OŇAT PIKIRLENMEK (Ruhy deňagramlylyk)

Her adam eýle ýada beýle oňaýly-oňaýsyz meýillere eýedir. Bu meýilleriň käbiri nesilden nesile geçýän bolsa käbirleri daş-töweregimizdäkileriň täsiri netijesinde ýüze çykýar.
Oňaýly pikirler we düşünjeler adam saglygyna uly täsir edýär. Häzirki wagtda lukmançylyk bilimi oňaýly düşünje we duýgularyň şahsyýetiň saglygyna we jemgyýetçilik gatnaşyklaryna oňat täsir edýändigini kabul edaýärler. Iç dünýäsi gorky, galagoplulyk, öýke, ynamsyzlyk we sähel zada gaharlanmak ýaly duýgulardan doly bolan adama saglyk taýdan sagdyn diýmek kyndyr.
Pikirlenmek: beýniniň himiýasyny işletmek diýmekdir. Beýniniň berýän maglumatlary ynsan bedeninde dürli üýtgeşmelere sebäp bolýar. Gowy pikirler, düşünjeler bedeniň goranyş ukybyny güýçlendirýär. Şol sebäpli adam beden taýdan we ruhy taýdan sagdyn bolýar.
Bilnişi ýaly birnäçe keselleriň gözbaşy ruhy çökgünlikdir(stress). Kiçijek zatlary ulaldyp özüne bolar-bolgusyz dert edinip, sebäpsiz ýere gaharlanan adamlar hemişe özlerine zyýan berýärler. Yzygider ruhy çökgünlikde galan bedenimiziň goranmak ukyby peselýär. Bu ýerde bolsa:
Düşünjeler-duýga, duýgular- herekete öwrülýär. Düşünjeler oňaýsyz bolsa munyň netijeside tebigy ýagdaýda hereketleri-de oňaýsyz bolar. Oňaýsyz hereketleriň berýän zyýany90% ilki bilen özüne bolup, 10% daş-töweregine bolýar.
Adamlar gowy zatlary eşidip, görmek islärler. Käbir zatlary şikaýat edip, bolýan wakalaryň oňaýsyz tarapyny görýän adamlara-da gabat gelmek bolýar. Aşa gynandyryjy we kiçi meseläni aşa ulaldyp rahatsyz ediji ýagdaýlaryň üstünde köp durarlar. Galagoply bolany üçin hiç zatdan göwni suw içmez. Elindäki zatlar ony kanagatlandyrman hemişe elinde bolmaýan zatalara aşa ymtylarlar.
Galagoply ýagdaýdan gutulmak üçin beýnimizi gowy pikirler, gowy düşünjeler bilen doldurmaly. Bu işi etmek üçin beýni maşklaryny etmeli. Nähili beden saglygy üçin sport bilen meşgullanýan bolsak,zehinimizi hem sagdyn düşünjeler bilen doldurmak üçin beýni maşkyny ýerine ýetirmeli.
Hergün irden turanymyzda bagtlylyk we başarjaňlyk düşünjelerini pikirlenip duýga öwürip bilsek,bu duýgy bedenimizi we ruhy dünýämizi şol güne oňaýly taýýarlar.