Çilimiň bahasy ýene 50% gymmatlady...
15-nji iýuldan Türkmenistanda çilimleriň bahasy ýene-de 50% ýokary galdy. Soňky iki aýyň dowamynda ýurtda çilimleriň bahasynyň yzygiderli galdyrylmagy çilimkeşleriň lapyny keç edýär.
Şu ýylyň maýynda Türkmenistanyň Bütindünýä Saglygy goraýyş guramasynyň (BSG) «Temmäkä garşygöreşmegiň» çarçuwaly Konwensiýasyna resmi taýdan birikmeginiň netijesinde ýurtda temmäki önümleriniň bahasy ýokary galdyrylyp başlandy.
Dünýäniň 173 döwleti tarapyndan ratifikasiýalaşdyrylan BSG-niň «Temmäkä garşygöreşmegiň» çarçuwaly Konwensiýasy adamlaryň temmäki önümlerine bolan isleglerini azaltmagy maksat edinýär. Konwensiýanyň 6-njy maddasynda beýan edilişine görä, temmäki önümlerine salgyt we nyrh babatda çäreleri görmeklik ilat arasynda çilime bolan islegiň kemelmegine ep-esli derejede täsir edýär diýlip bellenilendir.
Türkmenistanda çilimleriň bahasy maý aýynyň ortalarynda 50%, 1-nji iýulda ýene 50%, 15-nji iýuldan hem ýene-de 50% ýokary galdyryldy. Häzirki wagtda Türkmenistanda iň arzan çilimiň bahasy 2,5 amerikan dollaryna barabar bolsa, onuň ortaça bahasy 3,5 amerikan dollaryna baryp ýetdi.
Günsaýyn üýtgeýär
Türkmenistanda çilimler, esasan, hususyýetçileriň kommersiýa dükanjyklarynda, kiçijik budkajyklarynda satylýar. Temmäki önümleriniň bahasynyň ýakyn geljekde ýene ýokarlanjakdygy baradaky habardan çekinýän çilim söwdagärleri özlerinde bar bolan çilimleri satuwa çykarmakdan saklanýarlar.
Ozal islendik hususy dükanjyklardan çilimiň her dürli görnüşini satyn alyp bolan bolsa, indi çilim almak üçin belli dükanlara barmaly bolýar. Ol dükanlarda hem çilimiň bahasy günsaýyn üýtgäp dur.
Paýtagtyň hususy dükanlarynyň köpüsinde çilimiň ýitirim bolmagynda, spekulýantlaryň hem täsiribar. Olarýakyn geljekde temmäki önümleriniň ýene-de ýokary galjakdygyny göz öňünde tutup, bar bolan çilimleri lükgeligi bilen satyn alyp, satuwa çykarman saklaýarlar.
Çilim söwdasy bilen meşgullanýanlaryň käbiriniň habar bermegine görä, Türkmenistana hususy telekeçiler tarapyndan getirilen çilimler ýurduň gümrükhanasyndan geçirilmän saklanyp dur. Munuň hem sebäbi döwletiň täze gelip düşen temmäki önümlerine näçe mukdarda aksiz goýmaladygy barada heniz anyk netijä gelip bilmeýänligindendir.
Netije berýärmi?
Soňky iki aýyň dowamynda temmäki önümleriniň 3 gezek 50% ýokarlandyrylmagy ýurtda çilimkeşlige garşy göreşde garaşylýan netijäni berýändigini aýdyň görkezýär. Bir günde iki guty çilim çekýän çilimkeşler, temmäki önümleriniň juda gymmatlamagy sebäpli, çekýän çilimlerini üç-dört esse azaltmaly bolandyklaryny aýdýarlar.
Emma ýurtda çilimiň gymmatlamagy temmäki önümi bolan nasyň bahasynyň-da ýokary galmagyna täsirini ýetirdi. Nas taýýarlamak üçin temmäki Türkmenistanyň çäginde ösdürilip ýetişdirilýär. Ýöneýurtda nasy taýýarlamak, satmak we ony peýdalanmak kanun taýdan gadagandyr. Nas söwdasy bilen ele düşenler administratiw jogapkärçilige çekilýärler. Emma muňa garamazdan, nasy taýýarlamak we ony satmak ýitirim bolmaýar.
