Eýnşteýniň üstünliginiň altyn düzgünleri
Salam, gadyrly teswirdeşler!
Men aslynda bir göwrümliräk makala ýazmakçy bolup ýördüm. Ýöne, ony kellämde bolmalysy ýaly doly aýlap bilmämsoňmy ýa-da wagtyň ýetmezçilik edýänindenmi, bilemok, heniz ýazyp çykaryp bilmedim. Onuň ýerine ady rowaýata öwrülen, asyryň adamsy diýip at berlen Eýnşteýniň üstünlik barada aýdyp geçen käbir pikirlerini türkmençeleşdirip size ýetirmegi makul bildim.
Kimde-kim bu duýguny duýmadyk bolsa, bu ejizje tolgunmadan ýaňa başy aýlanyp, herekedini togtadyp, pikire batmadyk bolsa, onda ol adam öli ýalydyr we onuň gözleri gapykdyr. Albert Eýnşteýn.
Bu gün men şu beýik şahsyýetiň durmuşa we üstünlige bolan garaýyşlaryny ýazmakçy. Dogrymy aýtsam, şu aýdylanlaryň köpüsi bilen islesem-islemesem ylalaşmaly bolýaryn.
1. Eger kimde-kim hiç-haçan ýalňyşlyk goýbermedik bolsa, onda ol hiç-haçan täze bir zat etmäge synanşan däldir.
2. Bilim – bu, mekdepde öwrenen zatlaryň ählijesi ýadyňdan çykandan soňra galýan zatdyr.
3. Men öz aňymda, edil suratkeş ýaly, islendik zady döredip bilýärin. Fantaziýa ukyby bilimden has wajybyrakdyr! Sebäbi, bilimiň çagi bar, a fantaziýa bolsa bütin dünýäni gaplaýandyr.
4. Döredijiligiň syry – bu seniň ylhamyň çeşmesini gizlin saklap bilmek ukybyňdyr.
5. Adamyň gymmaty onuň edip biljek işi bilen däl-de, onuň berip biljek zady bilen kesgitlenýändir. Rowaçly adam boljak bolmaň, gymmatly adam boljak boluň.
6. Ýaşamagyň iki usuly bardyr: siz, ýa-ha bu dünýäde täsinlik asla ýok diýip ýaşap bilersiňiz, ýa-da bu dünýäde hemme zat täsinlik diýip ýaşap bilersiňiz.
7. Haçan-da men özümi we öz pikir ediş usulymy öwrenenimde, men şeýle bir netijä gelýärin, ýagny meniň fantaziýam (Göz öňüne getirmek ukybym) maňa beýleki islendik ukyplarymdan has köp peýda getirdi.
8. Goýunlaryň içinde iň görnüklisi bolmak üçin, ilki bilen goýun bolmak wajypdyr.
9. Ilki bilen oýnuň düzgünlerini doly öwrenmek gerek. Ondan soňra, hemme kişiden gowy oýnap başlabermeli.
10. Sorag bermegi togtatmazlyk örän wajypdyr. Bilesigeljilik adamzada tötänden berlen zat däldir.
Şu ýaşulynyň aýdyp geçenlerinden özümize geregini almak, ony durmuşymyzda sapak edip ulanmak, belki, bize-de başardaýady!
Hormatlamak bilen,
Blackrain
Iýun 27, 2011
Peýdalymy?
Hawa(96%, 30 adam)
Ýok(3%, 1 adam)
Arhiwiň ýagdaýy
● Doly tekst
● 34/34 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 10 maý 2012 ý. · Asyl sahypany gör ↗
Teswirler 34
Peydaly zatlar.Eyn$teynada Blackrainada minnetdar.
Tuweleme Eynshteyniñ dine fizika matematika ylymlaryndaky acyshlaryndan bashgada, pähim payhaslaryna bay ynsan bolupdyr. Gaty dogry ajayyp sözler. Bize yetireniñiz u.n minnetdar!dowamly bolsun Blackrain!!!
görnüklisi bolmak üçin, ilki
bilen goýun bolmak wajypdyr.
Goýun bolmagam kyn diýjek boldymyka? 8-)
Eýntshteýiniñ paýhasly sözleri häzirki döwre ýetipdir,häzirki döwrüñ alymlary nahili paýhasly sözleri aýdýarlar. 8-)
sag bol dostum gowy pikir ündedin sag bol
oran peydaly zatlar. Kop kop sag bolsun aydyan
einstein diymek turkmenca terjime edende bir dash diymek bolyar
hawa ein stein (ayn shtayn) - bir dash.
gowy bellikler!
Bu kakdyryp aýdylan söz diýip düşünýän men-ä. Şol ''goýun'' sözüniň ýerne ''adam'' sözüni goýsaň düşnükli bolarmyka diýýän.
sag bol paylashanynga
Bet sozler her birine ayry ayry makala yazsan boljak eken. Shular yaly gyzkly temalara garashyas.
5. Adamyň gymmaty onuň edip biljek işi
bilen däl-de, onuň berip biljek zady bilen
kesgitlenýändir. Rowaçly adam boljak
bolmaň, gymmatly adam boljak boluň.
shu bolekde Rowacly adamy nahili dushunse bolarka?
Muňa успешный человек, ýagny eden işeri şowly bolup giden adam diýip düşünmek dogry bolarmyka diýýän. Meniň düşünişimçe, bärde ''diňe özüňi bilip ýaşaman, eýsem başgalara-da peýdaň degýän adam bolup ýaşa'' diýen ýäly many bar bolmaly. Bu ýaşulynyň sözleriniň manysyny doly almak üçin biz entek köp pikirlenmeli bolaýmasak. 🙂
Oran peydaly makala, sebabi kate bashka dilde okalan birzady cheper dil bilen kyn bolyar, ya-da dushunuksiz bolyar, bu makalada bolsa oran gowy, dushunukli terjime edilipdir, yzy hem bolar diyip umyt edyaris, gadyrly awtor.
5. Adamyň gymmaty onuň edip biljek işi bilen däl-de, onuň berip biljek zady bilen kesgitlenýändir. Rowaçly adam boljak bolmaň, gymmatly adam boljak boluň.
bir adamy tanajak bolsan ony başka adamlardan soramak yerine onyn başka adalar hakyndaky pikirini alaymaly