Microsoft Office 2010 türkmençe dil toplumy çykdy
Microsoft Office 2010 türkmençe dil toplumy çykdy. Ol birnäçe Microsoft Office 2010 programmalary üçin türkmen ulanyjynyň interfeýsini üpjün edýär. Bu Windows-daky interfeýsleri türkmençeleşdirmek boýunça edilen iň täze we uly işleriň biri bolanlygy sebäpli, bu ýerde köp zat bize geň görünmegi mümkin. Ýöne geljekde onuň köpräk ulanylmagynyň türkmen ulanyjylary kompýutere has ýakynlaşdyrjakdygyna ynanýarys. Windows-yň has ýaýran programmalar toplumy bolanlygy sebäpli, bu interfeýsiň türkmenleriň arasynda belli adalgalaryň ülňüleşmegine alyp barar diýip garaşýarys. Bir tarapdan, bu toplum köp kompýuter adalgalarynyň türkmençesiniň ulanylmaga başlamagyna üpjün eder. Beýleki tarapdan şu toplum öz içindäki käbir meýilleri hem, olaryň türkmen diliniň ýazuw kadalaryna gabat gelip, gelmeýänligine baglylykda köpçüligiň arasynda ornaşdyrar.
Bularyň arasynda käbirlerini mysal görkezmek bolar:
Programma Üpjünçiligi gerekli - bu rus dilinden "programmnoye obespeçeniýe" diýen sözüň terjimesinden alnandyr. Türkmen dilinde "software" sözüniň terjimesi hökmünde ulanylypdyr.
Şu wagtda gurnalan Office 2010 programmalary tarapyndan ulanylan gaty disk giňişligine goşmaça ygtyýarly gaty disk giňişliginiň 20 megabaýty (MB) gereklidir. Bu ýerde "currently installed Office 2010 applications" diýen ýaly jümle, "şu wagtda gurnalan" diýip terjime edilene meňzeýär.
Görkezme kömegiňizi gaçyp galýan sanawynda hemişe esasy dile guruň. - Bu ýerdäki "gaçyp galýan sanawy" diýilýän zat nämekä diýip pikir edýän bolsaňyz, biziň pikirimizçe bu programmistleriň arasynda "dropdown combobox, dropdown menu, dropdown listbox" ýaly açylýan närsä aýdylýan bolmaly.
Şeýle käbir sözler türkmen ulanyjylary üçin birbada del görnüp biler. Emma umuman Maýkrosoft kompaniýasynyň terjimeler bölümini we türkmen diliniň ulanyjylaryny bu edilen iş bilen gutlaýarys. Geljekde ähli Maýkrosoft önümleriniň türkmen dilinde hem çykarylmagyny arzuw edýäris.
Ady agzalan dil araýüzüniň toplumyna şu salgydan girip bilersiňiz:
Arhiwiň ýagdaýy
● Doly tekst
● 18/18 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 7 noýabr 2011 ý. · Asyl sahypany gör ↗
Teswirler 18
Salgy ýoga?
Menä öz ene dilimi söýýän we türkmenligime yza galagrak hem bolsam buýsanýan.
Habaryňa sag bol begendim ony biz haçan ulanyp bileris
shuny gör hany
Windows 8-i hem türkmen dilinde çykarsalar...
Bu gowy habar yöne hemme zady öz dilimize öwürmekde kan gowy dal herzady öz dilinde ulanylmasy gowy diyip düşünyan. meselem men nemis dilini bilyan bolsam yenede inlis dilinde ulanaryn.
Bu garşydan ýüklemäni
gurnamak üçin:
1. LanguageInterfacePack.exe
faýly Garşydan ýükle
düwmesine (ýokary) basyp we
gaty diskiňize faýly ýatda saklap
garşydan ýükläň.
2. Gurnaýjy programmasyny
başlamak üçin gaty diskiňizdäki
LanguageInterfacePack.exe
programma faýla goşa basyň.
3. Gurnamany tamamlamak üçin
ekrandaky instruksiýalara
eýeriň.
4. Gurnalandan soň Microsoft
Office 2010 Dil Interfeýs
Bukjaňyz üçin readme faýl C:
\Program Files\Common Files
\microsoft shared\OFFICE14\LCID
\LIPread.htm ýerleşişde tapylyp
bilner
5. Office 2007 Dil Interfeýs Bukjasy
bilen Office 2007-niň, ýa-da öňki
wersiýasynyň Office 2010-na,
Office 2010 Dil Interfeýs Bukjasy
bilen täzelendirilmegi
goldanmaýar. Office 2010 Dil
Interfeýs Bukjasy bilen Office
2007 esasy gurnamaňyzy, Office
2010-na täzelemek isleýän
bolsaňyz şuny ediň:
Office 2007 Language Interface
Pack gurnalyşdan aýyryň
Office 2010 gurnaýjysyny
işlediň we täzelenme opsiýasyny
saýlaň.
Office 2010 gurnaýjysy
tamamlananda, Office 2010
Language Interface Pack gurnaň
we sazlaň
we bunyn üçin maya goyum goymak yada wagt harjamak dogry pikirmika
İNSERT, VİEW diyip duram yerlerde GİRİZ, GÖRNÜŞİ diyip durarmy?
sen pikirinçe gowymy.
entak ulanyp gormedim
barmay ulanyp goren arañyzda?
Ilki bashda ulanylan terminler gulkuncrak gelsede sheyle edilmesi gaty dogry, ulanyldygycha oturar dlimize, ruslarda vydelenie termini, turklerde yapistir yaly sozleri olarada bashda gaty gulkunc gelen bolup biler, yone indi kompyuter terminologiyasyna girdi name diyilsede.
Bu gaty gowy täzelik.
Islendik dilde-de ilkibaşda gülkünç görünýär (şol sanda ene dili iňlis dili bolanlar üçin bu programmalaryň iňlisçe wersiýalary), ýöne soňlugy b/n öwrenşilýär.
Allajan, şular ýaly täzelikleriň höwri köp bolsun!
Dilimiziň mundan beýlägem ösmegini arzuwlaýaryn!
Onda-da owrenshen adama ruscha, inlische versiyasy amatly dushermika diyan chem turkmenche versiyasyndan
Her zat bolsoda,minnetdar,znaçit bizem sürä goşulýas!
Turkmenlerden kim ishleyar Microsoftda? Shu terjima kim komek edyar ?
Google gelnejäniň edişi ýaly, Maýkrosoft hem programmalaryny türkmen dilini geçirmekde online kömek etmäge mümkinçilik döretse, onuň türkmençeleşdirme işi has çaltlaşarmyka diýýän. Özümem wagt boldugyndan terjime edişerdim.
Iňlisçe, rusça hem öwrenişenimizden soň amatly bolupdy. Türkmençä hem gaty çalt öwrenişjegimize şübhelenemak.