdirip bolmaz

👍

sag boluñ!ajaýyp.TÜRKMEN DANALARYNYÑ DÜR DÄNELERI...

Magtymgulynyñ köp gosgylaryny yerlesdiripsiñ. Sagja bol.

Köňlüm istär, gezsem dünýä-älemi,
Ganatym ýok, uça bilmen, neýläýin!
Okyr men, görer men barça kelamy,
Manysyny saça bilmen, neýläýin!

...diýip, ýaşan wagtynda açylmadyk sandyk bolup ötägitdi. Zaman ony mamla çykarsa-da, biz oňa wepasyzlyk edip oňa düşünip bilmedik, düşünjek bolmadyk. Onuň öňe sürýän pelsepesine ynanmadyk we ony edebiýat ussady hökmünde ele aldyk. Şeýlelikde, ol beýik alym, asrynyň ussady däl-de beýik şahyr hökmünde tanaldy we bilindi. Ony tanamak üçin entegem giç däl. Her setirini okap oňa baha bermek däl-de her setirinde öňe sürýän pikirine düşünmänä çalyşmak ähmiýetli.. 

@Miras aga, men goshgyny okap bashlanymdan möwlitmikä diýdim, ýöne bir tarapdan möwlit okan ýalam boldum.

Allah razy bolsun agamjan.

Ýa Resul, Ýa Resul, Ýa Resul, Ýa Resul, Ýa Resul ishwagne ýewmennür.

owup berenden,urup ber! indi owjek dal.

Sag bolun paylasanynyza bu ajap gosgulary.

Minnetdar.

Kemaly hormat bilen egilyan
Bismark

manyly setirler.

Ýakynlarda ýalňyşmaýan bolsam Türkmenistan gazetinde Magtumguly Atamyzyň öň mälim bolmadyk we hiç ýerde çap edilmedik goşgulary çap edildi. Goşgulary alymlarymyz Balkanabatly bir daýzanyň şahsy arhiwinden ýazyp alypdyrlar we ilkinji gezek çap edildi. Men öýdäki we işdäki gazetleri gözleýin, tapsam iň azyndan şol gazetleriň çap edilen gününi aýdaryn!!! Nesip bolsa komputere hem geçirjek!!!!

caspian:
Ýakynlarda ýalňyşmaýan bolsam Türkmenistan gazetinde Magtumguly Atamyzyň öň mälim bolmadyk we hiç ýerde çap edilmedik goşgulary çap edildi. Goşgulary alymlarymyz Balkanabatly bir daýzanyň şahsy arhiwinden ýazyp alypdyrlar we ilkinji gezek çap edildi. Men öýdäki we işdäki gazetleri gözleýin, tapsam iň azyndan şol gazetleriň çap edilen gününi aýdaryn!!! Nesip bolsa komputere hem geçirjek!!!!

Magtymguly Pyragynyň Täze Şygyrlary[1]
 
 
 
GÖKDENINMEÝÄR
 
Ýene perwaz etdi köňül guşun,gör!
Tanapyny tartyp gökden inmeýär.
Nesip çeker____________[2] bulanur,
Ýeňsesinden nala etsem dönmeýär.
 
Köňül uçdy diýip, janym ýandyryn,
Aldag ile mesgenine gondyryn,
Aýakalaryň oturgaja mündirin,
Men bilmezem bu nedendir goýmaýar.
 
Bar, okygyn Isa ile Merýemden,
Habar algyn aryplardan, her kimden,
Bir suw bardyr şirin bolar Zemzemden,
Ol ne suwdur içen kişi ganmaýar.
 
Bir hat bardyr ol Patmanyň saçynda ,
Okudarlar halky Taňry seçende,
Bir ot bardyr aşyklaryň içinde,
Ol bir otdyr, bu otlardek ýanmaýar.
 
Magtumguly diýer uçmah şährinden,
Ne agaçdyr hiç kim ýolmaz baryndan,
Ne küfürdir paralanar gahryndan
Ot-ýalyn çabrynyp hergiz sönmeýär.

USSADYM
 
Arzy-hal etmäge çykmyşam öýden,
Düýn öýlän çykmyşam ýola ussadym.
Gitmegil diýdiler ede bilmedim,
Hangeldi sopudyr bile ussadym.
 
