Kaka bolmak kynlaşýar
Bilemok, duýýarmy, ýokmy ogullar,
Ýöne welin çaý başynda käteler
Bizden, sizden, gözden-dilden gizligin
Assyrynja derdinişýär kakalar.
Olar derdinişýär ogullar hakda,
"Galarmyka?" diýip bigeleňligi.
Kimi üýşendirýär oglunyň agşam
Bir ýerik ir gidip, giç gelenligi.
Olar derdinişýär ogullar hakda,
Derdinmek däl, oda düşýär käbiri.
"Çüýşesine alaç edip bilemok",
"Wah, okuwdan kowupdyrlar Kadyry".
Birmahallar ogul bolmak kyn eken,
Ýyllar geçip, üýtgäp barýar kadalar.
Indi kaka bolmak kynlaşyp barýar,
Gaýrat ediň, gaýrat ediň, kakalar!
Awtory Nurmuhammet Ýusubow.
Arhiwiň ýagdaýy
● Doly tekst
● 19/19 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 5 awgust 2012 ý. · Asyl sahypany gör ↗
Teswirler 19
Jana gosgy eken. Kaka bolman ozem bir bagt.
gosgy gaty gowy eken, kaka bolmak kyn men oz kakamdan bilyan, yone cyndanam kaka bolmak bagt
👍
Menem kaka, 2-ýashyndaka pikir etdirýä, 20-ýashynda nähili bolarka.
Sag gapdalda mowzugyň ady görünýär. Kaka bolmak kynlaşýar Içimden beh, gaty gyzykly mowzuk açypdyrow birä diýip içine girýän welin goşgy. Goşgy ajap. Ýöne kab aga aşagyndan öz bilýänjeleriňem goşup maslahatlaşar ýaly mowzuk eden bolsaň hasam gowy bolardy. Goşgyly mowzuk diňe okalmak üçin däl-de maslahatlaşmak, gürrüňdeşlik etmek üçin hem açylsa gaty gowy boljakda. Sebäbi goşgynyň gozgaýan meselesi bir mowzuklyk mesele.
Ine, ata watan agaň açan mowzugam şolar ýaly. Kemçilik.
Quotient,goshguda aydylyp gechilena bar zat,eger pikirn bolsa ayt,bolmasa-da umsumje sahypadan gayt 🙂
erkek bolmak kyn ekenowwww blum
Heniz kaka dal! mumkin ahli zat wagty bilen gelyandir! Kate kop zada dush gelip oz-ozime diyyan, oglumy ya gyzymy kichiliginden dil owrederin, ony ederin muny ederin diyip! Nesip bolsa😎
ong ansatdymyka kaka bolmak? hichwagtam ansat bolan daldir, onem bolandyr ichen ogullar, ir gidip gic gelenler, Awtor indi goz yetirendir kynlygyna
@sabyrly, goshgy mowzuklary tuweleme, gowy bolupdyr, gaty manyly, beh... yaly teswirler yazmak uchin achylyamy? goshgydan son chekelesher yaly sorag goymaly ekenin diyipdir yokarda
Ekläniň gadryny, ekläniňde bilersiň.
Saklanyň gadryny saklanyňda.
Bu ýerde kaka bolmagyň kynlygy diýende düýbünden çuňňur zatlar hakda aýdypdyr.
Ýagny, birmahallar ogul bolmak kyn eken diýip, öz döwri bilen soňky döwri deňeşdirýär şahyr. Iki döwürde ogul hem kaka bolmak barada ýazypdyr. Döwre görä ulalýan çagalar kakalaryň aladalary bolýar.
18-den soň aýra ýaşasy geler entek, bir zat diýseň suda beresi geler, garransoň Garrylar öýüne eltesi geler. Bular häzir golup duran zatlar. Hudaýa şükür bizde ýok beýle zatlar!
Ozallar oglynyň garnyny doýursa bolany, öňini-ardyny bir mata ýapsa bolany, indi papa bolsoň-DVD-alyp ber,haýtoç alyp ber, MAşyn alyp ber,jinsi alyp ber,jaý alyp ber,aýal alyp ber sanasaň sogaby bar, ýedigenim ýedi göçer,ýedi gonar, ýöne häzir çagalaňy dost tutunsaň kaýyl bolýaň oýtýän !
Baý kaka bolsoň oňat ýöne, garyp kaka bolsoňam erbet däl, gowy sözleri aýtýaň,iň bolmanda ýor oglym aşyk oýnaly, liýanga depeli diýseň hoşal bolýar, baýkaka bolsoň puluň bilen hezil berýäň !
Gowy gyz tapyp oylenmegem kyn, derrew kaka gecyaleray.
Kynam bolsa ýüp bilen çekýäs şol kynçylygy.
Sagboluň paýlaşanyňyza.
A indiler näme, Hudaýa şükür, parahatçylyk, asudalyk, hemme zat diýen ýaly elýeterli - şol bir hatarda adamyny zaýalaýan zatlar, arak, geroin, azgyn aýallar, we ş.m. Şeýlelikde köp ogullar näme öňküler ýaly ýigit çykmak üçin özlerini arak içip, birini depip, 5 ýyl basylyp, geroin öwrenip, ... - özlerini görkezýärler. Şeýlelikde kaka bolmak häzir has kynyrak bolmagy mümkin.Irki döwürler kakalar daşky duşmanlar bilen göreşip, emläklerini, abraýlaryny,... başgalardan goran bolsa indi tersine - öz ogluňdan gorkup ýörmeli döwür boldy.Dogry, häzirlikçe oglum ýok, Alla halap, nesip etse oňat kaka bolmaga çalyşaryn. Kakama hem adaty kaka höküminde etmeli aladalaryndan artykmaç alada etdirmezlige - mynasyp ogul bolmaga synanyşýaryn. Allajan özüňden medet!
Kaka bolmak agyr iş bolan öňem soňam ... Garyp bolsaň öňem kyn şu wagt hem kyn... Gyzyňy bir garry baýdan goramak öňem aňsat bolan däldir.