Omar Haýýamyň rubagylaryndan täze terjimeler

kab· · 293 gezek okaldy· halanan: 9teswirler.com

Adam öz döşüne kakyp, men diýer,
Jübüsinde teňňe böküp, men diýer,
Ind-ä bar işlermi düzeltdim diýse,
Ölümem bir ýerden çykyp, men diýer.

*    *    
Dünýe düzüw däl diýip, galmagyn derde,
Aglap, ölüm sözün göterme serde,
Doldur pyýalany gülgün şerapdan
Ak göwüs gözele göwnüňi ber-de.

     *    
Eger erkim bolsa pany jahanda,
Dünýäni täzeden ýasardym onda,
Ýer ýüzünden ýok ederdim hasraty,
Bolardy şatlygyň başy asmanda.

     *    
Ýigitlik möwsümi ötüpdir eýýäm,
Bahar ýok, gyş gelip ýetipdir eýýäm,
Şatlygyň gözbaşy ýaşlyk atly guş,
Gelenin duýdurman gidipdir eýýäm.

     *    
Bir küýze meý bolsa, bir diwan bolsa,
Azajyk nan bolsa, hoş zaman bolsa,
Harabalyk hoşdur köşgi-saraýdan
Ýanymda mähriban bir jenan bolsa.

     *    
Eý, ýar, weýranada eýlesek nyýaz,
Hökman däldir bize ybadat, namaz,
Sensiň kyýamatym hem-de bu dünýäm,
Isle ýandyr meni, isle eýle näz.

     *     *
Läleler gögerden her lälezaryň,
Lälesi ganydyr bir şähriýaryň,
Toprakdan gögeren näzik melewşe
Halydyr bir gözel gyzyň - nigaryň.

Terjime eden Atamyrat Atabaýew.

Arhiwiň ýagdaýy

● Doly tekst

● 12/12 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 22 maý 2012 ý. · Asyl sahypany gör ↗

Teswirler 12

Gudrat 30 iýul 2011 ý. 17:47 +1

Bäh ikinji bentde Omar haýýam şerap içip zyna etmegi maslahay berýärmaý

kab 30 iýul 2011 ý. 17:48 +1
Gudrat:
Bäh ikinji bentde Omar haýýam şerap içip zyna etmegi maslahay berýärmaý


Göçme manysy bar bolaýmasyn?
Dowlet aga 30 iýul 2011 ý. 18:06 +1

2-nji, 5-nji bentlerini haladym! Bet!

turkmentalyp 30 iýul 2011 ý. 18:08 +1


Omar hayyam beyle yazyanam bolsa ony goldamayarmyka diyyan. Muny yazmak bilen belki oz dowrundki pali yaman adamlary suratlandyryan bolmagam mumkin.

kab 30 iýul 2011 ý. 18:12
turkmentalyp:

Omar hayyam beyle yazyanam bolsa ony goldamayarmyka diyyan. Muny yazmak bilen belki oz dowrundki pali yaman adamlary suratlandyryan bolmagam mumkin.

Omar Haýýam tarykat ylmyndan hem oňat baş çykarypdyr. Şoň üçin onuň rubagylaryna göni manysynda düşünmeklik nädogry netijä getirip biler.
turkmentalyp 30 iýul 2011 ý. 18:14 +1


tarykat ylmy name Kad?

winter 30 iýul 2011 ý. 18:17 +2

aslynda göni manyda düşünse-de bolar sebabi ol döwürde şerap içen zyna eden dinden çykyar diyen köp alym bolupdyr. men pikirimçe şolara garşy yazylanam bolup biler. sebabi şerap içen, zyna eden yene köp haram eden dine haram işlan adamdyr olary dinden çykdy diyip bolmaz.

kab 30 iýul 2011 ý. 18:32
turkmentalyp:

tarykat ylmy name Kad?


Tarykat - Şerigat bilen Hakykatyň arasyndaky sufizm. Hudaýy tanamagyň we oňa ýakynlaşmagyň bir ýoly. Tarykat birnäçe, ýalňyşmasam 11 sany makamdan ybarat bolmaly. Magtymguly, Mansur Hallaj, Nagyşbendi, Rumy ýaly akyldarlar Tarykatyň belli-belli makam derejelerine baryp ýetipdirler. Omar Haýýam hem şolaryň biri.
turkmentalyp 30 iýul 2011 ý. 18:36 +1


mena kan sufizmi kan halamok. ol kabir yerde dindenem chykaryan ygtykatlary getiryar. sopychylyk bolyarda. Sopy Allayar diyip bar ana ol dogry sopychylyk eden. kabir sopylar filosofiya yaly dini pelsepa owuryarler. bu howplyrak bir tarapdan. tarikat yalnyshmasan aapchada yol diymek oydyan

winter 30 iýul 2011 ý. 18:41 +1

 tarykat yol, sufiler-sopam şol yolun yolagçylary. olar haçanda çyndanam ylym üçin filosiya, din, astronomiya ,matematika ylymlary bilen meşgullanan wagtlary il güne peydalydylar. selçukly mysal getirilip bilner. emma sonlar ol biraz dargayar. sebabi hem bilim üçin dalde patyşalaryn serpaylary üçin işlap başlayalar, başga-da şol serpaylar üçin sopyçylk, alymlyk dinastiya yaly kakadan ogla geçip başlayar. bu bolsa bu onat ylym-bilim işinin sonuny getiryar.

Ya Swami 31 iýul 2011 ý. 02:57 +1

Sag bol kab !