Eý, zir-zibiller, baryň, öýňüze dargaň!
-
Aýyr eliñi,
Eliñi aýyr!
Aýyr eliñi,
Eliñi aýyr!
Gysymlama bu dünýäni,
Gysymña sygmaz barybir!
Gapyl adam, gel unutma,
Togalak ahyr bu Ýer!
Aýyr eliñ, gysymlama,
Sypar eliñden barybir!
Ýer sermeme, tur, ýapyşma,
Tur sen ör boýuña, dik dur!
Öz boýuñy boýnuña al.
Öz sesiñi boýnuña al.
Mys-mys gülme,
Gül jak-jaklap!
Gysymlama bu dünýäni,
Ýaşa
Dünýäni
Gujaklap! - Erkek kişi diýmek,
Bu diñe,
Aýal göreñde,
Gaty begenmek
Däldir bu.
Däldir ol,
Agyr ýüki gerdenñe
Alyp, bazardan
Öýüñe gaýtmak.
Erkek kişi diýip,
Añmañ siz jynsy,
Erkek kişi diýmek –
Erkiñ eýesi.
Erkek kişi diýmek –
Söweş werzişi.
Geljegine tarap
Omzadyp döşi,
Ömür pursatynda
Taryha garap,
Maksady ugrunda
Goýar bu başy.
Erkek kişi diýmek –
Bir aşyk oglan.
Magşugy – azatlyk,
Ugrunda girýan.
Ol öz magşugyna
Uzadyp goly,
Ýetmese-de, dymyp utar ykbaly.
Namartlara geñdir merdiñ ölüşi.
Onsoñ hem
Erkek kişi
Tutup hak işi,
Ölmez-ýitmezdir.
Jeñde wepat bolmak
Däldir ýeñilmek.
Gerek ýene bize
Hut şuny bilmek.
Erkek kişi diýmek,
Köpüñ biridir,
Özi wepat bolsa,
Maksat diridir.
Al ýene sen şuny üns merkeze,
Erkek kişi diýmek –
Geçmişiñ ogly,
Geljegiñ atasy,
Kesgitläp ýoly,
Öz nesline goýup gider ykbaly.
Bu ýol ýürek bilen akyl ýoludyr,
Bu ýol adalat hem hakyñ ýoludyr.
Onuñ her ädimi jeñden doludyr,
Bu ýoluñ hasratdan buýsanjy kändir,
Onuñ barjak ýeri adyl dünýädir.
Erkek kişi diýmek,
Dymmaklyk däldir.
Erkek kişi diýmek,
Tijäp akyl-huşy,
Galkynyp hem silkip
Buýsançly başy,
Dowam etmek miras galan söweşi.
Arlap, ýoldaşlaryn öñe äkider,
Ýaldyrap görnende maksadyñ başy,
Oña parlap duran baýdagyn diker.
Erkek kişi diýmek – Adalat diýmek.
Adalat onuñ – jany-jigeri,
Adalat onuñ – emer-damary,
Ýüregi, kellesi, sesi, duýgusy.
Adalat onuñ tutuş hemmesi.
Adalat onuñ,
Maýmynlykdan bäri
Ýeten pellesi.
Adalat Gündür,
Gözün açana
Düşer şöhlesi,
Güne ýaranlaryñ – kişi hemmesi.
Adalat – bu adamzadyñ namysy,
Adalat bu – adamzadyñ manysy,
Muña gurbanlaryñ – kişi hemmesi.
Erkek kişi diýmek – Dünýäñ atasy.
Sanasañ sogapsyz – kän aladasy.
Bir aýagy otda, biri buzdadyr.
Goja dünýä, juwan dünýä uzdadyr.
Dünýä güle meñzär,
Oñ emri bilen,
Ol muny gazanar
Öz ömri bilen.
Erkek kişi diýmek –
Aýdymçy diýmek.
Aýdym bilen basar dünýäñ gohuny.
Erkek kişi diýmek –
Bir ýolagçydyr,
Aýaklaryñ özi çykar ýollara.
Erkek kişi syrdyr
Erkek dällere. - Göze çakyrym ýagty,
Bar sen, bilýäñmi nirä!
Sen eý, orramsyñ bagty,
Bar sen, bilýäñmi nirä!
Elin owkalap duran,
Bar sen, bilýäñmi nirä!
Eý, takal okap duran,
Bar sen, bilýäñmi nirä!
Sen eý, iki göwünli,
Bar sen, bilýäñmi nirä!
Araçy gyzda-gyzda,
Bar sen, bilýäñmi nirä!
