Haçyň sözi –akmaklykmy ýada gudratmy...
Haçyň sözi –akmaklykmy ýada gudratmy...“Haç” diýen sözi eşidenimizde bizde nähili pikirler peýda bolýar? Käbirleri, şolbada orslaryň dinindäkileriň ybadathanasyny, ýagny rus ortodoks ybadathanasyny, şol dine uýýanlaryň boýnunda göterýän kümüş ýada altyndan bolan haçy, olaryň dini däp-dessurlaryny, ýada hristian diýýilýanleriň haça çokunýar diýen pikir gelip bilýär, katolik buthanasyndaky haçlar, haçly ýörişler we başgada birtopar bulara meňzeş pikirler gelýär...Elbetde bizde her hili pikir döräp biler, ýada bizde her hili hakykata esaslanmadyk maglumatlar bolup biler, emma bu heniz biziň pikirimiziň dogrudygyny görkezmeýär. Elbetde “mesihilik” mezhepleriniň köpüsinde “haç” simwol hökmünde ulanylýar. Muňa düşünmek üçin bolsa “haçyň” näme üçin simwol bolup galandygyna düşünmek gerekdir. Bu bolsa Isa Mesihiň durmuşy bilen baglanyşyklydyr, bu “haçy” ondan aýratynlykda ulanmak we düşündirmek düýbünden hakykata laýyk gelmeýär. Isa Mesih elhençlik bilen haçda ölüm jezasyna höküm edildi. Bu bolup geçmezden öň Hudaýyň ýüzlerçe ýyl öňünden pygamberler arkaly aýdyp geçen pygamberlikleri ýerine ýetip Isa Mesihiň haçda Öz ganynyadamzadyň günäleriniň jezasyny “gurbanlyk guzy” hökmünde dökendigini Mukaddes Ýazgylar tassyklaýar. Bu sebäpden Isa Mesihe iman edenler üçin “haç” şol Hudaýyň Özüniň üpjün eden Isa Mesihdäki gudratyny we gutulyşyny ýatladýan simwoldyr. Bu Isa Mesihiň biziň hatyramyza haçda döken ganyny we janyny biziň dowzah odundan gutulmagymyz üçin berendiginiň ýatlatmasy hökmünde simwol hökmünde ulanylýar. Bu sebäpden “haç” diýilende Hudaýyň Sözüne laýyklykda bu Hudaýyň biziň üçin merhemetiniň we rehiminiň ýatlatmasydyr. “Haç” Isa Mesihsiz biziň üçin hiç zatdyr. Haçyň özünde hiç hili many ýok, Isa Mesihiň haçda ýerine ýetireni iň wajyp zat bolmagynda galýar.Gynansakda, käbir adamlar “mal gurbanlygyna” ynansalarda, ýagny gurbanlyk baýramyny belläp geçýärler we hudaýýoluna diýip, bizi gunälerimizden tämizlär diýip we bereketlär diýip umyt edip mal gurbanlyklary getirýärler-de, Hudaýyň Isa Mesihde kämil we iň soňky bir gezeklik hemişelik “Gurbanlyk Guzy” hökmünde üpjün edenini welin kabul etmeýärler.Ybraýym pygamberiň ogluny Hudaýa gurbanlyk hödürleme taryhyndaky gökden Hudaýyň üpjün eden “gurbanlyk goçyny” kabul edip oglunyň ýerine gurbanlyk getirişini kabul edýäris-de, Hudaýyň biziň ählimiziň janymyzyň dowzahda günälerimiziň jezasy hökmünde ýanmagyndan gutulmagymyz üçin üpjün edenine welin ynanmajak bolýarys. Emma özümizi şeýle günälidigimize we şeýle jeza çekip biljegimize düşünsedik onda Hudaýyň bu görekezen belen rehimine we merhemedini kabul ederdik we şükür ederdik we bütin ömür Onuň hakykatynda ýaşamaga çalyşardyk. Dürli pikirli adamlar dürli zady talap edýärler, kimler “logikany” ýada akyldarlygy, başgalar bolsa nähilidir bir göze görünýän “gudraty” talap edýärler...