Ýerli habarçynyň maglumatlary esasynda taýýarlandy.
http://bit.ly/q1kr8F
Çilim çekýäňmi?
Hawa(22%, 14 adam)
Ýok(60%, 38 adam)
Taşladym.(11%, 7 adam)
Taşlamakçy, ýöne başaramok..(6%, 4 adam)
Arhiwiň ýagdaýy
● Doly tekst
● 94/94 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 94
Oglanlar nämow üýşüp zeýrenişip otyrsyňyz erkekbolyňdarow näme bolmajak zat barmaý. Hudaýa şükür özümä çekemok. Gulluga baramda çilim çekýän oglanlar 6 aýlap doly taşladylar soň ýene başlaýýalar. Oglanlar goý çilimiň gymmatlamagy Bähbit bolsun geliň üýşüp çilimi taşlalyň mugt bolsada hiç kim Almasynla şol tüssäni.
Çilimem Şeýtanyň bir hilesi. Gymmadam bolsa çekýän kän. Alla kuwwat bersin!
Kimiň hilesidigini bilemok welin, çilimi taşlamaga kyn dost.
saglyga zyyanly diysena dinleyan yok, sheydip PUL PUL PUL diysen tashlaymasalar. adam oz janynyn gadryn bilmese name diyip name aytjak.
in gowy endik suwdur. suw ichin arassa.
Çilimi ön arzan edip yaşlary zayalanlardan hasabat soramaly. Köp adam (şol sanda menem arasynda) çilimin wagtynda arzan bolanlygy sebapli başlady. Ön çilim konwertasiya esasynda TM giryar diyip eşidipdim. bir wagtlar 2000 yyllarynda yadynyza düşyan bolsa LM çilim köne puldan 5000 manatdy. dollaram hökümet bahadan 5000 töweregidi. bazarda bolsa 25000 manatdy. şon üçin oglanlar bloklap daşary yurda çilim daşayadylar.
Harydyn TM da konewrtasiya edilmegi name diymek? Harydy daşary yurtda naçe dollara alan bolsan şol pulyny bardaki bankda resmi kursdan öwrüp pulyny dollardan eline alyady. Çilimin gymmatyny şu yagdayda hasaplap görsek daşary yurda mysal üçin 1 dollara çilimi alyan. barin bankyna invoicelary tabşyryp 1 dollary merkez bankyn kursyndan eline alyan. Yagny şol çilimi getirip mugt paylandada elinde 20.000 manat peydan galyady.
Şol wagt çilimi yurda getirmage ygtyyarly bolan adamyn adyny tapsanyz mesala düşünersiniz diyip umyt edyan..
gymatladanyndan peyda yok barybir alynya krey edip alynya shtuklap alynya cekilya garaz
Çilimiň bahasynyň galanyna diýseň begenýän. Häzir iň arzan çilim 85 müň manatdan (täze puldan 17 manat) diýýärler. Hasam gymmatlamakmyka?
Aragama galjakmys , ola hasam bet bolor.
Hawa, arak, konýak, çakyr (wino), şampan, piwo, aý garaz, alkogol içgileriň barynyň bahasy galsyn-da. Bir çüýşe aragyň bahasy 20 müň manat däl-de, 200 müň manat bolsun-la. Adamlar aragyny goýar, nesil sagdynlygy kemala geler.
bula gep, gorguli piwzawodyn bashlygy kliyentlara yetiship bilenokmysh, bir-a cilimden son arak galya diyip gowy gep yayratdy
Özün toyunda suw goýjakmy dos' özün bataýma how gymmatlatjak bolsalar senden soramazlar. :-)
Toýumda napitok goýjak. Meselem, fanta, kola, sprite, tokaý miweleri, tarhun, şetdaly, buratino, arçabil, arçalyk, haýýat, dobryý sok, we ş.m.
Içmeseler, ýüzüne seretsinler oňaýsynlar.
As-arak-sacak doslaryny-garyndaslarynaha tanarsyn