Her gün irden sizden islenýän 8 zady bilýädiňizmi?

     Bilşimiz ýaly, Ymam Şafii Hezretleri 204-de Müsürde 54 ýaşynda aradan çykan beýik alymlardandyr. Ol adaty günlerde bolşy ýaly ýene-de ertir namazyndan soň çuň oýa batyp öýüne tarap barýarka, ýolda bir adam bilen gabatlaşýar, ol adam:
-“Eý Ymam Hezretleri, siz çuň oýa batypsyňyz, ýa-da bir derdiňiz barmy?” diýip soraýar. Hezreti Ymam:-Her gün irden menden islenýänler hakda pikir edýän. Şonuň üçin aladaly ýöräp barýan, diýýärAdamyň has hem bilesi gelip:
-Her gün irden sizden nämeler islenýänler-kä? Nämeler hakda beýle çuň oýa batýaňyz?-Her gün irden güne täze başlanymda menden şu sekiz zat islenýändir diyip pikir edýän, diýen Hezreti Ymam sanamana başlapdyr, her gün irden islenilýän sekiz zady:
1. Rebbim menden parzlaryny isleýär.
2. Pygamberimiz (S.A.W) menden sünnetlerini isleýär.
3. Nebsim we Şeýtanym hem menden olara uýmagymy isleýär.
4. İmanym we aklym menden Rebbimiň buýruklaryna boýun bolmagymy isleýär. 
5. Maşgalam we çagalarym menden halal rysgal isleýär. 
6. Dowamly amalymy ýazyan perişdeler hem sogap ýazdyrmagymy isleýärler
7. Her täze dogan gün ýene bir gün garranymy ýatlamagymy isleýär
8. Her gün irden Ezraýyl hem özüne ýene bir gün ýakynlaşýanymy pikir etmegimi isleýär.
Hezreti Ymam: 
- Ynha diýýär, her gün irden bu islegler hakda pikir edip ýöreýän bu ýollarda. Oýa batmagymyň sebäbi şu islegler.
-Eý Ymam diýýär, bular diňe saňa soralýarmy ýa-da maňa-da soralýarmy her gün irden? 
Hezreti Ymam ýylgyryp şeýle jogap berýär:
- Menem özüme her gün irden bu soraglaryň soralýanyna göz ýetirdim, belki saňa-da soralýandyr. Eger isleseň kelläňi gereksiz meselelerden arassalap senem pikirlenip gör! Adam bir pasyl pikirlenip, soň köp wagt geçmänkä kellesini ýaýkap jogap berýär:
- Hawa ymam, bu soraglar dineje sana däl maňa-da, hatda her gün irden her kişä soralýan soraglar ekeni. Bu möhüm soraglaryň her gün irden maňa-da soralýandygyny ýatladanyň üçin köp sag bol. Megerem biz nähili gaflat içinde gezip ýörer ekenik ýolumyzda-da habarymyz ýok ekeni.

NOT: terjime eden Bella