“Haçyň sözi” barada ýagny Isa Mesih haçdaky edenleri barada Isanyň resuly bolan Pawlus hem şeýle ýazýar: “Çünki haçyň sözi heläk bolanlar üçin akmaklyk, biz—gutulanlar üçin bolsa Hudaýyň gudratydyr. Çünki: “Men akyldarlaryň akyldarlygyny weýran ederin, düşünjelileriň düşünjesini güýçden düşürerin” diýip ýazylgydyr. Akyldar hany? Kanunçy hany? Bu döwrüň alymy hany? Hudaý bu dünýäniň akyldarlygyny akmaklyga öwürmedimi? Çünki dünýäniň Hudaýyň akyldarlygynda öz akyldarlygy bilen Hudaýy tanamandygyna görä, Hudaý iman edenleri wagyz akmaklygy arkaly gutarmagy unady. Çünki ýehudylar gudrat görkezmegi talap edýär, grekler akyldarlygy gözleýär. Biz bolsak haça çüýlenen Mesihi –ýehudylar üçin büdremäge sebäp, milletler üçin-de akmaklyk bolan, ýöne çagyrylanlara, hem ýehudylara, hem greklere Hudaýyň gudraty we Hudaýyň akyldarlygy bolan Mesihi wagyz edýäris. Çünki Hudaýyň “akmaklygy” (adamlar şeýle pikir edýärler) adam akylyndan üstün, Hudaýyň “ejizligi” (Hudaýa näme gerekdi haçda Isany ölüme tabşyryp, näme Hudaý ejizmi...”diýip adamlar pikirlenýärler) adam güýjünden güýçlidir. Çünki, eý doganlar, çagyrylyşyňyza serediň. Adam ölçegi boýunça köpüňiz akyldar, güýçli, asylzada däldiňiz. Ýöne Hudaý akyldarlary utandyrmak üçin, dünýäniň akmak saýýanlaryny saýlady. Hudaý güýçlileri utandyrmak üçin, dünýäniň ejiz saýýanlaryny saýlady. Hudaý ähmiýetli zatlary ýatyrmak üçin, bu dünýäniň asylzada dällerini, äsgerilmeýänlerini we ähmiýetlsizlerini saýlady. Ol muny hiç bir adam Hudaýyň huzurynda magtanmasyn diýip etdi. Ýöne: “Magtanan Reb bilen magtansyn” diýip ýazylyşy ýaly, siz Hudaýyň saýasynda Mesih Isadasyňyz. Isa Mesih biziň üçin Hudýyň akyldarlygy we dogrulygy, mukaddesligi we gutaryşy boldy!”Hudaý pygamber hökmünde bolan resul Pawlusa arkaly aýdan bu sözlerinde biz düşünmek isleýänlere “Isanyň haçda eden işi” hakynda doly düşündiriş berýär. Biziň Hudaýyň Öňünde magtanara öz zadymyz ýok, çünki biziň her birimiz hem günäli we Hudaýyň şöhratyndan mahrum adamlar, her birimiz hem Hudaýyň rehimine we merhemetine mätäç adamlar, biz şeýle bir syrkaw şypany diňe Hudaý berip bilýär. Bu sebäpden hem Hudaý bize şol akyldarlygy, dogrulygy, mukaddesligi we gutaryşyIsa Mesihde üpjün etdi! Bu sebäpden bular seniň üçin akmaklykmy ýada Hudaýyň gudraty, rehimi we merhemetimi?Bu soraga berjek jogabyň bolsa seniň Hudaý bilen baky boljak aragatnaşygyňy kesgitlejek jogap bolar! Eger sen öz diniňe, dindarlygyňa, ýada öz dogrulygyňa, akyldarlygyňa, ýagşy işleriňe we başgada näme zadyň bar bolsa şolara bil baglap Isa Mesihiň seniň üçin haçda eden belent gurbanlygyny akmaklyk saýsaň, onda sen Hudaýyň gutaryşyndan ret edilersiň, egerde Hudaýyň Isa Mesihde görkezen gudratyna, Isanyň haçdaky seniň üçin bolan ölümine kalbyň bilen ynansaň we Onuň diňe bir ölüp gabyrda galman ýene-de direlendigine ynansaň we gaýdyp geljegine garaşsaň-şonda sen Hudaýyň Isa Mesihdäki akyldarlygyna, dogrulygyna, mukaddesligine we gutaryşyna eýe bolarsyň!Bu bolsa hakykatdan hem Hoş Habardyr! Beýle Hoş Habara hiç bir ýerde duş gelen dälsiň we duş gelmersiň! Bu ajaýyp Hoş Habary düşünip kabul et we ýokarda agzalyp geçilen Hudaýyň baky ýaşaýşyna eýe bol!
