Galmagal eşitseň, wokzalda-da bar

kab· · 552 gezek okaldy· halanan: 17teswirler.com

Galmagal eşitseň, wokzalda-da bar,
Saz diňlejek bolsaň, otur şu yerde.
...Bir gyz agşamara suwa düşünýär,
Eşigin çykaryp çola güzerde.

Gyz saçlary suw ýüzünde kerep deý,
Owsun atýar kereplere birigip.
Oňat, aýbam bolsa gyza seretmek,
Gözellik hiç haçan bilmez irizip.

Çöl içinden ak sakgally ýaşuly
Atynyp egnine mele çäkmenin,
Ýüzi altyn çäge ýaly nurana
Syryp gelýär Garagumuň çäklerin.

Duşman bir galany ýykýar, ýumurýar,
Kesýär erkek göbekliniň kellesin.
Şol kesilen kelleleriň içinden
Tapanoklar günäkäriň sellesin.

Başga bir galadan yza serpigip,
Gaçyp barýar duşman eren-de-tozan.
Gelip-gelip öz gyljyndan ölermiş
Bigünä ilatyň üstüne çozan.

Ak bedew dumanyň içinden çykyp,
Ýaş ýigdi göterip, asmana barýar.
Bir owadan oglan sandyga girip,
Bir gyzyň yşkyndan akmana barýar.

 Dag oýulyp, weýran bolýar gara dag,
Çirkizilýär galtamanyň sakgaly.
 Aşyk magşuk gözlerinden ýaradar,
 Ýöne ýene şol gözlere bakmaly.

Hywa bazarynda gyrnak satmaga
Barýar alamançy - tüýsi bozuk är.
Iti kowup, kölgesinde ak öýüň
Düzzim oýnap otyr üç sany bikär.

Gyrmyz donun geýip ak telpek ýigit
Bakýar keten köýnek çarwa gözelne.
Töwerekden gyýk göz bilen bakýany
Undar eken gyz ýigidi görende.

Iň owadan matalary üssenip,
Tabyt barýar gölegçileň egninde.
Ýitip barýar köne gubur düzlenip,
Ýene täze döräp barýar her günde.

Tümlük ýuwaş-ýuwaş syrylyp gökden,
Ýagtylanýar, nurana ak daň gelýär.
Häzir sazandanyň, dutaryň keýpi,
Märekäniň keýpi bilen deň gelýär.

Biri aglap otyr, birisi gülýär,
Biri hesret çekýär, birisi dymýar.
Saz diňlejek bolsaň otur şu ýerde,
Goh eşitjek bolsaň, wokzalda-da bar.

Awtory Atamyrat Atabaýew.


Goşga düşündiňmi?

Hawa.(46%, 6 adam)

Ýok.(38%, 5 adam)

Goşgy okamok.(15%, 2 adam)

Arhiwiň ýagdaýy

● Doly tekst

● 25/25 teswir saklanypdyr

Ýazylan saýty: teswirler.com · Çeşme: Web Archive nusgasy — ertir.com, 3 awgust 2012 ý. · Asyl sahypany gör ↗

Teswirler 25

Zenit 7 iýun 2011 ý. 20:33 +1

dusunmedim?

Maryly 7 iýun 2011 ý. 20:38 +2

Düşündim öýdýän. Saz çalnan mahaly şo zatlar göz öňüne gelýär.

atawatan 7 iýun 2011 ý. 21:20 +1


sesleşige goşulmadym, yöne Maryly agzanyng hem belleyşi yaly sazyng adamlarda oyaryan dürli duygulary, oy-pikirlerinden söz açyar çaklayşymça. ilkibaşda beyle-de bir goşgy bor oguşya diyip, yazan şahyryng adyny görmaege howlukdym. Atamyrat aganyng adyny göremsong, baeh! diyip, gaytadan okadym. çyndanam üytgeşik goşgy. şu goşgy barada, Kab aga, sizem öz pikiringizi detally yazaysangyz.
köp sag bolung.
Türkmen şahyrlarynyng döredijiligi bilen bizi tanyş edip duryanyngyz üçin çungngur minnetdarlygymy bildiryaerin. azabyngyz yerine düşsin.

Sakarchage 8 iýun 2011 ý. 05:36 +1

Gowyja goshgy. Bet eken

Mirasymyz 8 iýun 2011 ý. 05:56 +3

Kab aga menem atawatanyň aýdyşy ýaly awtoryny bir göreýin diýdim. Awtoryna gördüm weli ýene düşünmedim. Ýöne bir gezek okadym.

