Çilimiň bahasy ýene 50% gymmatlady...
15-nji iýuldan Türkmenistanda çilimleriň bahasy ýene-de 50% ýokary galdy. Soňky iki aýyň dowamynda ýurtda çilimleriň bahasynyň yzygiderli galdyrylmagy çilimkeşleriň lapyny keç edýär.
Şu ýylyň maýynda Türkmenistanyň Bütindünýä Saglygy goraýyş guramasynyň (BSG) «Temmäkä garşygöreşmegiň» çarçuwaly Konwensiýasyna resmi taýdan birikmeginiň netijesinde ýurtda temmäki önümleriniň bahasy ýokary galdyrylyp başlandy.
Dünýäniň 173 döwleti tarapyndan ratifikasiýalaşdyrylan BSG-niň «Temmäkä garşygöreşmegiň» çarçuwaly Konwensiýasy adamlaryň temmäki önümlerine bolan isleglerini azaltmagy maksat edinýär. Konwensiýanyň 6-njy maddasynda beýan edilişine görä, temmäki önümlerine salgyt we nyrh babatda çäreleri görmeklik ilat arasynda çilime bolan islegiň kemelmegine ep-esli derejede täsir edýär diýlip bellenilendir.
Türkmenistanda çilimleriň bahasy maý aýynyň ortalarynda 50%, 1-nji iýulda ýene 50%, 15-nji iýuldan hem ýene-de 50% ýokary galdyryldy. Häzirki wagtda Türkmenistanda iň arzan çilimiň bahasy 2,5 amerikan dollaryna barabar bolsa, onuň ortaça bahasy 3,5 amerikan dollaryna baryp ýetdi.
Günsaýyn üýtgeýär
Türkmenistanda çilimler, esasan, hususyýetçileriň kommersiýa dükanjyklarynda, kiçijik budkajyklarynda satylýar. Temmäki önümleriniň bahasynyň ýakyn geljekde ýene ýokarlanjakdygy baradaky habardan çekinýän çilim söwdagärleri özlerinde bar bolan çilimleri satuwa çykarmakdan saklanýarlar.
Ozal islendik hususy dükanjyklardan çilimiň her dürli görnüşini satyn alyp bolan bolsa, indi çilim almak üçin belli dükanlara barmaly bolýar. Ol dükanlarda hem çilimiň bahasy günsaýyn üýtgäp dur.
Paýtagtyň hususy dükanlarynyň köpüsinde çilimiň ýitirim bolmagynda, spekulýantlaryň hem täsiribar. Olarýakyn geljekde temmäki önümleriniň ýene-de ýokary galjakdygyny göz öňünde tutup, bar bolan çilimleri lükgeligi bilen satyn alyp, satuwa çykarman saklaýarlar.
Çilim söwdasy bilen meşgullanýanlaryň käbiriniň habar bermegine görä, Türkmenistana hususy telekeçiler tarapyndan getirilen çilimler ýurduň gümrükhanasyndan geçirilmän saklanyp dur. Munuň hem sebäbi döwletiň täze gelip düşen temmäki önümlerine näçe mukdarda aksiz goýmaladygy barada heniz anyk netijä gelip bilmeýänligindendir.
Netije berýärmi?
Soňky iki aýyň dowamynda temmäki önümleriniň 3 gezek 50% ýokarlandyrylmagy ýurtda çilimkeşlige garşy göreşde garaşylýan netijäni berýändigini aýdyň görkezýär. Bir günde iki guty çilim çekýän çilimkeşler, temmäki önümleriniň juda gymmatlamagy sebäpli, çekýän çilimlerini üç-dört esse azaltmaly bolandyklaryny aýdýarlar.
Emma ýurtda çilimiň gymmatlamagy temmäki önümi bolan nasyň bahasynyň-da ýokary galmagyna täsirini ýetirdi. Nas taýýarlamak üçin temmäki Türkmenistanyň çäginde ösdürilip ýetişdirilýär. Ýöneýurtda nasy taýýarlamak, satmak we ony peýdalanmak kanun taýdan gadagandyr. Nas söwdasy bilen ele düşenler administratiw jogapkärçilige çekilýärler. Emma muňa garamazdan, nasy taýýarlamak we ony satmak ýitirim bolmaýar.
Ýerli habarçynyň maglumatlary esasynda taýýarlandy.
http://bit.ly/q1kr8F
Çilim çekýäňmi?
Hawa(22%, 14 adam)
Ýok(60%, 38 adam)
Taşladym.(11%, 7 adam)
Taşlamakçy, ýöne başaramok..(6%, 4 adam)
Arhiwiň ýagdaýy
● Doly tekst
● 94/94 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 11 maý 2012 ý. · Asyl sahypany gör ↗
Teswirler 94
Çilimi goýjaklar men bn habarlashaýsyn. 98% goýdurjagyma gözüm ýetýär. Egder goýduryp bilmesem, puluñyzy yzyna bererin. Ýitirýän zadyñyz ýok. Çynym bn aýtýan.
Gymmatmy?
Birinji klientim bolanyň üçin saňa mugt. Şahsyma nomeriňi ýaz, sen Çärjewde bolmaly. Duşuşaly.
Ай ховва дост, агзына алып сорып отырана гордум. Ужам маймынынкы ялы гызаранам боляров. Агзынданам болгусызжа тусса чыкан боляр. Чилимин ерини тутянына билемок.
Чилим барада анекдот.Ики жора бир биринден сораяр. - Жора, сенин арин чилим чекйарми. - Ховва. Озем Esse чекйар.Онда жорасы. - Менинка этсе, этмесе чекйар дийип жогап берипдир.
Wah wahey cilimkesler uysupjik dertlesip gununize yanyp otynyzmy size gynanc bildiryan basga edip biljek zadym yok! jubinize bereket! Wiy tema bet bolupdyr. Haladym
Geroin chekdirjek bolyalar bular. Adamy gyrdyrjak bolyalar. Chilimden geroin arzanmyka diyyan
AY GOWU BOLUPDYRLAY
😆
edil shu gidishine gitsa, oooonkuler yaly, cunke uyshup, neshe ceken yaly bir cilime uyshup pul goshup, gezekleship sormaly bolar, durooow, kan sordun diyip, dashynam ollap
perizatjyk men chilimkesh dal-a, beytmedaaaa,,,,,,,,men-a oynajak dal beytsen :-D
😆 😆
Go$ulyan
name uchin gymmatlayarka?
ya chilime bolan nalog gymmatladymyka?
Ýene iki aýdan 1 paçka 10 $ bolýar. Iň bir erksizlerem goýar garagy akan ýaly.
Shu günler men çilim çekýänlere syn edýän welin, nerwinni boluberipdir köpüsi. Bir söz az, iki söz kän ýaly bolup dur, geplänlerinde hyrsyz gepleshýär. Elbetde bulam çilimiñ ishi!
Temasynda ýazypdyra Negro_daýy gowy maglumatlar bilen. Başdanjyk okap gör, hemme meseläni çözüp düşündiripdir.
aaa ok dogry. Sebabi: Şu ýylyň maýynda Türkmenistanyň Bütindünýä Saglygy goraýyş guramasynyň (BSG) «Temmäkä garşygöreşmegiň» çarçuwaly Konwensiýasyna resmi taýdan birikmeginiň netijesinde ýurtda temmäki önümleriniň bahasy ýokary galdyrylyp başlandy.