Hyzyr aleýhissalam bilen görüşilip bilnermi?/ Fethullah Gülen

Maddaçylygyň esas edilip alnan asyrynda ýaşaýandygymyz üçin her bir zady maddy ölçeglerde we esaslarda öwrenmek adat boldy. Bu sebäpden hem köpimiz manewiýata ýat bir adamlar bolduk we ruhy gymmatlyklardan jyda düşdük. Bu çalt ýaýraýan maddylaşma beýnimizden ruhy gymmatlyklary syryp-süpürdi. Rahmet-i ylahydan umyt we haýyş edýäris bizi täzeden many we ruh ynsanlary halyna getirsin...
Allah (j.j.) bilen baglanşykda çuňlaşan bir ynsan gaýyp älemine aralaşar, melaikeýi kiram bilen görüşip biler, jynlar bilen gatnaşyk saklar, ruhanylar bilen habarlaşyp biler, Hyzyr aleyhissalamy görer, hatda onuň derejesine göteriler... Hezreti Mesih bilen hemdem bolar, Hezreti Mäti bilen tejdit (özgertmek, döwrebaplaşdyrmak, täzeden dikeltmek) söhbetlerinde bolarlar... Hawa, ynsan Allah (j.j.) bilen gatnaşygynda çuňlaşar, şekilden, daş görnüşden halas bolar, bularyň ählisi ruhuň bar güýjüni Allaha wasyl bolmakda ulanyp bilse amala aşar...
Şonuň üçin käbirleriň «Hyzyr aleýhissalam bilen nähili görüşýärmişler? Bizem görüşip bilerismi?» diýen ýaly soraglary we düşünjeleri biraz işiň daşynda bolmagyndan we bu zatlaryň oňa ýat bolmagyndan gözbaş alýar. Hyzyr (a.s.) görmek her kes üçin mümkindir. Kim bilýär, belki mesjitde hataryňyzyň arasynda-da bolup biler. Iň azyndan metjitlerde Hyzyryň (a.s.) mübärek saýasynda ruhuny terbiýeläp kämillige ýetirenler hökman bardyr. Araňyzda melaikeýi kiram hem bardyr. Belki maddy älemde maddy älemi seýl edenler, ýagny siziň garaýyşyňyzda pany bolan we siziň garaýyşyňyz bilen älem-i şahadata tomaşa edip ýören ruhanylar hem bardyr. Siziň içiňizde kalp we duýgularyňyz bilen bitewileşen latyf, nurana mahluklar hem bardyr. Emma, olary duýmarsyňyz... Hak Tagala maddy taýdan beşeriň ýeten ösüş derejesine deň derejede, ruhy, magnewi taýdan hem bize ösüş gazanmagy nesip etdirsin!..

Sydkdygyna, sadykdygyna her kimiň güwä geçen, ynanýan Serwerimizden (s.a.w.) başlap, biziň döwrümize çenli örän beýik, päkize kişiler, ruhy safiä ýeten kişiler Hyzyr aleýhissalam bilenem, Melaikeýi Kiram bilenem, ruhanylar bilen hem görüşendiklerini aýdýarlar.
Serwerimizden (s.a.w.) başlap döwrümize çenli gelip geçen bu beýik şahsyýetleriň, ulug pirleriň, ýagşyzadalaryň elbet, Allahdan örän gorkan, kalplary söýgüden titir-titir titreýän, bu şahslaryň, çem gelen ýagdaýda pikir öňe sürmekleri mümkin däldir. Olar gyşarnyksyz dogry sözlärler. Biz hem hiç bir şübhä orun bermän muňa ynanýarys. Ähl-i keşif we ähl-i müşahade Hyzyr aleýhissalamyň durmuşda bardygyna ynanýarlar. Hadyslaryň toplanan döwründe Buhari we döwürdeşlerinden käbiri «Hyzyr wepat bolupdyr» diýen karara gelseler-de, müjdehit ymamlaryň dördüsi we beýleki fykyhçylar Hyzyr aleýhisselamyň ýaşap ýörendigini tassyklaýarlar. Netijede, isle onuň zyllinde, isle hut özi bilen bolsun käbir kişiler onuň bilen görüşip bilýärler ýa-da Ol olar bilen görüşip biler...

