Bagtlydyr ömrüni aglap ötüren
Diňdirjek bolmalyň aglaýanlary,
Goý, egissin ýüreginiň gussasyn!
Bu jahanda gam çekmäge esas bar,
Şatlanmaga bolsa iki esse kän.
Dogýan güneşleri maňlaýa sylyp,
Ýaşan şapaklardan many gözleýäs.
Kä öz bagtymyza mübtela bolup,
Özgäň agyr hasratyny görmeýäs.
Aýlanyp ýör, hasabyna jür wagt,
Maslahat soranok, duýanok öýkäň.
Girse bir gapydan sallançak bolup,
Tabyt alyp çykýar başga bir öýden.
Diňdirjek bolmalyň aglaýanlary,
Belki, aýralygyň çekýändir ahyn.
Ýa-da öz hasratyn aňmaýanlaryň
Göterip ýörendir betbagt agysyn.
Şatlyk, hasrat, barysy bir ömürde,
Käte derdiň gözýaş bolup döküler.
Meger çyndan aglap görmediklerden
Bagtlydyr ömrüni aglap ötüren.
Awtory Döwlet Annamyradow.
Arhiwiň ýagdaýy
● Doly tekst
● 9/9 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 3 awgust 2012 ý. · Asyl sahypany gör ↗
Teswirler 9
Sagbol Kab. Gowy goşgy eken. Döwlet Annamyradowy eşiden ýalam bolup durun, ýöne tanamadym.
Sagbol Kab. Gowy goşgy eken. Döwlet Annamyradowy eşiden ýalam bolup durun, ýöne tanamadym.
minnetdar agam
Mirasymyz, iki sany Döwlet Annamyradow bar. Bu goşgyň awtory - şahyr Döwlet Garkyn!
Kab dost gaty gowy goshgy, kop sagbol!
Çünki hadys bar Iki şatlygy we iki Gussany bile bermerin .
Sagbol paýlaşanyňa
öraen gowy goşgy. giriş setiri Gurbannazaryng geling özümizi köşeşdirmaeling diyip başlayan goşgusyny yatlatdy.
bu mening okap gören ikinji Döwlet Garkyn goşgym. ilkinjisi manga Amerikany açmak hökman daele öykünip yaşlygymda bir goşgujyk yazypdym.
kab aga, Türkmen şahyrlarynyng eserleri bilen bizi tanyş edip duranyngyz üçin köp sag bolung.
Gowy gosgy ekeni...
Näme diýsegem Gurbannazaryň ysy gelýär goşgudan.
Manyly goşgy. Bagtyň nämededigini bilip bolanok. Gurbannazaram:
Belki kämillige ýetmedik söýgi,
Ýeten söýgülerden kämildir kämil
diýip, söýgini deňeýär. Bärde bolsa aglap görmedikler bilen ömrüni aglap geçirenler deňelýär!