Köňül gamgyn gördijegiň –garypdyr,
Her kim munuň syryn bilse arypdyr,
Dogry diýe bilmen ýüzüň şeripdir,
Sözleşeli kagyz ile ussadym.
 
Ussadym, sen habar algyn halymdan,
Terhos etme, meni goýma ýolumdan
İmdat olsa erenlerden, Möwlimden,
Wada bolsun gelen bilen, ussadym.
 
Göwräňe geňeşme jismim çyragy,
Köňül uçar, bilmez ýawyk-yragy,
Töwekgel et,ýada salma pyragy,
Rehim etgil, garyp gula, ussadym.
 
Magtynguly diýer Subhanym Oldyr,
Daýanjym Biribar, Soltanym Oldur,
Horasan-Yspyhan on günlük ýoldur,
Ruhsat bergil, güle –güle, ussadym.

MAR BIZI
 
Mesgen tutmuş gençhananyň agzynda,
Genje girer olsam goýmaz mar bizi.
Gözüm galdy ýaryň giden yzynda,
Neçün beýle terk eýledi ýar bizi.
 
Sopy özün nadan ile goşmasyn,
Her görenýerinden ýol diýip aşmasyn,
Rowan etsin göz ýaşynyň çeşmesin,
Öldüripdir heý-waý ile zar bizi.
 
Her kime el bermez yşkyň gämisi,
Münerin diýip, gark olupdyr kimisi,
Bu ýola girenler bilmez namysy,
Bu nedendir hemdem bolmuş ar bizi
 
Jiger-bagrym gan bolupdyr, gülgün dek,
Ýakalarym ýüp kesipdir Zanun[3] dek,
Ezel günden ýaradalym Mejnun dek,
Asa bilmez Mansur kimin dar bizi.
 
Saky pyýalasyn içdire bilmez,
Meyhana gapysyn açdyra bilmez,
Yşk ody gaýnadar joşdura bilmez,
Ýaka bilmez Ybraýym dek nar bizi.
 
Harun Reşit kimin herýan ýüwürdim,
Birniçe memleket başyn öwürdim,
Dostuň özün kowup duşman çagyrdym,
İmdi bu gün eder boldy har bizi.

Çarhy-mugammer[4] dek döwrana kylsam,
Derýalar möwç ursa, san joşa gelsem,
Magtymguly diýer bezirgen olsam,
Gezdirse şol ýerlerde bir är bizi.
 
SAGLYK BILEN
 
Namaz okap, roza tutgun,
Bu dünýäde saglyk bilen!
Her dem öter, şükrün bilgin
Jan bersin, ryzalyk bilen!
 
Lut kowmy ýamanlyk etdi,
Jähennem girdabna gitdi,
_____________________
____________________[5]

Ýunusy balyk ýuwutdy,
Kyrk gün balyk içre ýatdy,
Şonda Haka tagat etdi
“Hüw” diýdi bir balyk bilen.
 
Hak emrinden merdut boldy,
Towky-lagnat boýnuna ildi,
Görüň, Azazyl näm boldy-
Şunça bir mollalyk bilen.
 
Magtymguly dogry ýörgün,
Ölinçäň Haka ýalbargyn.
Bir güýçli pire gol bergin,
Ömr ötdi gümralyk bilen.

[1] Magtymguly Atamyzyň täze şygyrlary Balkanabat şäheriniň ýaşaýjysy Nyýazmyradowa Hajybiri daýza we Lebap welaýatynyň Atamurat etrabynyňýaşaýjysy Annamyrat Gündogdyýewiň golýazmalaryndan ýazylyp alnypdyr. Seret. Rahmanberdi Godarow, Türkmenistan Gazeti 05.07.2011. sh.4

[2] Golýazmanyň hatynyň zaýalanmagy sebäpli bir sözü okap bolmady.

[3] Isa pygamberden soň tä Muhammet pygamberiň döwrüne çenli Şamda höküm süren gadymy Rum patyşalyklaryna degişli patyşanyň biri. Ol Lawyndan söň Intasdan öň patyşa bolup on sekiz ýyl höküm sürüpdir.

[4] Garry pelek, köne dünýä.

[5] Golýazmada bu bendiň iki setiri ýok

caspian täze goşgular üçin Taňryýalkasyn. Ol gazetde başga-da maglumatlar barmyk-a?