Haçan biz öz futbolymyza guwanmaly? Haçan stadiondan öýe begenip gaýtmaly? Haçan?!
Geçenki oýny 2-2 oýnalandan soň bu oýuna umyt eden bolduk. Öz öýmüzdäki oýny utarys öýtdük. Stadiondan öýe begenip gaýdarys öýtdük. Toparçalara galarys öýtdük. London-2012-ä gideris öýtdük. Hawwa-hawwa Olimpiýada gideris öýtdük. Komandamyza guwanarys öýtdük. Indi? Indimi, belaň sapyny Olimpiýada gidersiň, belaň sapyny komandaňa guwanarsyň!
Hä, nämä gaharlanyp dursyňaý diýýänleriňizem barmy? Aýdaýyn onda. Düýn (23.06.2011ý) futbol boýunça Olimpiýa ýygyndymyzyň Siriýanyň olimpiýa ýygyndysy bilen jogap oýny boldy (Aşgabatda Olimpiýa stadionda). Birinji oýny aýyň 19-yna myhmançylykda 2-2 oýnap gaýdypdyk. Jogap oýun üçin mundan gowy hasap hem bolup bilmezdi. Biz üçin bu günki oýunda utmaga aňyrda dursyn, hat-da deňlik hem ýeterlikdi (0-0 ýa-da 1-1). Ýöne biz bu oýundan deňlige däl, komandamyzyň ýeňmegine garaşýadyga.. Şu maksat bilen ýygyndymyzy goldamaga stadiona gitdik. Oýnuň başynda hemme zat gowy ýalydy. Onçakly gyzykly bolmasa-da meýdançada iki taraplaýyn oýnalýan futbol gidip durdy. Meň özümä oýnuň başyny görüp, hasap 0-0, aňyry gitse 1-1 gutarar öýtdüm. Ýöne bu 0-0-ly pikirimi Siriýalylaryň birinji ýarymyň ortalarynda salan goly üýtgetdi. 0-1. Içimden 'hmmbähh Siriýada güýçlije ekenäý..' diýdim. Onda-da umyt bar-a. Sebäbi oýnuň ýene-de ellenmän ýatan 1 sagatdan gowrak wagty bardy. Komandamyzyň liderleri Orazsähedowdan, Amanowdan bir zatlara garaşýadyk. Netije ýokdy. O bolmana-da ikinji gol geçäýmezmi. Ýagny birinji ýarymyň soňky minutlarynda Siriýa hasaby 0-2-ä ýetirdi. Buww 0-2 öz öýüň üçin ýaman gorkunç hasap. Ýöne ýene 45 minut bar ahyry.. Ilkinji 45-likde Siriýa 2 gol salyp bilýän bolsa, belki 2-nji 45-likde biz hem 2 gol salarys, Siriýanyň başaranyny biz hem başararys-a diýen umyt bardy kellede. Soň başlady ikinji 45-lik. Beeeý-bää bize ne döw çaldy?! Meýdançada oýnaýan oýnumyz birinji taýmdakyça-da ýoklaý. Siriýa öli, biz ondanam beter öli. Gaty biderek futbol oýnadyk. Ilkä komandamyzdan gola garaşan bolduk welin, soňabaka ataka etsek yrza bolduk. Ynanaýyň, ikinji taým boýunça ýekeje-de stwor warotymyz ýokdy. Bary-ýogy ýeke uglawoý depdik. Olam netijesiz. Biziň oýnaýan biderek oýnumyzdan peýdalanyp, Siriýa gde to 65-nji minutlarda 3-nji goly geçiräýmezmi. 0-3. Ine saňa gerek bolsa! Komandamyzdan edilen ähli umytlar şu ýerde gutarypdy. Sebäbi 0-3-den soň bize Siriýany geçmek üçin, oýny iň bolmanda 4-3 ýeňiş bilen gutartmalydyk. Muny başarmak bolsa, biziň meýdançadaky oýnaýan oýnumyz bilen mümkin däldi. Indi kellede diňe bir pikir bardy. Ýagny, iň bolmanda ýekeje gol bir salsak, suhoý utulmasak bolýar.. Ýöne edil şuna başardyk. Zordan bir gol saldyk, hawwa zooordan. Stadion begenmek begenendir-ä. Emma gynansagam gol hasap edilmedi. Sudýa goly ofside-de diýdi. Aý hawwa, aslynda çalaja ofside'demläý.. 0-3-den soň gözüm her iki minutdan sagadymdady. Bahymjak oýnuň wagty gutaraýsa, bolmasa ýene 1-2 sany gol saldyrýas diýip içimi gepledip otyrdym. Diýşim ýaly-da, Siriýa bu salan 3 golunam az gördi we oýnuň gutarmagyna 7-8 minudyrak galanda 4-nji gollaryny hem saldylar. 0-4. Bet hasapmy? Hawwa bet hasap, agladýan hasap onda-da. Nähili masgaraçylyk! 30.000 adamlyk stadiona gelen takmynan 20.000 adamyň öňünde 0-4 utulmakdan, onda-da öz meýdançaňda utulmakdan uly masgaraçylyk bolubam bilmez. Içim ýanýarow. Gaharym gelýär. Aý bor-da bähbit bolsun! Başga näme diýeýin.