MarWIN 8 iýun 2011 ý. 06:23 +1

A.Atabayew b.n arada dushushygymyzam boldy,onat shahyr tuweleme!

Shadow 8 iýun 2011 ý. 07:15 +1

doly bolmasada biraz dushundim. Kab aga siz dushundirayseniz

pgs 8 iýun 2011 ý. 07:48 +1

Düshünmedim

gara pişik 8 iýun 2011 ý. 07:50 +1

iki sanjak ýerini kabul edip bilemok.

1.
Duşman bir galany ýykýar, ýumurýar,
Kesýär erkek göbekliniň kellesin.
Şol kesilen kelleleriň içinden
Tapanoklar günäkäriň sellesin.

2
Iti kowup, kölgesinde ak öýüň
Düzzim oýnap otyr üç sany bikär.

1-njide milleti synplara bölmek we selleli mollalara-işanlara ýigrenç döretmek bar ýaly. Mahmyt işan ýomut türkmenlerine baş bolup serkerdelik edip söweşen adam. Umuman, bölüp-bölüp olar erbet bular gowy ertekisi gowy däl.

2-njide-de türkmene berlen imijden nyşan. ýalta halk, iti kowup, itiň ýatan kölegesinde kölegeläp ýören bikar millet..... belki çetime degýändir, ýöne bu ertekini hem halamok.

kab 8 iýun 2011 ý. 07:54
gara pişik:
iki sanjak ýerini kabul edip bilemok.

1.
Duşman bir galany ýykýar, ýumurýar,
Kesýär erkek göbekliniň kellesin.
Şol kesilen kelleleriň içinden
Tapanoklar günäkäriň sellesin.

2
Iti kowup, kölgesinde ak öýüň
Düzzim oýnap otyr üç sany bikär.

1-njide milleti synplara bölmek we selleli mollalara-işanlara ýigrenç döretmek bar ýaly. Mahmyt işan ýomut türkmenlerine baş bolup serkerdelik edip söweşen adam. Umuman, bölüp-bölüp olar erbet bular gowy ertekisi gowy däl.

2-njide-de türkmene berlen imijden nyşan. ýalta halk, iti kowup, itiň ýatan kölegesinde kölegeläp ýören bikar millet..... belki çetime degýändir, ýöne bu ertekini hem halamok.



Galan ýerlerini haladyňmy, agam?
Define 8 iýun 2011 ý. 07:58 +2

Dutaryň sazy gaty uzaklara alyp gidýär diýjek bolýandyr. Sebäbi ony diňläniňde köne wakalar göz öňüňe gelýär. Ýöne goh etmän diňläniňde şeýle bolýar.

gara pişik iki ýerini belläpdir. Başga ýerlerde-de şolar ýaly bellärlik zatlar bar.

atawatan 8 iýun 2011 ý. 08:00 +1


goşguda agzalyan wokzal sözi manga Gurbannazaryng
 
wokzal dinge duşuşyklang yeri dael,
wokzal adamlaryng ayralyk yeri
 
setirlerini yatlatdy.

kab 8 iýun 2011 ý. 08:03 +1

Wokzally goşgy Gurbandurdy Geldiýewde hem bolmaly:

Ara açyp gitdi ömrüň ýaşlygy,
Ömrüm saç penjeläp wokzalda galdy.

atawatan 8 iýun 2011 ý. 08:04 +2


2-nji bentde ündelyaen pikir bilen düybünden ylalaşamok. belki-de selleli we düzzümli yerinde sossial tankyt bar. mening pikirimçe jaydar hem bolupdyr. yöne, 2-nji bentdaeki yagday muny adaty zat yaly görkezyaer we düyn yazan Guşa Gitmaeng Oglanlar yazgymda agzan keseliming düyp-teykarynda şu we şunga mengzeş garayyşlaryng yatyar diyip düşünyaerin.

atawatan 8 iýun 2011 ý. 08:05 +1


garayyşlar yatyar diyip düşünyaerin.
 
yaly bolmaly.

kab 8 iýun 2011 ý. 08:07 +1

Bir owadan oglan sandyga girip,
Bir gyzyň yşkyndan akmana barýar.

Şu iki setir-ä Zöhre-Tahyry ýatladýar öýdýän.

4erkez 8 iýun 2011 ý. 08:07 +1

Dag oýulyp, weýran gara dag,
Çirkizilýär galtamanyň sakgaly.
Aşyk-magşuk gözlerinden ýaradar,
Ýöne ýene öol gözlere bakmaly.

1-2-nji setirler bilen 3-4nji setirlerin arasynda baglanyshyk barmay?
goshgynyn gaty kop yeri uzuk uzuk gidyar.