Arhiwiň ýagdaýy
● Doly tekst
● 38/38 teswir saklanypdyr
Ýazylan saýty: teswirler.com · Çeşme: Web Archive nusgasy — ertir.com, 30 noýabr 2011 ý. · Asyl sahypany gör ↗
Teswirler 38
Hachyng sozi sening uchin akmaklykmy yada Hudayyng akyldarlygymy?
sylap dost bilmedim name diyjegimi,Isa yeke hudaylygy undan pygamber,elbetde onyng wesyeti yere inip adamy azat etmedi,gudrat bn Muh.A.W saylanyldy.Yerde adamlar adalatlyk tapan bolsolor,Beyik Tangry hic-hili pygamber ibermek zerurlygy bolmozdy.Meselem ynsan aydaly hic bir Beyik Tangra ynanmasada,yone owut,nesihatlary yerine yetirip ynsanperwer bolso,sholom Ybadat,emma men bilyan dining name gerek bolondygyny ,kopadam dushunmek mahrum,yone pelsepechi kan.Hach barada aytsam-bir kakoyta chuylenen ynsanly hachly tayaga negatiw garayan,Isa pyg.ozine dal,sebabi oziha bolso shonga razy bolmozdy djek bolyanda!
adamlar sheyle samsyk ya-da samsyk sayyalar ya-da samsyksyrayalar. Name indi ata-babalary yalnysh yoldan(dinden) yorap. 21 asyryn bir yandan cykan ykmandalary dogry yol gorkezyalermika. Hristiyanlan haysy ybadat hanasyna barsan Isa asw heykeli dur. Hemmesinde dur. Indi sholanky yalnyshda, altyn asyrda emele gelen, ozulerice toslama cykaryanlanky dogrymyka!
Onsanam men Hudayy goryan, Ol men onumde haca cuylenip dur. Huday ynsanlardan mataclik cekya. Butin almemi yaradan Huday, sadaja ynsanlardan halas bolup bilmeyar. Hudayy men goryan ol men onumde haca cuylenip dur. Ony yere gomyan haysy, koca zynyan haysy, owdanlyk ucin saklayan haysy. Hudayy name etsen bolya sebabi Hudayy men goryan onumde Heykeli dur.
Hudayy gormek ucin olmek nama gerek, on Heykeli onumizmde dur. Men dine On Jemalyny gormek ucin olesim gelya. Istese dowzaha goybersin, birja sapar jemalyny gormek ucin olesim gelya. A gormek ucin olmek gerek dal yalyla. On jemalyny kinodada goryan, heykelinem goryan. Adamlaram On roluny oynap kino dushup bilyar. Hezillik
Hudayy gormek ucin olmek nama gerek, on Heykeli onumizmde dur. Men dine On Jemalyny gormek ucin olesim gelya. Istese dowzaha goybersin, birja sapar jemalyny gormek ucin olesim gelya. A gormek ucin olmek gerek dal yalyla. On jemalyny kinodada goryan, heykelinem goryan. Adamlaram On roluny oynap kino dushup bilyar. Hezillik
Vatican, Orta Asya'da hristianlygy yayratmak uchin miliardlap pul goyberyä, bu propagandalar ve sonky wagtlar köchede ya öyme öy aylanyp Isa mesih hakda gurrun beryanler, shonyn netijesi
sylap shu teswire yurek ber.
