Kandiliňiz mübärek bolsun!

Regaip, elde edilmesi arzuw edilen gymmatlyklar diýmekdir. Bu mübärek gijede, Beýik Möwla gullaryna bol-bol rehmet we yhsan paýlaýandygy üçin bu ady alypdyr.
Regaip gijesiniň içinde bolan Rejep aýy, halk dilinde "üç aýlar" diýlip bilinýän rehmedi, berekedi we magfireti (Allatagalanyň bagyşlamagy) köp bolan magnawy bir söwda möwsümine girişimiziň habarçysydyr. Rejep aýy Gurhanda haram aýlar diýlip agzalýan dört aýdan biridir. Regaib gijesiniň beýle bir aýyň içinde ýer almagy, şol bir wagtyň özünde bu gijäniň ähmiýetini-de görkezýär. Tema bilen baglanşykly aýatda Beýik Allatagala şeýle buýurýar:

"Allah gatynda aýlaryň sany on ikidir. Bulardan dördi haram aýlardyr. Ynha bu Allah'yň dos-dogry kanunydyr. Beýle bolsa ol aýlarda özüňize zulum etmäň. (Tewbe Suresi, 36)

Hz. Pygamberiň (s.a.w.) eden şu doga üç aýlara beren ähmiýetini bildirýär: "Allah'ym! Rejep we Şaban aýlaryny bize mübärek eýle we bizi Ramazana gowuşdur."

Mähriban Mü'minler!

Bu mübärek günler we gijeler, özümize seretmek we baha bermek nukdaýnazaryndan örän zerurdyr. ýene bir gezek geçmişimiziň hasabatyny çykarmak we gelejege taýýar bolmagyň çärelerine seretmeli we pikir etmelidiris.

Eý Allah'y söýýän diýýän ynsan! O'ňa garşy gulluk wezipäňi edýärmiň?

Pygamberimi söýýän diýýän Musulman! O'nuň (s.a.w.) sünnedini, ahlagyny berjaý edýärmiň?

Kitabym Gurhandyr diýseňde, ondaky emirleri ýerine ýetirip, gadagan edilen zatlardan gaça durýarmyň?

Allah'yň nygmatlaryny iýýäň welin, şükürini ýerine getirýärmiň? Aç, dermansyz, hiç kimi bolmadyk, garyplary gorap, seredýärmiň?

Ölümiň hakdygyna şübhe ýok. Şu wagt ölüme taýynmyň? öz ýalňyşlaryňy düzldip, toba edýärmiň?

Geçen ýylyň bu mübärek gününde seniň bilen bile bolsalar-da, şu wagt görüp bilmeýän dost-ýarlaryňy, garyndaşlaryňy, hossarlaryňy ýadyňa salyp, özüňi tertibe salyp bilýärmiň?

Hawa, bütin bulary özümize sorap, şu wagtky ýagdaýymyz bilen deňeşdirmek, bu mübärek günleriň we gijeleriň ähmiýetine aň ýetirmek diýmekdir.

Eziz Musulmanlar!

Bu ynsany we yslamy ölçegleri pikir edip, ýamanlyklarymyzdan, ýaman gylyk-häsiýetlerimizden uzak durup, toba edip, gelejegimizi-de has gowy ýerlere getirmäge bagyşlasak, karar bersek; her günümiz kandil gijeleri ýaly üstünlikli, soňumyzam baýramlar ýaly begençli, şadyýan bolar.

Bu gijä mahsus bir ybadet şekili ýokdur, emma, gündizine agyz bekläp geçirmek, mätäçlere kömek bermek, bar bolsa dargyn bolan kişilerimiz bn ýaraşmak, ene-atamyzyň we ulularymyzyň haýyr-dogalaryny almak, gijesini Gurhan okamak bilen we Pygamberimize (s.a.w.) salat-u salam getirmek bilen, toba ystygfar etmek bilen geçirmegimiz dogry bolar.

Kandiliňiz mübärek bolsun!