Ýaz galamym ýaz...

Ýaz galamym ýaz. Sen ýazmasaň ýürekdäki hasratymy kim beýan eder? Kalbymdaky harasatymy kim döker setirlere? Ýüregimdäki söýgüni kim söýlär? Ýaz sen galamym. Sen ýazmasaň ýürek joşa geler sygmaz bu dünýä. Kalbymdaky hasrat gözýaşy bolar akar gider. Ony diňe garaňky gijeler we gözýaşlarym biler. Söýgi ebedilik galar göwünde.

Bu hijran aýralygy nähili agyr? Göterenok serim. Alan demimde aýralyk, gezen ýerimde obam, gören ýüzlerimde dostlarym, bakan gözlerimde söýenlerim, eşiden atlarymda ýaranlarymy ýatlaýan. Bu duýguny diňe sen beýan edersiň. Her gün oturyp suratlara seredip  könäni ýatlamagy, aýrylygyň ýürekdäki yzasyny sen wasp edersiň.

Galamym ana bir damja ýaş... Içinde hasratdan, hijrandan, söýgüden, aýralyk derdinden tohum. Rugsat berme ol tohumlar kök ursyn. Duýgular möwç alsyn. Aýralyk bolmasyn, hasrat gutarsyn, hijran bilen ýanan göwün ynjalsyn. Söýenler ýarlaryna, aşyklar magşuklaryna, talyplar diýarlaryna gowuşsyn.

Sag aman okaň. Egzamenleriňizde üstünlikler!