Hakyky hosh habar hasabyng sagdan berilmegi. Muhammet pygamberimizing ymmatym diyip kabul etmegi.
Ölüm güzeldir , budur perde ardından haber. Hiç güzel olmasaydı ölürmüydü peygamber.
Rahman we Rahym bolan Allahyň ady bilen
Hamd – öwgi Wahyd, Ehad, Hakk we Mubiýn bolan Allahadyr. Ol şeýle bir Allahdyr Onuň şärigi ýokdur. Ondan başgany inkär edýärin. Hezreti Muhammediň (s.a.w.) bolsa Onuň guly we resulydygyna, adamlaryň arasyndan saýlap-seçen habybydygyna we mahlukatyň iň haýyrlysydygyna, owal we ahyr gelenleriň iň keremlisidigine şaýatdyryn. Allahyň rahmeti we salamy, hezreti Muhammede (s.a.w.), iberilen beýleki pygamberlere, Ýýer we Gök ählinden, Allaha mukarreb (ýakyn) perişdelere we salyh gullara bolsun. (Ämin).
Deňi-taýy bolmadyk Allah ýar we ýardamçy hökmünde ýeterlikdir. Oňa bil baglaýaryn. Ol Arşy azymyň Rabbidir. Ony tesbih we takdis edýärin. Güýç-kuwwat diňe we diňe Oňa degişlidir. Allahyň isläni bolar, islemedigi hem bolmaz. Şuny berk bil! Allah hemme zada kadyrdyr. Ol her bir zady ylmy bilen gurşandyr. Goý, keremli Allah dinimizi, dünýämizi, Watanymyzy, milletimizi, döwlet ýolbaşçymyzy, ene-atalarymyzy, çagalarymyzy, ussatlarymyzy, gyz we erkek doganlarymyzy öz penasynda aman saklasyn. (Ämin). Çünki Ol ne gözel goraýjydyr.
Injil hezreti Isanyň üsti bilen Israil ogullaryna inderilen hak kitaplaryň üçünjisidir. Kurany Kerimde Injil we hezreti Isa barada giň maglumat berilýär. Injiliň üýtgedilip, ýoýulandygy bellenýär.
«Geçen pygamberlerden soň, özünden öň gelen Töwraty tassyklaýjy hökmünde Merýem ogly Isany iberdik. Oňa özünden öňki Töwratyň tassyklaýjysy, muttakylara hidaýet we öwüt, içi hidaýet we nurdan doly Injili berdik», (Maide,46).
«Injil» sözi – «buşluk», «hoş habar» diýen manylary berýär. Grekçe bu kitaba «Bibliýa» diýilýär. Manysy: «kitapça» diýmekdir. Hristianlar Injile «ahdi jedid» (täze äht) diýýärler. Täze äht dört injil («Matta», «Markos», «Luka», «Ýuhanna») bilen ýigrimi üç babyň jemlenmesinden ybaratdyr. Bu kitaplaryň ählisi I-II asyrdan soň ýazylýar we ýaýraýar. Injiliň asyl nusgasy grekçedir.
Hristiançylygyň ilkinji asyrlarynda ýazylan bu Injilleriň sany diňe agzalan dördüsi bilen çäklenmeýär. Olardan başga-da, şol döwürde, üç ýüz töweregi Injil ýazylypdyr. Biziň eramyzyň 325-nji ýylynda geçirilen Iznik maslahatynda bularyň diňe dördüsi hakyky Injil diýlip kabul edilýär.