Oýundan soň beznastrenýa gaýdyp barýan, aşakdan razdwarkadan futbolçylar çykyp, gaýdyp barýan ekenler. Seretdim welin aňyrrakda Wahyd Orazsähedow dur. Oň bilen surata düşen boldum. Aý näme liderimiz-dä diýen bolaýynmy?! 🙂 Ýöne bu ýerde esasy aýtjak bolýan zadym bu däl. Şo ýerde biziň ýene bir kemçiligimize gözüm ýetdi. Siriýa myhman, olara awtobus beripdirler, ola düşnükli. Ýöne biziň komandamyzada bir awtobusjyk beräýmelä. Hany ol zatlary gurnanoklarmyka? Ol zatlara seredýänler ýokmyka?! Biziň oglanlarymyz stadiondan öýlerine ýola çykyp gaýtýalar. Ýagny maşynlylara maşynly, maşynsyzlaňam taksi tutup oturany haýsy, ostanowkada awtobusa garaşyp oturany haýsy.. Ýöne-möne komanda dälähow bular, Olimpiýa ýygyndymyz. Oýunçylarymyzy idemeli, gerek zatlary bilen üpjün etmeli. Bolmazahow beýle eden-etdilik bolup dursa.. Umaman, bizde ne indeg bar, ne-de bir süýreg bar. Eden-etdilik.
Hmmm, Pekin-2008-denem şeýdip gaýdypdyk. Bu gezegem şeýdip gaýtýas. Rio De Žaneýro - 2016-danam şeýdip gaýdarysmykak? Näme bize grupbalara galmak harammyka? Näme üçin biz öz elimizdäki mümkinçiligi iň soňunda ýitirýäs? Näme üçin do kansa gidip bilemzok? Illeň bizden üýtgeşik ýeri barmy? Ýa biziňkileriň ilden kem ýeri barmy hä? Haçan biz öz futbolumyza guwanmaly? Haçan ýygyndylarymyzyň üstünligine guwanmaly? Haçan stadiondan öýe begenip gaýtmaly?
Haçan?!
Goşmaça: Çynymy aýdaýyn.Şu günki oýny görmek üçin çykaran 10 manadyma (6 manat taksi pul, 2 manat lipton ice tea, 2 manat bulka) gynandym. Puly sowanyma däl, göreniňe degýän oýnuň bolmadygyna gynandym.
Ýaman biderek futbol boldy.
Gidenime degmedi.
Arhiwiň ýagdaýy
● Doly tekst
● 82/82 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 23 maý 2012 ý. · Asyl sahypany gör ↗
Teswirler 82
teman sozbashy soragg sheklinde bolanson jogaplayyn diydim. 1nji soragyn jogaby. biz oz futbolymyzy gormesek shonda guvanyp bileris. 2nji soragyn jogaby . biz stadiondan garshydash kommandamyz gelmedik yagdayynda begenip gaydyp bileris.