Hyzyr bilen görüşip biljekler, Hyzyryň derejesine göterilen kimselerdir. Gysgaçasy kämillige ýeten, menligini ýeňen kimselerdir. Muňa bir mysal getireliň. Bilişimiz ýaly, Ýunus Emre Taptukyň öýüne elmydam göni odunlar getirer eken. «Näme üçin bularyň barysy göni, tokaýda egri agaç ýokmy?» diýip soranlarynda «Taptukyň öýüne odunuňam egrisi girmez» diýip jogap beripdir. Hawa, göni ýöremelisiň, maksadyňa ýetmelisiň! Ok ýaly dos-dogry bol, nyşanaňa baryp deg...
Taptuk synap görüpdir. (Muny Balhly Ybraýym Edhem, Möwlana Jelaletdin, Ymam Şibli we Şemsi Tebrizi bilen baglanyşdyryp hem aýdýarlar). Müridlerden başga biri eline suw gaplaryny alyp çeşmeden gelýär. Bu aralykda edil neşterli ädigi bilen atyny debsilän ýaly, baryp Ýunusyň aýaklaryna, butlaryna neşter dürtüp ganadýar. Ýunus gapyň agzyna gelýänçäler sesini çykarmaýar. Gapynyň öňünde: «Biz o meseläni gaty öň, Sary obada goýup gaýdypdyk» diýýär. Ýagny, nebsimizi diňlemegi, bu agyrylara üns bermegi biz örän öň, obamyzda goýup gaýtdyk diýmek isleýär. Mürid şeýhiň ýanyna gelýär. Şeýh «Näme diýdi?» diýip soraýar. Mürid «Sary köýde goýup gaýtdyk» diýdi diýýär. Şeýh: «Entegem özüniň aladasyny edýär. Bişip ýetişmändir, entegem bişmegi gerek» diýen karara gelipdir.

Ýunus nähili jaýdar aýdypdyr.
«Urana elsiz gerek,
Sögene dilsiz gerek,
Derwüş köňülsiz gerek
Sen derwüş bolup bilmersiň.»
Döwrüň mürşitleri, teblygçylary hem şeýle bolmaly. Ýagny, urana elsiz, sögene dilsiz, Kuran talyby köňülsiz gerek. Göwni galan, darygan Kuran talyby bolmaz. Hyzyr bilen görüşmek üçin özüňi pikir etmezlik gerek. Nagyşbendileriň:
«Diýr tariki Nagyşbendi, gerekdir bu dördi terk,
Terk bu dünýä, terk o dünýä, barlygy terk, terki terk» - diýilýän senasynda dört zady terk etmegiň esaslary bardyr. Bu döwürde Hyzyry görmek maksadyňa ýetmek üçin, biziň ýolumyzda-da dört zat bardyr.
«Mutlak ejizlik, mutlak şewklilik, mutlak pakyrlyk, mutlak şükürlilik, eý dogan.»

Fethullah Gülen .
Asrin getirdigi tereddutler 2.
Zamanamyzyň getiren şübheleri 2.
Umuman diýiljek bolýan zat Hydyr -y her kesiň görip ýa bilmejekligi aýdylýar. Ony görmek üçin ýa duýmak üçin derejäň beýik bolmagy we magnawy-lara has içgin çemeleşilmelidigi hakda aýdylýar. Bu ýerde Hyzyr (a.s) -yň barlygy doly subut edilmesede, ony her ýagşyzada, weli we ýene nijeme beýik şahsyýetler kabul edendir we etýändir. Beýik şahsyýetler kabul edip durka , onda biziň kabul etmezligimiz hiç zady özgertmeýär.

sag bol

Edil şu wagt täsin bir bolup geçen waka ýadyma düşdi. Töwereklerimizde ýaşaýan bir awçynyň başdan geçireni.
Ýagny,
Bir gün ýaňky awçy we onyň ýene 1-2 sany dostlary bilelikde awa gidipdirler. (Öňräk bolan waka) Oňsoň ýaňkylar ýalňyşmasam çölde öýtýän bir jerenmi, keýikmi bir zada gözi düşüp ony kowalap ugrapdyrlar. Gün ýaşan ara bolmaga çemeli. Awçylar namani , nähili awlamalydygyna has gowy bilýän bolmaly. Oňsoň ýaňky jereni kowalap başlapdyrlar, hiç eýgertmedik jeren (keýik ýa şm bir zat özä) ahyry bir çolarak ýerde durupdyr. Ýaňky awçylaram 2-3 bolup şeýle bir atypdyrlar weli hiç mümkin däl diýä şol jeren-iň sypmagy .Ola sypmak eken ýaralanmazlygy mümkin däl derejede diýä. Ahyry bolandyr edipdirler weli ýaňky jeren biraz durupdyr we soňundan bolsa haýaljakdan gyradaky çola ýere siňipdir. We sähel salymyň içinde çolarak ýerik siňip soňam hiç tapylmandyr.
Muny gürrüň beren awçy maňa çyny bilen aýtýar. Awçy maňa diýär: > diýä. Ýogsa dine şeýle bir ynanyp barmaýan şol adam Hydyr çölledir diýseler ähmiýet bermezdim, emma bu ýýagdaýdan soň maňa doly delil diýseňem boljak diýen şekilde maňa gürrüň berdi.