Häzir: «Injil hezreti Isa inderilen Injiliň asyl nusgasymy ýa-da dälmi?» diýen meselede şu aýratynlyklara üns berilmelidir:
1. Hezreti Isa dirikä, Onuň aýdanlarynyň ýa-da eden işleriniň hiç biri ýazga geçirilmändir.
2. Hezreti Isanyň dünýeden ötmeginiň yz ýany, Onuň ýazga geçirilen sözleri we durmuşy barada maglumat berýän çeşmeler ýitipdir.
3. Gürrüňi edilýän bu Injilleri ýazan awtorlaryň hiç biri hem hezreti Isany görmändir.
4. Hezreti Isanyň ene dili – arami (gadymy ýewreý dili) dilidir. Emma bu Injiller grek dilinde ýazylypdyr.
5. Bize gelip ýeten golýazma görnüşindäki Injiller baryp-ha IV-V asyrlara degişlidir. Olaryň bolsa şol wagta çenli nähili we nä derejede ýoýulandygy anyk belli däldir.
Bu gün hristianlar Töwraty, Zebury, we Injili «Mukaddes Kitap» ady bilen bir ýere jemläpdir. Ýöne bu kitapda Allahdan inişi ýaly mukaddeslik saklandymyka? Bu meselede Pygamberimiziň şu maslahatyna görä özüňi alyp barsaň dürs bolar: «Ähli kitaby» tassyk hem etmäň, ýalan hem diýmäň. Ýöne şeýle diýiň: «Biz Allaha, bize inderilen Kurana, Ibrahime, Ismaile, Ishaka, Ýakuba we nesillerine inderilenlere, Musa, Isa berlenlere we ähli pygamberlere Rableri tarapyndan inderilenlere iman etdik. Olaryň hiç birini beýlekisinden tapawutlandyrmarys. Biz Allaha teslim bolan musulmanlardyrys», (Bakara, 136; Äli Imran 84).
seniň diniň saňa
meniň DINIM maňa
(padýom sylap)
seniň diniň saňa
meniň DINIM maňa
(padýom sylap)
Haçda çüylenip öldürilen hezreti Isa aleyhissalam däl, Alla Isa pygamberin gizlenen yerini kapyrlara görkezen satgyny Isanyn keşbine girizyär. Şeylelikde kapyrlar Isa (a.s)y däl, satgyny haça çüylediler.
Sylapmen, Isa (a.s) hakda in ynamdar çeşme Gurhandyr. Muny Watikan aytdy, link bermek islärdim yöne telden giryän şu wagt.
Hezreti Isa (a.s) pygambere in köp hormat goyyan we gadyrlayanlar hristianlar däl, musulmanlar! Her bir musulman Onun adyny tutanda Allanyn pygamberine salam we salat getiryärler ''aleyhissalam'' diyip. Elbetde salama garşylyk bermek wajyp, şol sebäpli hezreti Isa (a.s)'a in yakyn bolan topar hem musulmanlardyr!
sylapmen, soragym bardy. Sen Muhammet (saw)'i pygamber hasaplanokmy? Senin pikirinçe Ol öz-özüni pygamber diyip yglan edipmi? Gurhan Allanyn kitaby däl-de adamyn eserimi?
zzzzzzzzzzzzzzzzzzzzzzzzzzzzz....
no comment ...
Bu mukaddes kitaplara (Töwrat,Zebur,Injil)musulmanlar Allah tarapyndan gelenliginden ynanýalar, ýagny biz. Ýöne bu kitaplaryň hökümi ýatyryldy ahyry.A indi bolsa HUDAÝTAGALLA bize hormatly kitap bolan KURAN KERIMI iberdi.🙂
Sylapsen, siz bir ýeke hudaýlygy ündeýän bolsaňyz, onda bir hä dibseň boljak.
A sen bolsa elmydama Hudaýyň birligine hiç bir ynsanyň aňy ýetmez diýýäň.
hawa tapawudyny bilyan, ine bu sebapden bu sagdaka ynanman, Isa Mesihing Ozune ynanyan!