Prosto Siriya gowy oynaya. Bar bolany 🙂
gowy bellenilip gecilen teswir. futbol gorulayjek yerinde tribunan ortasynda studentleri otyrdypdyrlar( ortarada duran portretin arkasynda-da adam bar daje, name goryan bolsalar otayda). beyleki tarapam bosh. ( belki kamerada gorunmeya bosh durany diyip edayen bolmaklaram mumkin oz akyllary bilen ) varotan arkasyna-da hakyky jankoyerleri yerleshdiripdirler.
On Olimpiya yygyndymyz su yeten sepgidine cenlem yetip gormandir on,dogry menem 0:2 boldy diyenlerinden son gynandym,yogsa su wagtky yaslar yygyndymyz guycli beydip utular diymedimow.Bolyalay indi ulularmyz Indoneziyany utup begendirerda nesip bolsa🙂
www.teswirler.com/index.php?q=blog&view=19111
Ýoklaý, Siraýada-da oýun ýok. 🙂
Su gun serederin diyseniz Kopetdag stadionynda Turkmenistanyn naybasy kubogyny(Superkubok) almak ucin Altyn asyr : Balkan oynayar 18:00 baslayar🙂Onunden belile yone ondada serederin diyseniz😆
Şu gün däl.
26.06.2011ý. Sagat 17:30-da. Düýn stadionda kommentator aýtdy. 🙂
Altyn Asyr - Nebitçi oýnamaly. Ýagny, adamlardan pul sorýan TmCell bilen ýerden pul sorýan Türkmennebitönümleri oýnaýar. =) Ikisem pulluja edara.
Şu ýerde superkubok diýip dogry ýatlatdyň. Bir zat ünsümi çekdi. Super kobok diýilýän zat çempionat başlamaga bir hepde galanda oýnalýar dälmäý? Biziňki näme üçin çempionatyň ortasynda oýnalýar?
Siriýa güýçli topar. Türkmenistan bir oýun oýnap çykdy, olar göni çykdyrlar. Menem utar niýeti bilen bardym, ýagny bardyk. Özem Türkmenistany sport täzelikleri bilen yzygiderli tanyşdyryp durýan oglanlar bilen bardym. Olar gazetde şeýle-şeýle diýip ýazarys diýişýärdiler.
Gaharly, gynançly, näme goşsaň goşubermeli, çykyp gaýtdyk. Gaty umytlydyk. Aňarda nädip 2-2 oýnapdyrlar!
Indiki aý uly ýygyndymyz oýnaýa Indoneziýa bilen. Iň bolmanda şolar bir grupbalara galsa boljak!
Şu oýundan näme many çykaryp bolýar? Komandanyň treneri SSSR döwründen galan alkaş türkmen treneri bolmaly. Futbol federasiýasam şolardan doly bolmaly. Oýunçylar oglanlar. Olary nähili ýetişdirseň şolar ýalam oýnaýarlar. 15-17 ýaşly gül ýaly, arssaja sportsmen oglanlar ýokmudyr türkmende? Şolaryň 22-sanjagy tapylmazmy? Kän. Ýöne olara eýe çykýan ýekeje-de düzüwli adam ýok. Diýmek, şol biderek töňňelri goparmasaň, meýdançada-da töňňe oýunçylar bolar. Gurban Berdiýew pula gyzygyp ýa Türkmenistanda oýunçy ýok diýip gidendir öýdemok. Bärde oňa işleşer ýaly federasiýa ýok, trenerler ýok, futbol ýok. Şonuň üçin giden bolmaly. Gurban Berdiýew ýaly halal, diňe işlemek isleýän, halal utjak bolýan trenerlerden her komandamyza bir trener gerek. Emma munuň bolaryndan bolmazy ýakyn. Sebäbi töňňeler ölünçäler şol oturan ýerlerini başga birine berjek adamlar däl. Sebäbi işden gitseler aýlyksyz galjaklar. Sponsor tapylsa şolara mugt aýlyk töläp işiňizden gidäýiň diýmeli. Soň ýene bir sponsora-da halal ýaş oglanlardan trenerler sostawyny döretdirmeli, olara göz-gulak bolmaly. 3-nji sponsoram oglanlaryň bolmanda Sirýalylar ýaly iýjegine-geýjegine, öý-içersine seretdirmeli. Oýunçylarymyz gymmat oýunçylar bolmagy hökman däl. Jan edip oýnaýan, halal utjak bolýan, edepli (içmeýän, çekmeýän) bolsalar bolýar. Bir gün utulsalar bir gün utarlar. Şeýdip türkmen fitboluny ösdürip bolar. Munam edesi geljek adam tapylarmyka? Sebäbi töňňler sport komitetde-de doly. Ol ýerde-de türkmen sporty össün diýýän adam barara meňzänok. O taýda ýekeje Batyr agza ýaly biri bolsady, türkmenler ýeňildi diýip aglasy gelýän. Arman... Olar gaýta begenýän ýaly.