DOgry bu waka öňräk bolan, belki men beren gürrüňini bolşy ýalak ýetribem bilen däldirin, emma umaman diýjek bolýanym, çölde köpräk bolýanlar bu we muňa meňzeşler hakda bize garaňda täsin zatlary köp gürrüň berýärler.

Hakykat köp sagboluñ maglumatlaryñyz üçin!

Sag bol, gowy mowzuk eken.

Goýnuň yzynda gezýän adam 7 ýylyň dowamynda mallaryna ýekeje-de paýyş söz aýtman gezse, Hydyr /a.s/ gabat geler diýip eşidýärdim.

Türkmenlerde Hydyr /a.s/ barada kän gürrüň bar.

Gawun, garpyz ýa kädi ýaly zatlar goşa bitse, Hydyr gören diýýärler.

Ýaşululaň düşünjesine görä, Hydyr /a.s/ çölde barýarkaň öňüňden çykyp, suw dilärmiş. Şonda onuň hakykatdan hem Hydyrdygyna /a.s/ anyk göz ýetirmek üçin salamlaşan wagtyň başam barmagyny gysyp görmeli diýýärler. Başam barmagy süňksüz bolsa, ol Hydyrdyr /a.s/ diýen düşünje bar.

Kyn, gyssag güne düşeňde kimdir biri gelip, zerur kömegi berse, Hydyr ata bolup ýetişdiň diýýärler.

sagbol mowzugyna. tuweleme gowu yazypsyn

👍gowy informaciya +

sag bolun temanyza hakykat. Yone hydyr ata onunden cyksa,salamlasanda basam barmagynyn sunsiz bolmalydygyny on esitmandim.

Serwerimizden (s.a.w.) başlap döwrümize çenli gelip geçen bu beýik şahsyýetleriň, ulug pirleriň, ýagşyzadalaryň elbet, Allahdan örän gorkan, kalplary söýgüden titir-titir titreýän, bu şahslaryň, çem gelen ýagdaýda pikir öňe sürmekleri mümkin däldir. Olar gyşarnyksyz dogry sözlärler. Biz hem hiç bir şübhä orun bermän muňa ynanýarys. Ähl-i keşif we ähl-i müşahade Hyzyr aleýhissalamyň durmuşda bardygyna ynanýarlar. Hadyslaryň toplanan döwründe Buhari we döwürdeşlerinden käbiri «Hyzyr wepat bolupdyr» diýen karara gelseler-de, müjdehit ymamlaryň dördüsi we beýleki fykyhçylar Hyzyr aleýhisselamyň ýaşap ýörendigini tassyklaýarlar. Netijede, isle onuň zyllinde, isle hut özi bilen bolsun käbir kişiler onuň bilen görüşip bilýärler ýa-da Ol olar bilen görüşip biler...

Imana Sary. Hakykat NB...

Hakykat

olmedigi barada takyk zady menem okap gormedim.

Mezheb ymamymy ýa başha kişimi onçasyna biljek däl, ýöne meň pikirimçe Fethullah -yň pikiri hiç bir delilsiz däldir diýip pikir etýän. Kitaplaň adyny bilsem özüm okajaga. Ýöne menä heniz gabat gelemmok onyň (Hydyr-yň)ölenligi hakda.

Ýazgül:
sag bolun temanyza hakykat. Yone hydyr ata onunden cyksa,salamlasanda basam barmagynyn sunsiz bolmalydygyny on esitmandim.

Edil bu hakdara meňem bilýän zadym ýok. Bu diýilýänler iliň gürrüňi özä, kim bilýä çynmy - ýalanmy?
Her bir zadyň dogrusyny Ol biler.

Hadyslaryň toplanan döwründe Buhari we döwürdeşlerinden käbiri «Hyzyr wepat bolupdyr» diýen karara gelseler-de,

 

meň pikirimçe Fethullah -yň pikiri hiç bir delilsiz däldir diýip pikir etýän. Kitaplaň adyny bilsem özüm okajaga. Ýöne menä heniz gabat gelemmok onyň (Hydyr-yň)ölenligi hakda.