Messepsiz wenezzyna,
Bar sen, bilýäñmi nirä!
Hapalap geçelgäni,
Aýaga ilip durmañ,
Eý, zir-zibiller, hany,
Baryñ, öýñüze dargañ!
Awtory Bapba Gökleň.
Arhiwiň ýagdaýy
● Doly tekst
● 37/37 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 14 noýabr 2011 ý. · Asyl sahypany gör ↗
Teswirler 37
Halaly muny
Togalak ahyr bu Ýer!
Her gezek şu setiri okan wagtym Dildar agzaň goly ýadyma düşýär, ýa-da tersine, Dildaryň goluny okamda şu setir ýadyma düşýär.
Sag bol kab Kimaý ol bapba
Bapba Goklenin bu goshgusyny okamazdan men golumy goyupdym. Aydylmadyk sozi aytdymmykam diyyan welin,yene-de aydylan eken,Diymek bize aydara soz galmandyr... Hat-da hoshada galmandyr. Natsekkak Kab?
Bapba Gökleň talantly, prinsipial türkmen şahyry. 20 ýyl mundan ozal ýogaldy.
Etjek alajyň ýok, diňe aýdylmadyk zat gözlemeli!
Aýdylmadyk zat ýok diýýärler welin, şol çynmyka? Belki, aýdylmadyk zat bardyr we aýdyp bilýän ýokdur.
oratorlyk sungatym bolan bolsady goshgyny gygyryp bazarda okardym (bolsady bir ekela)
Aydyp bilyan bardyr,aydyp bilyan yokdur.(Bapba Goklenin aheninde)
Hoşa çöpleýän Seýdidmaý bu wagda çenli gutarandyrlaý Gözel Şagulyýewa dagam zat tapybilmän ýörlerä
ehhh.... gorkaklay adamlaryn barysy... hich zatdan gorkamok, dine Hudaydan gorkyan diyen bolyalar, shonda-da biz gorkak... dunya dursun, gorkaklyk dursun... goshgyny haladym, bapba dayynam haladym, bu blogam haladym, teswirlerem haladym, kab dayynam haladym, dildar dayzanam haladym..... hemmezat govy, po planu
halanlarin arasina meni goshmagy unudypsyna 🙂)
gowy gosgy eken sonky dowur gyzlan yazyan mowzuklaryna azajyk jogap bolar😆
Incredible diyen nikin gapdalynda 'haladym' duwmesi yok eken
Sagbok kab dost,haladyma basam bash sahypa cykjak eken basaýyn onda
haladym sps paylashanynyz u.n
hz.Adam'a (a.s.) hemme isimler owredilipdir tohum ekilipdir. hz.Muhammed (s.a.v.) wagtynda bu tohum bir agach bolypdyr we miywesini berip bashlady. Beyan mujizesi Gurhan geldi. Indi dine tefsir edilya. Aydylmadyk soz galmady sozlerin manysy babatda aydylan. Yagny adamzadyn bu dunyade bilmegi hokman bolan hakykatlar ona owredildi aydyldy. Hakykat, shahadat ylmyna degishli manylar sozler bilen aydyldy. Gayp ylmy bolsa hemma nesip bolanok we hokmanam dal.
Meni pikirim dogrysyny dine Allah bilya
Erkeklen Gimni! Baaah,barow her dowur adalat we erkekligi beydip owadan ,durdane yazyp biljek shahyrlar!
Kab,berekella! Gayrat etde biografiyasyny hem yaz Bapbyn
Aýdylan zat köpdür,aýdylmadyk zat ondanam köpdür.
Shonuñ ücin pikirlenip kelde döwüp gözläbermeli
HALK ÝADY
Il içinde bir bendäñ
Eline çemçe ýetdi.
Eli çemçe tutmaga
Eglenmedi, çem etdi.
Agzy-ha üfledi,
Jübüsi ýuwtdy.
Üfläp-çüflemäge
Ýurt çemli ýurtdy.
Ili az diñledi,
Suwhan okady.
Ýok, birden azmady,
Tapdy nokady...
Iki maşyn münýär,
Ýaşaýar sergin,
Meñzemeýär müýnlä,
Günleri gurgun.
Özün ilden çola,
Çekdi gyraga,
Adamlar öwrüldi
Garamaýaga.
Çendan ýoly düşüp,
Barsa märekä,
Diýdi il üşerlip:
«Tanyş däl. Kimkä?»
Atyn ýeke çapdy,
Ters ýoly tutdy,
Onsoñ ilem onuñ
Adyn unutdy.
BAPBA GOKLEŇ