menem dusunemok ilenkiden uytgesik ya Balkan bir yarysa gidip suysurlen bolamasa oyun🙂
yhlasly aga, sizem gahar edipsiňiz öýdýän. Türkmen futbolçularyna geldiňmi? diýýänem ýok. FIFA-dan gelýän pullary Allah bilsin nirede sowýalar. Gaýta daşary ýurtdan gelýän oýunçylary-da oýnatman, tanyşynyň oýunçylaryny oýna alýarlar. Kökünden çözmeli meseläni.
Diňe futbolda beýle däl. Sporty ösdürmeli diýip, bogaz ýyrtmagyň geregi ýok. Işlemeli, islemeli. Watany söýmeli. Olimpiada gidýän sportçularyň pullaryny özlerine töletmeli däl!
Ay hawa, oz yeringde uly hasap bilen utulmak masgarachylyk, yone garashyan zadymyz namedi - yengmekmi? 2-2 myhmanchylykda zordan utduk, oz yerimizi bilelin, Siriya futbolsa bizden guychli, reytingde yokarda. Biz bolsa bu etaba entek yetip gormedik, ine-de yetdik. Bu bir dostijenye. Oz yerimizi bilelin.Olimpia oyunyna chykmana umyt bildireris yaly, biz Brazilya dala hou. Hemme zat uchin wagt gerek. hawa, TFF-in hem gunasu ULY! Yone Oz yerimizi bilelin we yuwashlyk bilen galalyn.
Ö ýerimizibilmejek bolamyzok. Özbekstan, Gazakstan, Azerbaýjan futbolundan türkmen futboly näme üçin pes? Biz şonuň derdini çekýäs. Mekdep okuwçylarymyz, ýetginjekler sporty gül ýalydy öň. Indi olam pese gaçyp gidip otyr. Welosipedden Türkmenistanda Dünýäň kubogyny aln, SSSR-iň ýygyndysynda çykyş edenler bardy. Häzir welispedçilerimiz öz aralarynda, Türkmenistanda öz-ara ýaryşara komanda tapyp bilenoklar. Sportyň ösmegi ulu mesele däl. Altymyradyň yzyny ýöredere adm ýok. Seäbi Altymyrady ýetişdirenler ýok. Ýuwaş-ýuwaşdan diýilýän zat öňe tarapmy, yza tarap? Muny derňeýän barmy? Gowy gidýän sport ugurlarymyzam bar iki-ýeke. Ýöne olaram Halkara ýaryşynyň ýeňijisi bolduk diýip gelenlerinde ýörite pes ýurtlaryň komandasynyň gatnaşýan ýaryşyny saýlap gidýärler. Nämä gerek şol ýeňişler? Olara-da pul çykýar. Emma, uly ýeňişler üçin hereket etmäge batyrlyk bizde haçan dörär? Ýöne býdiýsem şol ýaryşlara gitmeli däl diýdigim däl. Şol ýeňilerimiz bizi goparmagymyza, özümizden hoşal oturmagymyza getirmeli däl. Ýa şol ýeňişleri gözboýagçylyk edip ulanmaly däl. Ýeňjek bolsaň, Aziýa çempionatynda ýeň. Saýlama oýunlarda ýeň. Özüňi aldamk nämä gerek?
