Dokma dogan gyzlarymyz nirede?!

Üýşüp gyzlar bolup dokma dokardyk,
Gijelerne ýumak, sargy sarardyk.
Ertesi gün keçe basmaga ýarardyk,
Dokma dokan gyzlarymyz nirede?!

Indi goñşy goñşusyny tananok,
Garrylaram goñşy õýe baranok.
Serial çykýar şoñ öñünden turanok,
Goñşa barýan daýzalarmyz nirede?!

Doganlarñam iki-üç aýda görülýär,
Hal-ýagdaýam telefonda soralýar.
Toý-tomaşa edilende barylýar,
Gadyrdanym dogan-gardaş nirede?!

Gelin-gyzlañ pikiri köýnek, ýaglykda,
Ýüz gramlyk boýna ýüzlük bilekde.
Hemme kişiñ gözi diñe baýlykda,
Sada, gelin - gyzlarymyz nirede?!

Planyñ öýnüñ boýy üç-segsen,
Biziñkem şeýle bor iki-üç daş goýsañ.
Atamyñ öýüne giderin ýogsam,
Güne kaýyl gelinlermiz nirede?!

Ýigitlermiz öýlerinde ýatanok,
Ýola gitmeseler dañy atanok.
Çagajyklar dädelerni tananok,
Öýden örýän ýigitlermiz nirede?!

Gyzlaryñ-gelinleñ saçlary ala,
Bir gün gyzyla boýar, bir günem sara.
Garagöz, garagaş söýdüren ýara,
Gara saçly gelin-gyzlar nirede?!

Mugt içerdik goñşyñ agaran-gorun,
Özi iýmän goñşa dadyr tagamyn.
Atasy öýden satyn alýarys çalyn,
Goñşa gatnan okaramyz nirede?!

Üç aýlygmyz mamalarda geçerdi,
Gelin daýza gujak açyp guçardy.
Herimize ölçäp köýnek biçerdi,
Gujak açýan gelin daýza nirede?!

Naçar aýal doganyny eý gören,
Gyssananda baryn, ýoguny beren.
Atañ ýoklugyny bildirmän duran,
Arkañ dagy erkek dogan nirede?!

Ejize dost bolan,mätäje ýaran,
Ýetime hem syrdaş, halyny soran.
Sadaka, zekady ýürekden beren,
Şükürli el açyk baýlar nirede?!

Baýlygam, begligem synagdyr munda,
Garyplyk, horlugam synagdyr munda.
Äkitjegiñ diñe imandyr munda,
Baýlygyny alyp giden nirede?!

Tursañ derrew gybatyñy etýäler,
Baýlaryñ toý-ýaslaryna gidýäler.
Pullynyñ adyny aýra tutýalar,
Bir-birege, gadyr-hormat nirede?!

Kitaby köp oka bolarsyñ dana,
Okan zatlaryñy ýazyp goý aña.
Minnetdar men akyl beren Kyblama,
Arkadagym Kyblam atam nirede?!

Ýazsañ gutaranok kemçiligimiz,
Sylagda, hormatda kiçiligimiz.
Öwredeliñ adamlar türkmençiligmiz,
Maslahatçy Ýaşulularmyz nirede?!

Çagalykdan boldy, ýoldaşym kitap,
Hem dostum, hem höwrüm, syrdaşym kitap.
Ýazsam kyrk dil ömrüm durmuşym kitap,
Kitap okan pikirdeşler nirede?!

#awtory näbelli