Futbol Ozbeklerde SSSR dowrunden bari gaty osen. Hazirem osup baryar olarda. A Gazaklar we Azeriler - FIFA reytinginde biz bilen den gidishyaler. Gazaklardan onde oynyan biz! Prosto talap edyan zadymyz namedi 23 yashly futbolistlerimizden? 2012 Londona chykmakmy? Dushelin asmandan. Azeriler, Gazaklar-ozbeklerem chykmazlar shona! Yone 4-0 utulmak obidno. Myhmanchylykda 2-2 oynap begendirdiler welin, ula garashaydykda... Yone shu yere yetdiler - bashlangych uchin normal! Indiki gezek has yokaryk chykmaly. Wot 2020-daki Olimpiada chyksak bolar 🙂
Ýuwaş-ýuwaşdan diýmek yza galmak diýmek. Sebäbi goňşular we beýlekiler, tiz-tizden barýarlar. Sporty ösdürmeli diýmek ýalňyşdyr. Sebäbi eýýäm sport ösen bolmalydy. Biz bolsa ony indi ösdürmegiň aladasynda. Mundanam bir zat bolarmy. Näme şertimiz ýokmy? Maddy tarapdan pesmi? Ýok! Görünmeýän ýüp bar!
Futbol gaty kyn oýun, men ony bilýän. Onda-da profi. kyn. Ýöne Mende türkmen futboluna umyt bagladýan zat Gurban Berdiýew ýalylaryň bolmagy. Türkmenler futboly oýnap biljek halk. Oňa tebigy şert bar. Biz oýunçylarymyzy elimiziň üstünde saklap biljek. Trenerleri nirede okatmaly bolsa okadyp biljek. Ýöne esasy zat olaryň täzesini ýetişdirmeli. Öňküler oýnysatyn almak, sudýalary satyn almak, oýny satmak, ýaryşda ýeňijini öňünden belläp şonam çempion etmek... ýaly zatlara ökde adamlar. Ilki şolardan dynmaly. Özbeklerde öňdenem futbol ösendi diýýäň. Onadan bäri nesiller çalyşdy. Marat Niýazow Rimde olimpiadaň kümüş medalyny alyp geleli näçe ýyl geçdi? Bu bize türkmenlerde atyjylyk sporty öňem ösendi, häzirem şonuň üçin atyjylarymyz gowy çykyş edýärmi? Ýa-da welosipedçilerimiz lebedew, Makarow, Hojamyradow... ýene-de kän, dünýä belli boldular. Şonuň üçin häzir türkmen welosipedçileri bolmanda aziýda tanalýarmy? Türkmenistanda tanalýany barmy? Altymyrat dünýäň çempiony bolup ýörkä bizde agyr atletika sporty ösenmidi? Bärdeöňden gelýän tejribäňem peýdasy degýär weli, esasy zat şu günüň bilen ýaşamaly. Oýnap bilmeýän oýunçylaryňa FIFAŇ beren reýtinginden näme peýda? Hä, şu ýyl şuňa ýetdik, täze ýyl mundanam gowy bolar diýýäs. Inşallah. Ýöne has gowam bolup biler. Has gowy bolmalam. Häzirki gurulýan stadionlar, sporta çykaýýan pul boşuna gitmeli däl.
Bizde näme üçin belli bir ugurdan ösüp bolanok iň bärkisi? Meselem Kanadada futbol ýok ýaly. Ýöne hokkeý gaty ösen, Täze Zelandiýada regbi ösen. Biziň atymyz bar Allaha şükür. Ata-babamyz ok atyp gelen türkmen ahyry biz. Iň bolmanda şu ugurdanam tanalyp bilerdik, o-ol, altynjy-ýedinji derejeli ýaryşlara gatnaşyp, (oňa ýaryş diýilýän bolsa...) dereje alyp gelmegiň kime gerek. Şolar ýaly sporty bilýänem ýokdur! Gynanýan şu zatlara!
Malades Türkmenistan (tfffuu blää)